بنات ساعدوني حدي متوهقة

[شذى الحب]

بنات انا ميداني باجر اول شرح راح ابتدي ان شااءلله

بس حااسة بخووف وربكة مو طبيعية جنه زواج مو شرح درس خخخخخخخخخخخخخ << برا


بس صج بنات شنو اسوي عشان مااخااف للشرح مع العلم شرحي قران كريم

بس باجر يدش الموجة الكلية ورئيسة القسم من الخوف احس افكاري رااح تخربط

تكغون ابي نصاايحكم يا ابلات جزاكم الله خير يارب تشرح قلبي ياارب :bbbiu:

 

[silver cat]

خوفج هذا شي طبيعي انا عشر سنين تدريس وللحين ما احب دخلت الناظره ولا الموجه  بس صدقيني الارتباك والخوف بس اول خمس دقايق بعدين يصير عادي اهم شي لا اطالعينهم ركزي نظرج على طالباتج بس جنهم مو موجودين وهالله هالله بنظافة الصف والريحه الحلوه مادري شفيهم هالايام مركزين عليها

 

[اسيل الصمت]

رد : بنات ساعدوني حدي متوهقة

هههههههههههههه عادي ياقلبي هاذه شي طبيبعي جدا
يعني انتي حاولي تكونين مركزه على الششرح والطالبات مثل ما قالت الاخت
حتى بعد ما تتعودين على الوضع راح تحسسين بتوتر ،،،

الله يسسهل عليج

 

[شذى الحب]

امين يارب جزاكم الله خير

 

[قمر الكويتية]

روحي الصف بسرعة أول ما يطق الجرس ،، ونظمي البنات ،، وكتبي السبورة و لاتنسين التاريخ

و لما تشرحين لا تطالعين للبنات و لا للموجه و لا رئيسة القسم خلي عيونك علي طوفة الصف من و را ،، لا تحطين عيونك بعيونهم علشان ما تخافين و لا ترتبكين

و حضري الجزء المقرر عدل علشان ما ترتبكين ،،، و إنسي وجود الموجة و رئيسة القسم بالصف

و أولها صعب ،،، و بس تتعينين بتسوين دروس نموذجية و ورش عمل و يصير عندك حضور مو شخص و لا شخصين

وأهم شي إدعي الله إنه يطلق لسانك و يبعد الخوف عنك ،، و إستعيني بالله

 

[توتي فروتـي]

رد : بنات ساعدوني حدي متوهقة

//

شي طبيعي جدا .,

تخيلي انج بروحج مع طالباتج .,!!

أذكر مرة من المرات قطيت نكته مع البنات يت مع الشرح
وخليت الموجه ورئيسة القسم يضحكون

يعني خليج سلسة ., @@

ولا تحاتين من التقديرات ترى يراعونج كونج بتدريب .,

موقفة يارب.,

 

[كل شيء عادي]

شوفي حبيبتي طريق الوصول لحصه ناجحه :
أولا التوكل على الله
ثم الاعداد الجيد للدرس :
1- تحضير كتابي ممتاز
2- تحضير ذهني ممتاز- تدربي على قراءة الايات + شرح المعنى الاجمالي
3- تجهيز البطاقات الخاصه بالدرس - معاني الكلمات+اداب التلاوه +المجموعات + لوحة الايات- خلي صبورتك تفتح النفس
في موضوع بعنوان ( بنات ابي افكار طريقة تدريس القران الكريم للابتدائية بنات ) أطلعي عليه انا حاطه صورة سبورتي فيه
4- الشريط والمسجل وجهزي الشريط قبل الحصه
5- لا تنسين دقتر الدرجات انا دايما انساه أي بنت تردد الايه بشكل ممتاز حطي لها درجه على طول
6- روحي للصف قبل الحصه بخمس دقايق وتأكدي ان الصف مرتب ونظيف
7- لا تنسين اذكار الصباح ولله يوفقك ياااااارب
لا تنسين تقولين لنا شنوا يصير معاك