حنا وصلنا طرق تكوين ٩
والله مو سهل حبيبتي شرحه متعب
وما اتوقع الاطفال رح يستوعبون عدل
لان الابلات تبارك الرحمن مالهم شغل بالشرح
بس اكتبو جذي ولااااا يشرحون شي
انا أقولج طريقتين
الاولى المكعبات مالت الرياضيات الملونه أنا شريتها
اقول لبنتي مثلا هذيلا مكعبين صفر جم مكعب احمر ناخذ عشان نوصل خمسه تاخذ وتعد لين يصير المجموع خمسه
ولما تخلص أقولها معناها ٢ اصفر و ٣ احمر يكون خمسه
وتخليهم بصوب وأخذ لونين غير ازرق وأخضر مثلا واحد واربع وعلى هالطريقه
وآخر شي تعدين كم طريقه قدرتي تشكلين فيها رقم خمسه
وفي طريقة ثانيه بس تصلح للجمع اكثر من تكوين رقم
ان أقولها حطي بعقلج اثلاثه جم يبيلج عشان يصيرون خمسه
تحط ثلاثه بعقلنة وتكمل على ايدها اربعه خمسه اقول كم اصبع طلع ٢
معناها ٣ و ٢ خمسه وجذي
وان شالله البنات يفيدونا بعد
لان هذي اصعب شي مر على بنتي للحين الصراحه
