بنات ساعدوني باجر زوجي بيرد من السفر وموعارفه اسويله عشا...

[athmar]

السلام عليكم
شلونكم بنات
الموضوع مبين من عنوانه...
عفيه ساعدوني ابي طبقين مع سلطه
ناطرتكم ....

 

[ام الدرر]

اذا كان مسافر صار له مده
لازم تسوين اطباق يحبها
واذا ما في شي معين اختاري اشياء تكون جاهزة بس مجرد تسخين
السلطة سلطة الفراولة وهذي لاختي عشان ماتنط بالمنتدى وتقول بايقة سلطتها
1 علبة فراوله فرش تقطع
2 حبة رمان تقشر وتخرج الحبات
1 علبة شمندر مقطع
2م ك خل بلسمك
بقدونس مفروم
تخلط المقادير السابقة
ويصب عليها صلصة مكونه من 1 م ك مايونيز
ا روب نادك
نص علبة لبنه
ويرش الوجه بالسماق
طبق جانبي
بطاط كور بالفرن
بطاط مسلوق يقشر ويخلط معاه جبن كرافت الازرق مبشور مع شوية ملح وفلفل اسود يكور ويغطى بالبقسماط
نحمس بصل ناعم بزبدة ونضيف شوية ثوم ثم جزر مبشور وملفوف ابيض مقطع شرائح رفيعة ومكعب ماجي خضار ونقلب على النار حتى يذبل الملفوف
نضع الحمسه في صحن بايركس وتصف كرات البطاط فوقه
بالخلاط 2 م ك جبن كرافت قلاص مع اقيمر كي دي دي و1 كريمة خلطي وصبي عالكرات وبالفرن من نار تحت نص ساعة وعقب 10 دقايق من فوق تتحمر الكرات بس
طبق ثاني
ممكن تسوين دجاج بالفرن او ستيك مع صلصة مشروم اذا تحبين اعطيج الطريقة انا حاضرة
وقرت عينج مقدما وحمدالله على سلامة زوجج​

 

[ABEER FLOWER]

تفضلي حبيبتي هالملف متنوع فيه أطباق رئيسية و سلطات و مقبلات

http://www.q8yat.net/showthread.php?t=319143

و أي استفسار حاضرين

 

[جارة القمر]

الحمد الله علي سلامته


وقرة عينج حبيبتي مقدما




وتفضلي طلبك


http://www.q8yat.net/showthread.php?t=564140&highlight=%DA%D4%C7%C1

http://www.q8yat.net/showthread.php?t=395358&highlight=%DA%D4%C7%C1


http://www.q8yat.net/showthread.php?t=560775&highlight=%DA%D4%C7%C1

 

[athmar]

يعطيكم العافيه يابنات وماقصرتوا
ااحمدلله زوجي مايبي عشا .. فكه
مايمديني اطبخ واكشخ ..
اشوه غير رايه ويمكن بياكل بالطياره
ماقصرتوا يابنات وبيضتوا الوجه

 

[جارة القمر]

العفو حبيبتي