بنات ساعدوني سفرتي بتكنسل(الفيزا)

[لينوفر]

بليز بنات شسووووووووي
رحلتي 7/1
والسفارة السويسريه عطتنا موعد 25
يعني قبل السفره ب5 ايااااااااااااام


والاجراءااااات تقعد 10 ايااااااااااام شسوووي تكفون
احتمال اليوم اكنسل :eh_s(2)::eh_s(2)::eh_s(2)::eh_s(2):

 

[لينوفر]

تعرفون مكتب يخلصهااا شي واسطه مني مناك
لان حجزنا تذاكر وسكن

 

[عزاااه]

منو يقولج اجراءات ١٠ تيام رفيجتي مسويتها تخلاص ٤ تيام

 

[لينوفر]

السفاره قالوا بعد الموعد يمكن يبليها 10 ايام

 

[عزاااه]

اولى مره ليش ماقدمتي مبجر انا الالمانيا ٤ تيام خلاصت

 

[لينوفر]

عزاه مالقيت سكن ع ماحصلت سكن بانترلاكن وزلمسي
قدمت فيزا

السكن اللي عطلني...... واليوم بكنسلهاااا

 

[عزاااه]

شنو بتسوين

 

[.jnoon.]

حبيبتي مو لازم تطلعين الفيزا من السفاره السويسريه

رووحي السفااره الفرنسيه وطلعي فيزا شنغن منهااا


انا وزوجي جذي سويناا لما رحنا سويسرا

الفرنسيه اسرع ونفس الفيزا هذي حق كل دول الاتحاد الاوروبي

والله يووفقج وان شااء الله ما تكنسلينهاا وترووحين وتستاانسين وتووريناا التقاارير الرووعه

 

[In Geneva]

إختي الله يسهل أمورك إن شاء الله

لما رحتوا تحجزون موعد لتقديم طلبات الفيزا

هل قلتوا لهم موعد السفر

لانه العادة إنه يسألون عن موعد الرحلة ويعطون الأولوية للي رحلاتهم قريبة

ويكون الموعد قبل الرحلة بأسبوعين

انا كل سنة أقدم على الفيزا السويسرية وجذي الطريقة وأقصى موعد يعطوني إياه بعد عشر ايام

موضوع أنك تطلعين الفيزا من الفرنسية ممكن

لكن قانونا يجب إصدار فيزا الشنغن من سفارة بلد الوصول والمحطة الاولي لك باوربا

إذا كان وصولك لمطار سويسري يفترض فيزتك سويسرية
اذا كانت ألمانيا الفيزا تكون من الالمانية

طبعا الكثير يطلع من الاسبانية والايطالية ويروح سويسرا أو فرنسا وما تكون إيطاليا في رحلته

لكن لو صدف موظف حازم بالمطار

راح يقول آسف الفيزا مو من دولتنا ما نقدر ندخلكم

وصارت لثنتين أعرفهم

وحده مصدره الفيزا من الايطالية وراحت ألمانيا

ردوهم فما لقت حل الا غنها تحجز من مطار ألمانيا لأيطاليا وراحت قعدت يوم عقب حجزت راحت ألمانيا وكملت رحلتها عادي

الثانية بمطار المانيا قالت لهم أنا كانت رحلتي أوصل النمسا لكن في اللحظات الاخيرة تغير مخطط الرحلة وصار وصولي لألمانيا كمحطة أولى ولا اقدر اقدم عالشنغن من سفارة المانيا لانه صدرتها من النمساوية ومشى الحال معاها

لكن هذي الامور أنا أتخوف منها فأحب أكون بالسليم

فأطلع الفيزا من سفارة بلد الوصول


لا تلغين السفرة


ممكن تشوفين لك أقرب مطار ألماني وتوصلين ألمانيا وعقب تكملين رحلتك إذا كانت المانيا أسرع في إصدار الفيزا او تشوفين الفرنسية وتوصلين باريس وعقب على سويسرا

أنا بالنسبة لي من زمان ما طلعنا فيز من الفرنسية ولا الالمانية سنويا نطلع من السويسرية

 

[Samurai]

لا ما لاداعي تغير المطار ..

أول شي
سوي حجز وهمي لفندق بلألمانيا .. يعني روحي بوكينق ودوري فندق بميونخ او قارمش اي فندق وتأكدي ان سياسة الألغاء قبل الوصول بيوم مجاني !! اهم شي مجاني
اذا سفرتج 12 يوم حجزي 8 أيام لازم عدد الأيام اكثر بألمانيا
وطبعي الحجز
وروحي لمكتب القبس وقدمي أوراقج وواهم شي حجز الفندق .. ما راح يعطونج الفيزا الا اذا عدد الأيام بألمانيا أكثر
وان شاءالله بتتسهل أموركم

ولا تلغين الحجز الا بعد ما توصلون زيورخ بيومين

 

[لينوفر]

بنات ابي افهم
الفيزا ع مكان الوصول الاول ؟ ولا عدد الايام في الدوله الاكثرر

 

[Samurai]

في الدولة عدد الايام الاكثر

 

[فوفو22]

اولا عادي دام بتلخص قبل السفره ب 5 ايام وين المشكله

ثانيا روحي الاسبانيه تخلص باقل من اسبوع

فوفو

 

[لينوفر]

الموعد اللي اجيب اوراقي وهالسوالف قبل السفره ب5 ايام

وع ماتخلص اوراقي بيجي الموعد وماخلصواااااا


ع العموم اللي معاي ناس حارين .. مايحبون ع الويتنق للحظات الاخيره..
فتكنسلت السفرة وتم تغيير الوجهه لتركيااا ..

وعشان بعد ماننطررر لي اخر الايام وتطير التذاكرر مثل الحين

شكرا بنات وعسى خيره