بنات زوجي عقدني بحياتي

[وتلومني فيك يوم اغليك]

السلاام عليككم

شلونكم بنااات

بناات صااكه فيني الدنياا من زوجي وااللحين انا نايمه عند اهلي 4 ايام مااالي خلق لشي انا تعبت والله تعبت

علما صارلي 8 شهور متزوجه

يقولي احملي وانا ماابيدي شئ وكله يزعل وان عصب شوفي مرت فلان حااامل وانتي ليش ماحملتي والله كل مااسجدت دموعي ترس السجاده

والله وكل ماقلتله خل نروح نراجع عند دكتور مايرضي يقول اذ1 الله كتب

انا شنو ذنبي مره متهاوش ويه اهله وجاي حاط حرته فيني ويقولي ماتحملين قلت للي يقول صارلي سنه تونا متزوجين ..يصرخ ويزعل ويطلع من البيت ومايرجع الا وي وين

واقوله ياعمري ترا الرجال يبين اذ1 مرتاح مع زوجته ولا لا اهلك يعرفون قال امبلا مرتاح قلت ليش تهاوشهم كله يقول مزززززززاج

شسوي ... وانا بطبعي هاااديه وزعلي بعيدددددددددددد مازعل ومااعصب .. ومحترررمه لابعد الحدود هذي شهاده الناس فيني وانا اشوف نفسي جذي وماأزعل لو اموت ماحط راسي ع المخده واحد زعلان مني ولا احد مزعلني ادق عليه واقوله مسامحتك

واالله ااااااااه ياقهر ...​

بنات بسألكم سؤؤال ........؟؟

.. بنت خالتي جتنا وقالت انتي فيج غده . شنو علامات الغده انا خايفه مدري شدرهاااا انهااا فيني تقول من رقبتج شقصدهاا ماحبيت استفسر زياده مالي خلق تنقل حجي ...؟​

تفاعلووا معااي لاتخلوني .​

 

[أبله كويتيه]

مادري موضوعين دشوا بعض

الاول يمكن مزاجه ريلج عصبي ماعليه تحملي لمن تعودون على بعض

توكم متزوجين


.....


المووضوع الثاني حبيبتي مالج غير الفحص والاشعه

حتى لو اهو مايبي يروح

انتي روحي مع اهلج امج اختج روحي فحصي وسوي اشعه وتاكدي

لاتعيشين نفسج بحاله نفسيه قبل لا اتاكدين

وانشااءلله ماكو الا الخير حياتي لاتحاتين ادعي ربج ويفرجها انشاءالله

 

[بنت عطا]

الله يرزقج يارب بالذريه الصالحه عاجلا غير اجل ياااااااااااااااااااااااارب ولايحرمج ابدا يارب

ويهدي زوجج ويعلق قلبه فيج ويخليه الحين يجي يراضيج وياخذج

بعض الرجاجيل الله يهديهم ماعندهم تفاهم بعدين توج عروس احلى شي الوحده ماتحمل الا عقب سنه

زوجج مبين في احد حان فوق راسه ووغاثه بس احس ماكان المفروض تروحين لاهلج لانه البعيد عن العين بعيد عن القلب ماعليجج منه اكشخي والبسي خلي باغرائج وبدلعج تنسيه هالسوالف

واذا عالغده اكتبي بغوغل تطلع الاعراض وكل شي عنها

 

[om-Jana]

روحي سوي فحص الغده حبيبتي اذا شاكه

والحمال بيد الله سبحانه

وحده اعرفها حملت واهي عندها غده بس الغده انواع على ما اعتقد

كل تاخيره فيها خيره يا حبيبتي

واذا على طبع ريلج ... ولدج على ماتربينه وريلج على ما تعودينه .. توكم في بدايه مشواركم الله يسخره حقج يارب

قوليله اذا مستعيل على الحمال انروح الطبيب او انتي روحي مو شرط اهو تطمني على روحج وممكن اتقولج على طرق سرعه الحمال
والله يرزقج الذريه الصالحه
وانشوفج اتحوسين بقسم الحمل والولاده ياااااااااااااااااااااااااااااااارب

 

[أبله كويتيه]

الغدة هي غدة صغيرة تفرز الهرمونات وتقع عند قاعدة العنق وجهة الأمام، من الواضح والملموس أنه عندما يكون هناك زيادة في حجم نشاط الغدة الدرقية فإننا نتحدث عن الإصابة بتضخم الغدة الدرقية.

ما هي علامات فرط نشاط الدرق؟
يتميز فرط نشاط الدرق بسمات تٌعطي علامات مميزة بشكل كاف: شدة العصبية، الإثارة، النوم، الإحساس المفرط بالحرارة من خارج الجسم، اجهاد العضلات، فقدان غير طوعي للوزن، زيادة في وتيرة ضربات القلب(tachycardia)، وأحيانا تراجع في الأجفان العلوية مما يبين مقل العيون( exophthalmos) مع ثبات مقلة العين كما هو الحال في مرض basedow...


يبتلج هالمعلومات من قوقل اتمنى تفيدج حبيبتي

وروحي فحصي احسن لا توسوسين

 

[النشبه88]

الله يرزقج بالطفل المعافى السليم هالشي مو بايدج انتي شكو يهاوشج انتو الاثنين مسؤولين عن الانجاب مو بس انتي!
روحي الطبيب فحصي على سالفة الغده ما عندي فكره والله

 

[وتلومني فيك يوم اغليك]

ياعمري عمركم مااتقصرون

الله يوفقكم ..

 

[قمر^خالد]

حبيبتي .. أنتي لاتحاتييين ....... أن شاءالله الله يكتبلج اليااهل ... وقولليله موبيدي آنه شكووو ... حرام يسوي مشاكل عشان ماحملتي .. وأذا على الغده لاتخلييين نفسج رووحي فحصي وتأكدي ...

 

[جوري وبنفسج]

السلام عليكم

الله يعينج ويهدي زوجج ويسخره لج

شكله في أحد قاعد يحن على رأسه

شوفي يا قلبي دامج الحين عند أهلج روحي سوي فحوصات علشان تتطمنين على نفسج

ونصيحة أقرأي سورة الأنبياء بعد كل صلاة وشوفي شلون راح ينفرج همج ويصلح زوجج وتحملين بس لا تنسيني من دعائج ​

 

[روحي ابوي]

لاضيقين خلقج ..توج عرووووس استانسي بعمرج وان الله كتب لج حمل بتحملين وقولي حق ريلج هالحجي ..حبيبتي في طرق باذن الله بعدهاا تحملين،،،، بعد الجماع >>>>>آسفه ع جرئتي.. لاتقومين بسرعه وثني ريولج لمدة نص ساعة .. وحاولي يكون الجماع بعد الدورة يوم 14،15،16،17والله يكتب اللي فيه خيييير.. وحاولي تراضينه ..اما عن الغدة مااادري صراحة..

 

[احلى مريومه]

الله يسخره لج يا رب ترى عادي الريال يتضايق اذا زوجته ما احملت والله انا اول زواجي كل ما تنزل علي يتضايق ويعصب ويطلع بره البيت ما اشوفه الا ثاني يوم والله ورحت لج طيبه كلينك وقلت له بودي بنت اختي الطبيب ماكان يدري اني رايحه اعالج سولي تحاليل وفحص داخلي وقالي تعالي وانتي عليج الدوره وعطاني حبوب وعقي 14 يوم من الدوره رحت وسوه فحص وحدد يوم جماع والحمدالله اب نفس الشهر حملت ولله الحمد وحملت عقبها من الله وطاح والحين انا حامل بعد ثالث مره ولله الحمد جربي راجعي من غير ما يدري والله ولي التوفيق

 

[احبس دموعي]

الله يسخره لج ويرزقج من وسع

 

[اشتياق]

قوليله معاريس خل نستانس ..


شفيهم هالرياييل عالحمل تقول بيدنا..؟؟!

 

[سنيوره قمر]

الله يهديه بس
بعض الازواج هرموناتهم ماتضبط الا بعد سنه من الزواج
مو شرط فيهم شي
واذا على الغده انا فيني وجاتني لما سقطت وحسيت
فيها ان شعري صار يتساقط بالهبل
ووزني صار يزيد وسويت تحاليل وطلع فيني خمول بس بسيط
وجلست شهر ع العلاج والحمد لله حملت
يمكن تاخير حملي بعد التسقيط بسببها لاني
جلست عشر شهور وبعدين حملت
الله يرزقك الذريه الصالحه عاجلا غير اجل

 

[LA TROO7]

سوي تحليل ده باي مختبر عشان ترتاحين

وبالنسبه لزوجج لعصب طنشيه لاتردين عليه ولاتحاولين تهدينه

واذا سكت قولي له المفروض توني عروس وتدلعني مب تهاوش
وخلي شخصيتج اقوووى شي عشان مايتعود على هالطبع

 

[ام كوشه منكووشه]

رد : بنات زوجي عقدني بحياتي

حبوبه نصحيه روحي لدكتوره نسا وولاده خل تسوي لج فحوصات احسن بس لاتقوالين حق ريلج روحي مع امج اختج او وحده من رفيجاتج وشوفي اذا في ضعف بالتبويض عندج ولا شي لا قدر الله خل تعطيج منشطات وانشالله تحملين وتترسين بيتج اعيال ويسخر لج زوجج ويهديه

 

[aquamarine]

حبيبتي انشالله مافيج شي بس انا اقول بدال لا قاعده اربع ايام بيت اهلج وريلج مايدري شي روحي الطبيب حاولي تشوفين شسالفه بدال لا اتضيقين عمرج ..

 

[*ريما*]

رد : بنات زوجي عقدني بحياتي

الله يرزقك بالذرية الصالحة يارب

 

[الاحساس والطيبة]

رد : بنات زوجي عقدني بحياتي

مادري بنت خالتج دكتورة ولاشنو ماعليج منها هي يمكن تبي تعرف اذانتي حامل ا و لا اذانتي ماتشتكين من شي لاتهمج امازوجج اللة يعينج علية بينيلةان المرة لما تكون نفسيتها تعبانة اوتحاتي مستحيل يحصل حمل ومادم ماكملتو سنة تو الناس علي روحة الطبيب

 

[blue diamond]

بنت خالتج قصدها اذا فيج انتفاخ في الارقبه شويه جنه عندج تفاحه آدم اللي مثل الرياييل يعني عندج الغده الدرقيه لان انا عندي هالشي