بنات دشوو وصلت حدي

[glby7sas]

السلام عليكم ورحمه الله وبركاته
بناات عفيه ادعولي ماادري اشفيني اليوم صار معاي موقف حده صدمني وحسيت اني ببجي خلاص بنت حماتي اللي تزوجت معاي الحين اهي حامل والكل يدري ووله احد قالي خاشين عني تخيلو انه جماتي خشت عن بنتها الخبر لانها تدري انه بنتها صديقتي وممكن تقولي وبنتها اعرفت بالصدفه وقالتي واهي معصبه ليش جذي بنات ليش جذي يعني انا ماراح احسدها واصلا العيب مو مني من اخوهم زين اني صابره ومتحمله واني مو قايله لاحد وهذا واهم حسبالهم اني ماافكر بالحمل الحين عيل لو يدرون انه نعالج جان اشسوو استغفر الله توها السالفه صايره ومو قادره اقمتها بقلبي ليش الناس صارت جذي انا راح افرحلها مو حاسدتها اشرايكم اقول حق ريلي انها حامل وماقالولي وله اسكت وجني مادريت بس جد بطو جبدي يعني بيخشون عني لي متى والمشكله مرت حماي تدري بعد بس انا اللي مادري اه ياانهم قاهريني

 

[ماتغير شي]

يا بعد عمري طولي بالج قالوا لج ولا لا انتي شنو راح تستفيدين ادري شي يبط الجبد بس والله مراح تستفيدين بأي شيء


ديري بالج انج تعلمين احد انكم تعالجون


وبعدين لا تقولين لريلج انها حااامل اسكتي جنج ماتدرين




وعسى الله يرزقج بالذريه الصالحه

 

[سمو النفس]

حبيبتي لا تضايقين نفسج ،،

وسعي خاطرج وصدقيني بإذن الله بيجي الليوم اللي بتحملين فيه والطب تطور الحين ولا تهتمين لهم ادري صعبه بس تحملي وانسى ويكفي انج عرفتيهم لان لويحبونج ويتعبرونج وحده منهم كان قالولج بس هذيلا استغفر الله قلوبهم مو صافيه ،،، والله يرزقج بالذريه الصالحه يارب ،،،، ولا تقولين لزوجج عن الموضوع صدقيني الرجاجيل مايهتمون للاموور اللي كذا راح يحط في باله انه انتي مكبره الموضووع والموضوع عادي​

 

[ام لعيال]

ويمكن ريلج يدري ومايبي يقول فرضا عادي ف الوقت المناسب الله بيعطيج احلى اعيال انا لما حملت كانت مرت حماى متزوجه من خمس سنين ماحملت لما حملت على طول سوت صناعي تباركت عليها وحركت زوجها 00000

 

[عبره]

حبيبتي هدي بالك
ترى مو دايما لما يخبون يخافون انك تحسدين
احيانا مايبونك تزعلين او يحز بخاطرك انها حملت وانتي لا
احسني النيه بترتاحين

 

[حبيبه فايز22]

عادي متعوده ع الحركه انا


روحي للبنت وباركي لها
انا سويت جذي وبينت اني فرحانه لها
اطلعي بصوره الزينه
وعلئ نياتكم ترزقون
اذا نواياهم شينه ربي ياخذ حقج
وبتحملين ان شاءلله ولاتعلمينهم
الزمن هذا يخاف من العين
عسئ ربي يرزقج ويرزقنا ¨

 

[عسل حدي]

مو شرط مخبين عنك انتي بس يمكن ينطرون يثبت الحمل ويبشرون الل ليشمحتره انتي كيفهم

 

[ديانا سبنسر]

خليها تولي بأجر الله يرزقج

 

[بنت الاحلام]

لا تتضايقين ولا تفكرين بالناس وتوكلي ع ربج

 

[أأأميرة الورد]

الله يرزقج بالذريه الصااالحه

 

[nightmoon1970]

اشرايج بالي تزورهم بالمستشفي ويقولون لها مسكينة تنزف وتعبانه وهي حامل شهرها ويقولون تو الناس على ولادتها
ثاني يوم اولدت عادي كبرت عقلي وباركت لها بس مارحت المستشفي عامل الناس كما يعاملوك بس نصيحة لاتحسسين
ريلج ابرك طوفي

 

[glby7sas]

والله بنات انا لو مو قايلين حق حريم حمواتي جان الموضوع عادي حالي من حالهم بس اهم يدرون وانا لا والمشكله يجمعون عندي واشوفهم كل وحده على كتر يتساسرون ويوم ماحلالهم الشي اقعدون بغرفه بروحهم وانا جني منبوذه والمشكله اني اعرف بسمااقدر اقول اني دريت حروني صج بس الحمدالله على كل حال وانا بسمع كلامكم وماراح اقول حق زوجي شي وبحاول انسى الموضوع

 

[glby7sas]

مون ١٩٧٠ واي مو من صجهم هذيله عفيه عليج والله صبرتي انا على طول طقيتها بجوه ماتحملت حسيت اني مخنوقه ليش يعاملونه جذي

 

[Lady85]

الله يرزقج بالذريه الصالحه يارب

 

[دلووعه حبيبيي]

يااااارب الله يرزقج ويرزق كل وحده طفل سليم معافي

 

[rachaaa]

حبيبتي انا اختي كنت وهي نتعالج هي حملت وما قلتلي انا عرفت من باقي خواتي

والله في ناس ما بتخاف الله لما عتبتها قالت ان اهي خايفه على احساسي اعطيتها طاااااااااااااااااف فعادي الله كريم وانشالله قريب اليوم الي نحمل فيه ​

 

[jaaanooo]

عادي حبيبتي .. لا تزعلين ولا شئ ادري ان شئ يحز بالخاطر .. بس طااااااااااااااف عيل اقوولك انا مرت حماي ما عرفت انها حامل الا بالشهر الثامن ولما رحت باركت لها على ولادتها شفت مرت حماي الثانية حامل وبالشهر السابع بعد .. باركة لها وقلت بقلبي شنو هالعقووول الفاضية هذيل .. انا ما ازورهم على طوول وقليل ما اصادفهم بس مو جذيه عاااد .. الله كريم ورحمته واسعة .. خليج انتي الاحسن وعن جد طااااااااااااااااااااف

 

[نونو الامارات]

لا تحطيين بخاطرج فديتج ,, واحسني النيه ,, قولي حق عمرج انهم ما خبروج عشان لا تتضايقيين ’’ حطي لهم اع

 

[نونو الامارات]

حطي لهم اسبااب ,, عشانج انتيي ترتااحيين ,, انا بعد صاير عندي ها الموقف واايد ,, بس اسمع فيهم يوم يوصلوون الشهوور الاخيره ,, بس ما احطهم بالي اطنش ,, تراا لو عرفت ما بستفيد شي ,, و الله بيرزقنا ان شاء الله ,, اهم شي لا تحطيين بالج ,, والنااس معاادن ,, و الله كري ان شاء الله .

 

[nightmoon1970]

ختي رشا قوية اختج لا هاذي كبيرة والله لو انا واعوذ من كلمة انا ازفها اختي عادي المهم اطلع الي بقلبي على اختي
ونصيحة اذا تضايقتي لاتخلين بقلبج فضفضي حق اي احد ترتاحين له والزمن طنش تعش تنتعش علشان نفسج