بنات ساعدوني انتيا ولا بهواني بالهادي ؟؟؟

[~{غلاتي}~]

قوة بنات شلونكم

انا دخلت شهري وصار لي 4 ايام
وانا كنت مقرره اولد بالهادي من زمان كونه اقرب علي وايد يمدحون سستراتهم بوقت الولاده والعنايه

بس العيب الوحيد الزحمه :cxxxp: وغرفهم حدها مستهلكه

انا بقولكم اللي صار وياي واحكموا وابي تجاربكم للي ولدو عند انتيا او بهواني

انا من اول ماحملت كنت بس اسوي سونار عند انتيا وعمري ماسويت فحص لاني احسه مو ضروري بالاشهر الاولى وانا الحمدالله ماعانيت من شي

وكنت مقرره انها تولدني وبالايام اللي كنت اسوي سوناراتي عندها في مره قالت لي اشطر وحده بهواني لكنها مسافره الحين

وانتيا اهي اللي ماسكه عنها

قلت انشالله لا دخلت شهري بروح لها

ورحت لها يوم اليمعه اول مادخلت عندها حسيتها لهلوبه وحرجه وستانست عليها وانا اساسا قايلين لي انه البيبي صغير

على كلام الحكومه واخذت حليب السوستاجين والحمدالله وصل وزن البيبي الحين كيلوين و400

جان تقولي بهواني اصلا هالوزن طبيعي وانا افضل اولدج 2 و700 !! لانج ناعمه ويمكن ماتتحملين !!:jumpon: وانا مابي اسوي عمليه

وانا مابيها تولدني بنت عمي اضعف مني والحمدالله يابت بنتها 3 وشي وانيتا اللي ولدتها

المهم يوم طلعت منها ولا في حرمه بره قلت لها شلونها جان تقول اهي نفسيه وقت الولاده وعصبيه وتطق ودايما مستعجله

وتسوي عمليات

فخفت وسويت سريج على تجارب البنات عندها الاغلبيه ذمها وقال نفس الحجي دايما متوتره ومستعجله وماتنطر

واهي شاطره بالعمليات بس واللي مدحوها مو وايد

فحدي خفت وشكلي بظل على انتيا


الحين يابنات اللي ابيه شرايكم باللي قالته لي على الوزن وهل هالشي دليل على انها مو صبوره ؟؟



واهم شي اللي جربو عندها او عند انتيا يقولون لنا بلييييييييييييييييييييييييييييييز

وسامحوني ادري قرقت عليكم وايد بس صج صج مو يايني نووم وانا خوافه وايد

 

[زينة الزين]

ما عليج منهم
بهواني وبس والباجي خس

 

[لوازم العائلة]

بهواني هندوسيه وايد مايمدحونها
روحي عند وحده مسميه او كويتيه الله ماكثرهم وحنونات

 

[MeMoO-q8]

المهم يوم طلعت منها ولا في حرمه بره قلت لها شلونها جان تقول اهي نفسيه وقت الولاده وعصبيه وتطق ودايما مستعجله

وتسوي عمليات


اختي انتي من صجج؟؟ شنو تطق؟؟ يعني انا ادفع مبلغ وقدره عشان يطقوني ؟؟ لا لا لا مستحيل ياقلبي
انا اراجع عند انيتا بالعكس حبوبه وتهبل ونفسيتها حلوه ...
ووقت الولاده تكون الدكتوره قويه مو نفس بعض الدكاتره بوقت الولاده بتخسبقون تحسين مو فاهمين شي
انا انصحج فيها والتساهيل من رب العالمين .... واهم شي انتي مرتاحه لها أو لأ وبس ....

 

[~{غلاتي}~]

المهم يوم طلعت منها ولا في حرمه بره قلت لها شلونها جان تقول اهي نفسيه وقت الولاده وعصبيه وتطق ودايما مستعجله

وتسوي عمليات


اختي انتي من صجج؟؟ شنو تطق؟؟ يعني انا ادفع مبلغ وقدره عشان يطقوني ؟؟ لا لا لا مستحيل ياقلبي
انا اراجع عند انيتا بالعكس حبوبه وتهبل ونفسيتها حلوه ...
ووقت الولاده تكون الدكتوره قويه مو نفس بعض الدكاتره بوقت الولاده بتخسبقون تحسين مو فاهمين شي
انا انصحج فيها والتساهيل من رب العالمين .... واهم شي انتي مرتاحه لها أو لأ وبس ....

مشكوره اولا

بس انتي تقصدين منو بهالكلام

انا ماقصدت انتيا بالعكس تهبل والكل يمدحها

انا اقصد اللي تزف وعصبيه بهواني وبمعن تطق مو طق لا بس يعني مثل تكون مستعجله تخضج خض

 

[فراولة حمراء]

حبيبتي حبيت اقولج عن تجارب شخصية بهواني مااتنطر عليج على طول عملية وتبط الماااي لحد مااينشف وبعدها يطلع الماي الاخضر اللي اهو لاازم عملية والهااادي قبل حلووو بس الحين الكل طلع عنه مااظلوا الا بهواني وانيتا والجزارة الثالثة اخت بهواني لاشمي ماانصحج فيه كلش كلش كلش
وانا بنتي يبتها على 2.100 والحمدلله عايشة مو شرط الوزن
واتمنى اكون افدتج

 

[~{غلاتي}~]

حبيبتي حبيت اقولج عن تجارب شخصية بهواني مااتنطر عليج على طول عملية وتبط الماااي لحد مااينشف وبعدها يطلع الماي الاخضر اللي اهو لاازم عملية والهااادي قبل حلووو بس الحين الكل طلع عنه مااظلوا الا بهواني وانيتا والجزارة الثالثة اخت بهواني لاشمي ماانصحج فيه كلش كلش كلش
وانا بنتي يبتها على 2.100 والحمدلله عايشة مو شرط الوزن
واتمنى اكون افدتج

الاغلبيه قالو جذي انها ماتنطر عليج بهواني الله يسهل ويخلي لج بنيتج

 

[~{غلاتي}~]

اب اب بنات ابي تجارب

 

[~{غلاتي}~]

شدعوة بنات ابي تجارب؟؟؟


؟؟؟؟

 

[منوه]

انيتا انا ما حبيتها توني والده عندها وخياطها موشىء انا الحين براجع عند دكتوره ثانيه تشوفلي حل
بس مادري وين اروح

 

[Miss Golden]

انا سمعت وايد بنات يمدحونهم اثننيهم

 

[~{غلاتي}~]

والله احترت استغفر الله بعد عفيه بنات ابي تجارب

والله تقول عن خياطها مو شي ليش ؟؟

الكل يمدح خياطها

 

[طوايف زوجها]

بهوانى ممتازة والسهالة من اللة وعندج الدكتور سامى بالهادى ممتاز مثل بهوانى واحسن

 

[MyLittleBerry]

بهواني واايد يمدحونها

ووابد من اهلي ولدتهم

والسهاله من رب العالمين

 

[paraka]

حبيبتي أنا ولاداتي كلها عند بهواني ..وايد زينه وتهبل وحنونة حيل .واخياطها بعد زين وايدها خفيفة بس عيب عيادتها وايد زحمة وانا غالبية إلي أعرفهم يولدون عندها وكله طبيعي ماسمعت وحدة مافيها شي وولدتها قيصري إلا إلي حالتها ماتسمح إنها تولد طبيعي ..وبالأول والأخير خلي توكلج على رب العالمين والسهاله من الله .. وإلي الله كاتبة بصير ..والله يهون عليج إن شاء الله وتقومين بالسلامة.

 

[تل السكر]

احسن شي صلي ركعتين واستخيري الواحد الاحد
وصدقيني راح تروحين والله يسهل امورج
انا ولدت عنددها بالعكس كانت حنونه وطيبه وصبرت علي
وللامانه شاااطره وفاهمه واعرف وحده رفيجتي
ماشاء الله ولدت توم عندها طبيعي بالعكس تمدحها
الله يهون عليج