بنات زوجي ما يبيني انام عند اهلي امانة ساعدوني وشلون اقنعة واسمع كلام منو

[أم راشد المطيري]

السلام عليكم


بنات انا الحين صارلي 3 شهور متزوجة ومن ثاني شهر زوجي يخليني اقعد عند امي يومين

اليوم وجاي يقولي ما ابيج تنامين عند اهلج اقطج من اول النهار وارد اخذ اخر الليل


وانا الصراحة زعلانة


وامي وابوي راح يزعلون مني

اقنعوني اشلون اقنعد زوجي انة بنام عند اهلي

واقنعوني اشلون اقنع امي وابوي انة اسمع كلام زوجي


اسمع كلام منو الصراحة محتارة انة امي وابوي يزعلون علي


والصراحة كل بنات الكويت ينامون عند اهاليهم ليش مو راضي يخليني انام عند اهلي

وانا توني عروس جديد يعني ما عندي لا جهال ولا شي فاضية

واذا كلمتة وما اقتنع اخلي امي تكلمة ولا اكلم امة واخليها اتكلمة انا حيل وية امة اللي هي خالتي

منو نفس حالتي

 

[غزالي وبس@@]

اول شي اعرفي السبب يمكن الرجال مايرتاح لاصرتي بعيد عنه ولا مايعرف ينام بدونج
وحتى لوانتي لازم اطيعين زوجج المرا لاتزوجت خلاص مالها الابيتها خلاص دامه بيخليج من اول اليوم لين اخره عادي شنو المشكله
وامج وابوج قولي لهم زوجي مايرتاح الا انا عنده وهم اكيد تهمهم مصلحتج ماراح يزعلون

 

[در الـبحـور]

و عليكم السلام و رحمة الله و بركاته

حبيبتي اسمحيلي إنتي غلطانة و توج عروس الله يهداج شنو تنامين عند أهلج ترى زوجج له حاجة عندج و خاصة توكم متزوجين

مدام إنه يبيج عنده لازم تطيعين له و الرجال قالج حبيبتي يوديج من النهار و ياخذج آخر الليل

ترى ياما بنات تنحو و مشت كلامها و آخر شي يتزوج عليها ديري بالج حبيبتي لا تقولين اشدعوة مكبرة السالفة

لكن نصيحة لوجه الله طيعي زوجج و استانسي معاه يا الغالية

و هالبنات اللي ينامون عند أهلهم ما أظنهم عرايس تلاقين أزواجهم شفتات دواماتهم

لكن انتي عروس حبيبتي

و عسى ربي يجمعج بزوجج بالمودة و الرحمة

 

[أم راشد المطيري]

والله ما ادري كلمت امي بالموضوع وقالتلي كلمية وقوليلة كل بنات الكويت ينامون عن اهاليهم

وهو قالي انة ما اقعد انام وانتي بعيد

 

[شــــــــــــــوقــــه]

حبيبتي بس بعد انتي ما تزوجتي عشان تنامين عند اهلج

عندج بيتج الحين

غيرج العن منج بنت خالتي ما يخليها تروح حتى اليوم الي يتجمعون فيه لان المكان بعيد و ماله خلق

عادي لا تتدلعين و الحمدلله ان يوديج

خليج مع ريلج الحين

 

[فيونكه فوشية]

ههههههههههههههه

ياحلووج

ذكرتيني بالذي مضــى

اختي طاعة الزوج واجبه وأول سنة زواج عادةً تكون اصعب سنة لأن محد فاهم الثاني

ومنو قال ان بنات الكويت ينامون عند اهلهم ..

انا مانعني عن النومة عند اهلي وهذا دليل حب وتعلق مو العكس

وبعدين توج عروس استانسي معاه وخصصي لأهلج يوم زواره حالج حال بنات الكويت على قولتج

انا الي اعرفه ان الاغلب يزورون مو شرط ينامون

واهلج شبعتي منهم سنين وانتي مقابلتهم

قابلي زوجج وعن الزعل والنكد من أولهااا لا حبوبه احفظي زوجج واكبري بعينه وقولي ان شاء الله

 

[در الـبحـور]

حبيبتي ما له داعي تدخلين الوالدة بالموضوع ترى السالفة ما تسوى يا الغالية

المرة مالها إلا بيتها و أكيد أمج الله يحفظها عارفة هالشي

عسى الله يهديكم و يصلح بالكم و يفرج همكم

 

[أم راشد المطيري]

انا زوجي دوامة شفتات

وقبل كان يخليني انام عند اهلي الحين قالي لا

زين شلون اقنع امي امي راح تزعل مني

 

[unfaithful109]

ياحبيبتي مفرووض اتططيعين زوجج خلاص قالج ماتنامين عند اهلج يعني لا تنامين عندهم شتسوين بعد وفهمي امج وابوج يعني اكييد بيقدرون وضعج بس خليج مع زوجج وروحي عند اهلج من الصبح لي الليل واتني توج عروس واحمدي ربج في حريم رياجيلهم يقطهونهم عند اهلهم مايردون لهم ومشالله واضح انه حيل يحبج الله يهنيكم انشالله

 

[@ام ضاري@]

ولا أنا يخليني أنام

 

[بدوره 22]

حبيبتي منو قال كل بنات الكويت ينامون عند اهاليهم ؟؟؟


والله ان لي عشر سنين متزوجه وما نمت عند اهلي الا بالنفاس وايام النساة في بجري

واذا كنت بصبغ شقتي

اصلا مو حلوه اخلي زوجي ودلي دلي دلي شاقله اغراضي ورايحه انام عندهم


وانا ازورهم من الصبح لي بالليل ومرات ايام الاجازه ما نرجع البيت الا الساعه 2 بالفير بعد


وبعدين لمن زوجج يقولج ما تنامين بالعكس احس هذا شي يفرح لان ما يبي يبعد عنج تبارك الرحمن

وفهمي الوالده الله يخليها وقليلها يما هذا ريال وانتي عارفه اذا الريايل قالوا لأ يعني لأ

 

[ام عيون عسلية]

لاااااااا ديربالج تخلين احد يتدخل بالمووووضوع .!!

ويمكن زوجج مايبيج تروحين عنه .. ويمكن تعوود ومايبي يستغني عنج ..




انا من رايي ان هذي شغله حلوووه ..

 

[bambena]

هاو ليش تنامين عندهم ؟

وليش يزعلون ؟

اهم ماعليج ريلج دام مو راضي خلاص

احنا ما ننام عند اهلنا الا لا سافروا رياييلنا

 

[دانة)))]

لاتعصين زوجج طيعيه ترى طاعة الزوج واجبة ياحبيبتي
وفهمي امج انج غالية عنده وعشان جذي مايستغنى عنج

الله يوفقكم حبيبتي

 

[zoya_m]

بالكلمه الحلوه الريال يطخ
اوخيتي ريلج وانتي تعرفين اتعاملين معاه

سمعيه جم كلمه حلوه ومايصير خاطرك إلا طيب ومن هالحجي صدقيني بعدين اهو بينحرج منج

ويقولج عمري انتي سوي الي تشوفينه بس بتصارخين بيصارخ وتسوين لويا ماراح تخلصين

كسبيه بودج وطاعتج وشوفي شلون يعاملج

ربي يسهل امرج

 

[عيش و مرق]

هلا حبوبه
منو قالج ان كل بنات لكويت ينامون عند اهلهم ؟؟؟ وماكان فى داعى اتدخلين امج بسالفه الريال توه متزوج ويبى مرته عنده وبعدين ميخالف انتى عمرج كله اتنامين عند اهلج الحين الطاعه لزوج مو للاهل قولى حق امج زوجى موراضى واقنعيها ابهشي هذه زوجج جنتج ونارج لاتخلين امج تكره زوجج على هالسالفه

الحق معاه مو معاج بعد مسكين قالج اقطج من الصبح وارد اخذج بليل

 

[Om eL-3a9aGeeL]

اول شي الله يهنيكم ويخليكم لبعض

ثاني شي ..

بالللعكس والله المفروض تستاانسييين لما يقولج ما اقدر اقعد وانتي بعييد !!

من صجج متضايقة عشان هالشي ؟!

ترى اهوا ما حرمج منهم خير شر
بين فترة وفترة نامي عندهم .. بس مو حلوة كل اسبوع مخلية ريلج ورايحة !

وصدقيني عقب مدة بيطخ وبيقولج عادي نامي

:

واذا على امج .. بعد قوليلها ريلي ما يرضى
على شنو تزعل ؟! .. اكيد تبيلج الخير .. والخير بانج تسمعين كلام ريلج

 

[لولو البحرين]

انا مستغربة من هالسالفة وقراتها في اكثر من مشكلة في المنتدى اهني وهي انها تنام في بيت اهلها وترجع عقب جم يوم الا وتكتشف انه يخونها او يطالع اشياء وسخة في النت.....ماله داعي كلشن النومة في بيت الاهل يعني الحين الزوج يرجع لبيته يشوفه فاضي ويكون تعبان يبغي يقعد ويا احد اكيد ما بيرضى، يعني هو ليش متزوج؟؟!!!

 

[mn.mn]

ما شاء الله كل البنات اللي ردوا عليج كلامهم يبرد القلب وما عندي زود

سمعي الكلام وخلج عند ريلج عسى الله لا يفرقكم

واذا كان شفته ليل ما اعتقد بيخليج بروحج حزتها روحي عند اهلج

 

[ام خالد 78]

والله ماله داعي كلش تنامين عندهم ماقصر معاج يقطج من الصبح لليل شتبين بعد