بنات ساعدوني أبي طريقة طبخ العيش للمجبوس والمربين

[فلوريدا]

السلام وعليكم ورحمه الله وبركاته

بنات انا اعرف اطبخ بس ميته اعرف شلون اطبخ العيش كلش ماعرف واللي يعقدني مقدار الماي

انا عندي انديا جيت بس ماعرف له ودي اطبخ طبخه حلوه لزوجي ماعرف وهالشغله مسببه لي احباط

فقلت باجر لازم اسوي غداي عيش ودياي او مربين بس ماعرف وابيكم تعلموني الله لايهينكم

وياليت بالتفصيل لاني عليميه بالعيش حييل

اختكم

قلوريدا

 

[أم حيدر]

رد: بنات ساعدوني

انتي نفس عيشي

حبيبتي خلي ماي يفور عالنار ونزلي العيش فيه طبعا تكونين منقعته من قبلها بساعه ، وتنطرين العيش شوية يفور يعني اخذيلج حبتين عيش حطيهم بحلجج اذا مستوية عالنص طفي الجدر وشخلي العيش وبعدين حطي جدرج عالنار الصغيرة وحطي بطاط بالقاع وفوقه العيش وشوية زيت وهيل مطحون وماي ورد وزعفران

وحطي قصدير وغطي الجدر

وحطي حديدة تحت الجدر وتركيه يتخدر وبالعافية

هالطريقة مضمونة ومافي مجال تخترب انشالله

 

[الريشة]

رد: بنات ساعدوني

طريقة أم حيدر حق العيش المشخول
بعلمك طريقة حق العيش اللي يشرب الماي مثل المجبوس
كل كوب عيش تحطين له كوب و نص ماي حار مغلي
و نقعي العيش نص ساعة بماي و بعدين شخليه
حطي الماي الحار بالجدر مع ملح و اذا تبين زيت شويه و حطي فوقه عيش و طولي الشولة لما تشوفين الماي بدا يقل بالتدريج و قامت تطلع فتحات صغيرة داخل العيش
حزتها حطي حديدة تحت الجدر و غطي الجدر و قصري الشولة و خليه 20 دقيقة و بس

 

[جارة القمر]

وعليكم السلام

طبخ العيش

http://q8yat.net/showthread.php?t=395745&highlight=%C7%E1%DA%ED%D4


المربين

http://q8yat.net/showthread.php?t=419827&highlight=%C7%E1%E3%D1%C8%ED%E4


مجبوس الدجاج
http://q8yat.net/showthread.php?t=415417&highlight=%E3%CC%C8%E6%D3+%C7%E1%CF%CC%C7%CC

 

[فلوريدا]

ام حيدر

مشكوره وجزاج الله خير

الريشه

ماتقصرين ياعمري



جاره القمر

وهل يخفى القمر عزالله انج شقرديه

مشكوره عالمساعده


كلكم مشكورين والله يجزاكم الجنه

اختكم فلوريدا

 

[الحبيبه الدبيبه]

هلا حبيبتي انا طريقتي بطبخ العيش اني بعد ماحط العيش في قاع الجدر واحمسه بالدهن وشوية بهارات اصب فوقه الماي وخليه يغطيه بمقدار انملة اصبع اليد واتركه على نار عاليه حتى يتشرب وتظهر مثل الحفر في وجه القدر اقصر على الجوله واحط تحته الحديده واتركه على نار هادئه حتى يتشرب ماءه كله 0
والطريقة الثانيه اني بعد ماصب الماي على العيش احط الملعقه بوسط الجدر فاذا وقفت معناه ان الماء كافي
و الله الموفق

 

[الحبيبه الدبيبه]

وعلى فكر اختي انا شريت كتاب عبير الراشد الجزء الثالث رائئئئئئئئئئئئئئئئئئئئئئئئئئئع للطبخات اللي تبينهم انا شريته من جمعية القادسيه ب 8 دنانير وتعدل طباخي وااااااااايد