بنات سؤال عن سفر القطه بالسياره

[lojeeen]

السلام عليكم

يعطيكم العافيه يا حلوات

ابي اسأل يصير اسفر قطوه معاي من الكويت للبحرين بالسياره ؟ ممكن تعبر معاي بدون ما تحجرها الجمارك لو كان معاها دفتر تطعيماتها كامل

 

[ســكــّر]

عليكم السلآم


الي إعرفه لازم شهاده من الطبيب انه القطه مافيها اي مرض + جواز سفر على ماظن

هذي كلها في الطبيب البيطري على ماظن طبيب الدولي

 

[dema Q8]

مادري والله حبيبتي دقي على البيطري وساليهم وانشاءالله يفيدونج عاد يبيلنا حلوه ومتاي من البحرين فديتج ههههه

 

[sweet cake]

لازم قبل لا تسافرين باسبوع تطلعين لها اوراق بس عاد لا تسأليني من وين لأن الذاكره ميح..

بس انا سألت د.آندرو وقال لي كل شي لكن ما كان يمديني وما وديت قطوتي.. وغير هذا ترى تقدرين تودينها بدون لا يدرون << ديور كانت تسوي جذي..

بس احسن انج تطلعين لها.. هم راح يعطونهم ابره يتأكدون من خلوهم من الامراض وبعدها يعطونج شهادة طبيه بس والله مو ذاكره كل شي بالضبط.. بس حبيت اقول لج ان لازم تسوين اجراءاتج قبل السفر بعشر ايام احسن

 

[lojeeen]

يعطيكم العافيه ما قصرتو
سكر اعتقد جواز السفر اهو نفسه دفتر التطعيمات و شهاده خلو الأمراض هاذي امرها هين انا بس احاتي القطوه تتوقف بالحدود

ديما من عيوني بس مو انا اللي بسافر انا اسأل حق وحده تبي تمر الكويت حتى تاخذ القطوه بس خايفه لا ينحجر عليها بالحدود


سويت كيك يعني اجراءات سفر القطه بالسياره نفسها اجراءات السفر بالطياره ؟
و ممكن الحدود السعوديه لو شافتها راح تحجر عليها يوم للفحوصات و لا عادي يشوفون اوراقها و يمشونها

 

[sweet cake]

لا ما يحجرون عليها..
وحده سعوديه كانت جايه للكويت وشرت قطوه وست كل اجراءاتها بالكويت وخذتها معاها للسعوديه.. >> سكر اعتقد تعرفينها بالمنتدى الثاني بس مو ذاكره اسمها..

صعبه يحجرون عليهم واصلا يطوفون اغلب المرات..

 

[lojeeen]

يعطيييييييييج العافيه حبي ما قصرتي هاذا اللي ابيه طمنتيني ^^

 

[الكرزي]

رفيجتي خذت 3 قطاوة السعودية وعلى الحدود ماقالولها شي بالعكس طوفوها سهالات - حبيبتي لاتحاتين