بنات ديروا بالكم من مكتب الايمان للخدم

[ريحة الكويت]

السلام عليكم


شلونكم خواتي أنا طلبت خدامة من مكتب الايمان بالفحيحيل وأنا الصراحة مارحت لهم


اخذت رقمهم من جرايد الاعلانات وجاني المندوب هذا الحجي نص شهر خمسة لا وأخذ مني عربون 20 دينار


اصلا بحياتها ماصارت وانا لحظتها استغربت بس من الحاجة وابي اخلص عطيته وسوينا الفيزا وقالي


بعد ثلاث ايام عندج وكل يوم ادق عليه نفس الحجي لي يومكم هذا والخدامة ماوصلت والمندوب مسكر جهازه


من شهر والعقد مكتوب عليه مكتب تهاني العازمي شكله نصاب ونصب علي والله يابنات كنت حاسه انه نصاب


ماارتحت حتى رقم تلفون المكتب يطلع لي غير داخل بالخدمة بس مثل ماقلت لكم كنت محتدة الي بعرفه في وحدة

منكم تعرف هالمكتب او تعاملت معاه ،،،، تكفون ريحوني يمكن اكون ظالمتهم وهذا رقمه 67607897

واسمه ابو حسن انا خلاص قدمت على خدامه ثانية بس حبيت افيدكم وانبهكم عنه علشان ما يتمادى هالحرامي

حسبي الله عليه............

 

[فراشة الوادي]

حسبي الله عليهم عيال الحرام

 

[الحراير]

ماتعاملت معاه واول مره اسمع عنه

 

[اطياب طيبه.أم عبدالله]

لا واسمهم مكتب الايمان بعد

ههههههههههههههههههههه

الله يعين

هالأوادم ما ادري اشلون بيينا شهر الصوم واهم مركبين على ظهورهم ذنوب اشكثرها

يارب عفوك وغفرانك

 

[MoonDiamond]

لا حول ولاقوة الا بالله
دنت نفسه على 20 دينار
الله بيحاسبه عليها يوم القيامه

الله يسخرلج الخادمه الزينه يارب

 

[جمرة غضى]

ليش ماتروحين للمكتب نفسه وتورينهم الطلب اكيد عنوان المكتب موجود وهذا يمكن نصاب وماخذ من طلباتهم ينصب فيها على الناس

 

[ريحة الكويت]

لا حول ولاقوة الا بالله
دنت نفسه على 20 دينار
الله بيحاسبه عليها يوم القيامه

الله يسخرلج الخادمه الزينه يارب

مشكووووورة ياقلبي عالدعوة الحلوة ولك مثلها

 

[ريحة الكويت]

ليش ماتروحين للمكتب نفسه وتورينهم الطلب اكيد عنوان المكتب موجود وهذا يمكن نصاب وماخذ من طلباتهم ينصب فيها على الناس

واضح ان مافي مكتب بالاساس ..... وبعدين الفحيحيل بعيدةعلينا أطق مشوارعلى ماكو شي

 

[ريحة الكويت]

up up

 

[بشاير السعدون]

انا صارت فيني قبل سنتين واخذ مني 20 دينار ونفس الطريقة ولهذا يومج ما شفت لا
خدامة ولا اهم يحزنون ؟؟؟؟؟؟

 

[ريحة الكويت]

انا صارت فيني قبل سنتين واخذ مني 20 دينار ونفس الطريقة ولهذا يومج ما شفت لا
خدامة ولا اهم يحزنون ؟؟؟؟؟؟

هلا اختي ...نفس المكتب والا مكتب ثاني ؟؟؟
وشنو سويتي؟؟؟؟

 

[Nonita-q8]

وي حتى انتي
امي حبيبتي طالبه منه ونفس الحجي من اخر شهر 5 ليومج ادق وكله مسكر انا دافعه 30 دينار
اول لما كنت ابي منه كل يوم يدق ويقولي عندي طباخه ويمر ايب لي الصور ومن سويت الفيزا واهوا كله مسكر الجهاز
بس والله حرام
الحين شنو الطريقه علشان نرد فلوسنه او شلون يتعاقب على هل فعله
صج الكويت معيشه الكل اللي يستاهل واللي مايستاهل
هل اكو مكان نقدر نشتكي ونصيده

 

[( المـلاك )]

حسبي الله عليهم
والله ماعرفهم اول مرة اسمع عنهم
مشكورة عالتنبيه حبيبتي

 

[تنايفـ]

رد : بنات ديروا بالكم من مكتب الايمان للخدم

حسبي الله عليهم ونعم الوكيل
بنات عندكم وصولات الدفع؟ تقدرون تشتكون عليهم بحماية المستهلك اذا معاكم وصل الدفع
الموضوع بيكون بيد حماية المستهلك بالبداية وعقب يمكن يحولونكم للنيابة التجارية وتسوونها شكوى .. هذا على حسب كلام ريلي
ياريت عندكم الوصولات عشان تودونهم بداهية الله لايبارك فيهم
​

 

[أغلى حبيبه]

رد : بنات ديروا بالكم من مكتب الايمان للخدم

وييييي عمه بعينهم

ماادري شلون يعيشون بفلوس حرام

الله يعوضج ويرزقج بالخدامه اللي تريح قلبج ان شاءالله

 

[ريحة الكويت]

حبيباتي اشكركم عالرد والدعاء

 

[ريحة الكويت]

up up

 

[دانة بعين بحاري]

ايه والله اشتكوا عليه
عيل انا الله فكني منه
شفت اعلانه وخليت زوجي يدق ولما رد عليه يقوله طرشلي رقمك وعنوانك مسج لاني انا مو فاضي قاعد اطالع مباراه
عاد زوجي عصب وقال خله يولي هذا مو كفو اذا هذا اولها ينعاف تاليها

 

[ريحة الكويت]

up up up

 

[الفخر كله]

حسبي الله عليه............