بنات ديرتي الثانيه ابي الفزعة منكن

[ام الحلوووووين]

مرحباً صبايا*
أنا طالعه للكويت بعد أسبوعين للكويت لأني فتحت محل وعدت الناس ان البضاعة تكون كلها شغل الكويت لان اهل الكويت مشهورين بالكشخه والفناتق انا مرة زرت الكويت ورحت لسوق الجمعة وخذيت مجموعة دررايع كانت جديدة مؤ مغسوله كان الهنود يقولون عنها تنزيل العربيد *وكانت دررايع حلوه وجديدة بالمقارنه مع اسعار الدراعات في مجمع العربيد ولما الكل مدح *درعاتي قررت أخذ قرض علشان اسوي محل واجيب من سوق الجمعة *وأبي منكم مساعدة الي هي كيف أخذ من مشاغل العربيد الدراعات الي مايبونها او القديمه عندهم * والي عندها مشغل تبي تصرف بضاعتها ترسلي ع الخاص *
وبنات امانه الي عندها حل لا تقصر ابي اترزق الله*

​

 

[الـ ج ــوري]

يا عمرري الله يرزقج ويفتحها عليج

 

[عزوة رجال]

الله يوفقك ،،
وين بتفتحين محلك باي منطقه بالمملكه؟

 

[همبرغر]

هلا وغلا وحياج الله بديرتج الثانيه

وانصحج بالآتي :
1) انتبهي للقماش عدل لأن سوق الجمعه خامه أقصد (قماشه) يكش أحيانا ومو أصلي ,,, وعندهم بعض البضايع اللي صرفها أصحاب القماش وبقى منه كم قطعه
2) سوق الجمعه الأثاث والتراث والأدوات المنزليه حلوه فيه ورخيصه
3) روحي مجمع العربيد للدراريع أحسن وفي واحد سعودي فاتح محل (بالخبر) ويبيع دراريع العربيد وأعتقد اسم محله (دراريع الكويت) وعنده اقبااال ما شاء الله << انا سمعت هالسالفه ومادري عن صحتها
وأنصحج تسوين مثله لأن دراريع العربيد حلو قماشهم وتفصالهم وأسعارهم حلوه بعد يعني على 12 دينار و15 دينار يعني مااا يقارب 160 ريال للدراعه
4) المحل اللي تبين تتعاملين معاه قولي له ينزززل لج بالسعر وانج راح تكونين زبونه دائمه عنده
5) روحي البلوكات للخام واصعدي فووق وراح تلقين دراريع تفصال ومثل أسعار العربيد
6) ما أنصحج تاخذين من صاحبات المشاغل لأن شغلهم غالي حيييل يعني الدراعه من 600 ريال إلى ألفين ريال وثلاثة آلاف ريال ما أنصحج تاخذين منهم لأن شغل السوق أحلى وأرخص وأضمن

الله يوفقج ويفتحها بوجهج ويرزقج واسع فضله

 

[همبرغر]

وأنصحج بعد تاخذين اكسسوارات مع الدراريع

وفي محلين رخاص واكسسواراتهم حلوه ورخيييصه

في محل اسمه الأسطورة كل التراجي (الحلق) والخواتم والسلاسل والشباصات والأسوار أي شيء تختارينه سعره يكون دينار ونص يعني حول 14 ريال

وفي محل يبيع كل الاكسسوارات على نصف دينار يعني ما يقارب 6 ريال

وفي عند أبو 100 فلس ألعاب أطفال وشموع وتحف وسلال وشكثر أشياء وبس على 100 فلس يعني ما يقارب ريال

اخذي بضاعه مشكله وركزي على الدراريع

 

[فدوووو]

اب اب لعيونك


لاتنسين ترسلين لي رساله خاصه اذا فتحتي محلك بالذات اذا كان بالريااض بلللليز

 

[ام الدرر]

ماقصرت همبرجر
والله يوسع رزقج حبوبة​

 

[ام الحلوووووين]

مشكورة لكل من رد علي وبالنسبة للقماش الدراعات أكيد بأخذ قماش زين لأني اهم شي اكسب ثقه الزبونه
ومرة رحت للعربيد ابي اشتري ورفضن الخيطات الا تفصال ومارايح اروح للمشاغل لأن سمعت مرة اسعارهن غاليه
وفكرة الاكسسوار حلوة بجيب انشأ الله والمحل رايح أخليه درعات ومكياج واكسسوارت
وفدووو أنا من الشمال ومن أجيب بضاعه اصورلك وأرسلك ع الخاص واذا عجبك شي أرسلك بالشحن
او ارسلي رقمك لي ع الخاص
والف شكر لك همبرغر

 

[نمبر ون]

الله يفتحها عليج يارب

 

[وفائي سبب احزاني]

اللة يوووفقج

 

[الـ ج ــوري]

رررفع الله يوفقك

 

[om deaj]

راسليني بالوتس اب اعرف وحدة تبي تبيع مشغلها والدراريع الي فيه