بنات ساعدوني ابي رايكم بولدي ما يتكلم :(

[Q8_ButterFly]

السلام


بنات ولدي كمل سنتين ونص وما يتكلم الا كلمات بسيطه


يعني

ماما باب عور ايدك ريلي دادا لأ بارني 1 2 3 قووول دومو ميمو


هالخرابيط و في ناس يخرعوني يقولولي مو طبيعي مادري شسوي و وين اوديه عشان يفحصونه



ساعدوني الله يخليكم ​

 

[أشبـاهـ المطـر]

لاحبيبتي عادي الصبيان مايتكلمون بسرعه عكس البنات
انتي حسني مخارج عنده تعودي تكلمينه عادي لاتكلمينه مكسر ..

 

[كويتية84]

عادي الصبيان دايما يتاخرون ...
لا تحاتين وتوكلي على الله ...ولا تسمعين كلام الناس كله يخرعونا على عيالنا ...

 

[انامل كويتيه]

لما تقوليله شسمج يجاوبج ؟
لما تكلمينه يفهمج مثلا تقوليله صك الباب اقعد هني لا تسوي جذي
خلي سالفة الكلام وانتبهي على سالفة الفهم يتجاوب مع غيرج والا بس انتي ؟

 

[squar **]

رد : بنات ساعدوني ابي رايكم بولدي ما يتكلم

لا تحاتين ولا تخافين انا اخووي ما تكلم الا 3 سنين
عادي لا تشيلين هم

 

[froha83]

شوفي حبيبتي
انا اللي اشوفه ان البنات اسم الله عليهم يتحجون قبل الصبيان
عندي بنت خالتي ولدها اصغر من بنتي بشهر ولي الحين ما يتكلم عدل بس يقول مفردات
بس اهي حملت عقبه على طول
فصار فيه اسم عليكم مثل حاله نفسيه و امساك مزمن و حنه وانطوائي
بس لما خلت كل تركيزها عليه
رجع ماشالله يتكلم ويلعب و جسمه انتؤس اسم الله عليه
لا تحطين هالشي في بالج بس عطيه انتباه ومو تهدينه
وما فيه الا العافية حبيبتي
و تتبلغين فيه معرس يا رب

 

[miss mama]

ولدج طبيعي مافيه شي دام يلتفت ويعرف اسمه ويناديج ماما ويفهم الاوامر

بس هم ما يمنع انج تشوووفين اخصائي نطق يساعدج بتشخيص حالت وليدج - احسن لج

وادعيليييي اسمع ولدي يتكلم بعد - عمره سنتين ونص

 

[غرشة عطر]

قولي الحمدلله انا ولدي بيكمل 4 سنوات مايتكلم عدل يعني لسانه ثقيل بس احس صار له شهر متحسن (ريوق يعني أيوق )هههه (اسوده يعني لون اسود )ههههههههه(دشاشه يعني دشداشه )هههه(أفون يعني تلفون)(سام يعني السلام ) وماخفي كان اعظم
بس عادي متعودين اخوه قبله ماتكلم الا باولي روضه

 

[.،:"$الـعـوبــــة$":،.]

رد : بنات ساعدوني ابي رايكم بولدي ما يتكلم

أصلا لااااااااااتحاااااااااولووووووون تقارنون بين البنات والصبيان صدقوني !!
<< تعلمت الدرس !!
أنا بنتي عكس ولدي !
وزهقت زوجي وأهلي والأمه العربية بهالسالفة !
ليش ماقعد اسومة بعمرة تحبي ! ليش ماقلب اسومة بعمره تزحف؟ اسومة مشت قبله ! ليش مايتكلم اسومة تكلمت قبله !
احس الناس زهقوااااااااااا ! لا ووديته طبيب بعد ! وديته سعاد البصيري وانا خايفة ! ومتضايقة ! << عاشت الدور !
وشوفوا الدكتورة شلون طلعتني سخيفة ! وصدق اقتنعت ! تقول لاتقارنين بين جاهل وثاني ! وبالذات بين البنات والصبيان ،،
بس اختي غرشة عطر ، ترى ولدك مثل ولد اختي ، كان فيه ماي على طبلة الاذن وشالوها ومن بعدها بدى يسمع عدل وينطق عدل ، تأكدي من هالموضوع لأن 4 سنين كبير !​

 

[Q8_ButterFly]

رد : بنات ساعدوني ابي رايكم بولدي ما يتكلم

مشكورين بنات ما قصرتوا

وانا ولدي اسم الله عليه فطين وذكي بس ماله خلق يتعلم يعني اسم الله عليه يسمع اغنيه بارني ويسوي نفس حركاتهم من غير ما يطالع وعنده بعد حركه يسوها لي يقلدني لاني انا لما ادخل من بره دايم اقوله اهلييييييييييييييييييين وامد ايدي اسلم عليه وابوسه والحين اهو قام يسويها لي لما ادخل من الدوام يقولي الااااااااااااااااااااااااان يعني اهلااا ويمد ايده ويبوسني يختي فديته هالخايس لوووووول اندمجت


وانا ناويه ادخله حضانه منها اطلع الطاقه الي فيه واخليه يندمج مع اليهال احسنله من النوم لي الظهر ​

 

[nazek_q8]

نفس المشكله دخلت ولدي الحضانه قالولي احسن عشان يتكلم بسرعه بس زين قام يقول اسمي فديته حبيبي

 

[Q8_ButterFly]

رد : بنات ساعدوني ابي رايكم بولدي ما يتكلم

المشكله يا بنات هالحضانات ما دري شيسون بولدي اخاف يزفونه والا اييله ياهل ويطقه يماااااااااااا جان يوقف قلبي حدي محتاره اي حضانه ادخله وانا هم ودي اهو و اخته يدخلون مع بعض اخته اصغر منه بسنه اسم الله عليهم ​