بنات سؤال ارتفاع الاسيتون اهوه سكر الحمل ولا غير ؟؟؟

[ام - وهابي]

صباح الخير
انا صارلي اسبوعين حاله معدتي وااايد تعبانه كله ترجيع وعوار وما اكل بالثلاث ايام او اربع وانا بالثالث الحين
وكل يوم والثاني رايحه مستشفى سوولي تحاليل قالو فيني ارتفاع اسيتون وجفاف حاد خالتي قالت احتمال فيج سكر حمل
وانا حدي قاعده احاتي عبالي نساة عاديه والحين ناطره معاش ريلي عشان نروح خاص اسوي فحص شامل
فيدوني بنات بسرعه الله يعافيكم

 

[هيونه.المزيونه]

الله يهون عليج انشالله

لا ماله شغل الاسيتون بالسكر

بس اذا مرتفع لازم تاخذين دريبات علشان الجفاف مو زين حق الحامل

 

[شموووخ وغروور]

لا حبيبتي لاتحاتين موسكر انا صار لي نفسج قبل شهر لازم يحطون لج درب ..
الله يشافيج ياااارب ويسهل عليج..

 

[om Firas]

ان شالله البنات يفيدونج

 

[loolat^mady]

أنا صار فيني مره وحده لأن قمت ارجع من الصبح لي الليل امبييه مادري شدخل فيني الله لايعيد ذاك اليوم
بس عطوني درب بالشفا ونمت يوم لأن اول درب مافاد ف عطوني جنه 3 مادري احس كنت ميته
بس كلش ماله شغل بالسكر !! السكر اعراضه غير وانشالله مافيج الا العافيه بس الاسيتون عادي كله يرتفع مع اللي فيهم ترجيع.. اهم شي روحي مستشفى يعطونج درب لاتصبرين ..ترى اذا حيل تعبانه روحي الصباح طوارئ وانشالله يعطونج درب.. وسلامتج يارب

 

[ام - وهابي]

مشكورين بنات يعطيكم العافيه
انزين شنو اعراض سكر الحمل اللي تعرف تقولي بليز

 

[cute00]

انا قالوولي في ولدي عن الاستون السبب قله الاكل
هذا اللي قالو

 

[([عطر رومانسي])]

لا الاسيتون ارتفع اول حمالي من الترجيع وقالت الدكتوره كثري ماي

 

[na63ah]

ارتفاع الاسيتون اهوا من الترجيع المتواصل وعدم الاكل انا في عيالي يرتفع الاسيتون 4+ يعني اعلى شي اروح طوارئ الولاده واخذ درب او 2 او 3 واذا ما نزل يدخلوني عندهم انام بالاشهر والله لين ما ينزل والحمدالله على كل حال الله يعينج

 

[Om.Zayed]

لا الاسيتون ماله شغل بالسكر

انا طووول حملي كله يرتفع واروح المستشفى ودربات عشان ينزل هذا جفاف

 

[Om.Zayed]

لا الاسيتون ماله شغل بالسكر

انا طووول حملي كله يرتفع واروح المستشفى ودربات عشان ينزل هذا جفاف

 

[fofowa_q8]

نفس ماقالو البنات ماله شغل بالسكر

يرتفع من قلة الاكل وكثر الترجيع والجفاف بالجسم

انا كنت كل مااروح مرتفع +4 ويحطون لي درب لين يتزل

ومرات انام بالمستشفى لان لازم درب 24 ساعه ماينشال

الله يعينج والله

 

[ساندريلا]

البنات ماشالله ماقصروا
الله يتمم عليج انشالله

 

[eemee]

لازم يركبون لج درب لان مو زين الجفاف وكثري سؤال واهم شي الشوربه عشان تعوضيت المعادن اللي خسرتيها

 

[aljoood23]

انا الحين بالمستشفى الاسيتون ٤+ وجفاف شديد توني بالشهر الثاني ذبحني الرجيع والمغص الله يعين بس بغيت اسالكم بنات يأثر ع الجنين ؟؟؟

 

[زيووونتييي]

حبيبتي الله يشافيج ويتمم عليج حمالج يإرب

أنا ما عندي خبره والبنات ما قصروو

 

[Mrs.H]

انا صار فيني.. مايحتاج فلوس ولا فحص شامل كل اللي عليج تاخذين تحويل للصباح من المستوصف وتروحين لطوارئ الصباح تدشين على دكتور تقوليله فيني جفاف واسيتون ابي درب راح يسوولج بنفس اللحظة تحليل بول تكرمين ويعطونج درب او اثنين.. وبيقولولج شربي عصير او ماي اثناء الدرب.. ويردون يسوولج تحليل بول تكرمين.. واذا فيج يعطونج درب.. وهكذا ليما يروح

نصيحة روحي للصباح وترى ممنوع دخول الرياييل روحي مع اختج او امج او رفيجتج وترى الدرب يطول ساعة وانا عطوني 4 فقعدت 4 ساعات بروحي يوعانة هههههه

انا دكتورتي بالخاص وقالتلي حق الدرب روحي الصباح.. وعموما انا كل شي افضل اسويه بالخاص بس الدرب وايد زين بالصباح للامانة