بنات دخلوا وافيدوني عن هالهرمون

[صديقه]

زوجي عمل تحليل سائل منوي وطلع عنده انعدام بالحيونات المنويه وطلب الدكتور ان زوجي يعمل تحاليل دم للهرمونات التاليه f.s.h و L.h و prolactin و t.s.h
وانا رحت خذت التحاليل امس وهذي النتايج
f.s.h 4.67
L.h 4.98
prolactin 485.0
t.s.h 1.98
طبعا عقب ماقارنت هذي النتايج بالطبيعية طلع ان هرمون البرولاكتين مرتفع وااايد فهل هذا السبب بعدم وجود الحيونات المنوية ام لا الي تعرف شي عن هالموضوع تقولي وا مرت عليها مثل هالحالة
وانا توني ادري ان البرولاكتين موجود عند الرجل لان البرولاكتين اهوا هرمون الحليب
عفيه اتمنى اي احد يدخل الموضوع يعلق لان محتاجه معلوماتكم

 

[زنوبة الحلوة]

والله يا قلبي مادري الصراحة انا نفس الشي ريلي

بس يوم سواا تحاليل دم وهرمونات الحمدالله سليمة 100 %

والحين نحاول نطيح على السبب ليش مافي حيوانات منوية

وعلى فكرة انا ريلي خذولة عينة من الخصية مكرم السامع وطلع ان في حيوانات منوية ولله الحمد

الله يكون بالعون ويرزقنا ويشافي ازواجنا يارب ياكريم

 

[$غــ(ز)ــل$]

الله يشفي زوجج ان شاءالله
انا اعرف واحد نفس حالة زوجج بالضبببببط
بس الحين ماشاءالله عنده ولد
والفال لكم ان شااءلله

وراح اراسلج على الخاص

 

[أمونة الحلوة]

حبيبتي ترى عادي الريال يكون عنده هرمون الحليب مرتفع
ترى الهرمون اذا مرتفع يسبب تاخر الحمل
وترى علاجه جدا بسيط لا تحاتين ان اشاء الله بشهر واحد مع العلاج ينزل هرمون الحليب وان اشاء الله يصير كلشي طبيعي

ربي رزقج الذريه الصالحه يارب

 

[كويتيه مذهله 87]

الله يرزقج ياارب هالشهر وتحملين

 

[صديقه]

بنات انا قصدي هل انعدام هرمون الحليب هو سبب ارتفاع هرمون الحليب
ومشكووووووورين على الردود الي ترفع المعنويات

 

[دمثة]

ايه نعم دام هرمون نسبتة مو طبيعه اكيد يسبب

 

[بيرق الكويت]

عادي حبيببتي الهرمون كان مرتفع عند زوجي والحمدلله تعالج وصار طبيعى .
لاتخافين بس المشكله عدد الحيوانات إلى موراضي يرتفع
حمدالله على كل حال عسى الله يشافيهم ويرزقنا جميعاً آآآآآآآآآآآآآآآآآآآآآآآآآمين

 

[صديقه]

مشكورة اختي دمثه على ردج وانشاله يكون هذا سبب عدم وجود الحيوانات المنويه ويكون علاجه بسيط والله يرزقنا وكل المحرومين يارب

 

[صديقه]

ادري اذيتكم بس لان استوعبت اني مو كاتبه عدل قصدي هل ارتفاع هرمون الحليب عند زوجي هو سبب انعدام الحيونات المنوية في السائل

 

[البيداء_77]

انا فهمت قصدج صديقه بس والله ما عندي فكره لانه هالهرمون يمنع حمل الحريم بس الرياييل ما ادري تقدرين تسألين دكتور او صيدلي احسن

 

[صديقه]

انزين بسألكم اذا الهرمونات كلها عند زوجي طبيعية هل هذا يعني ان الخصيتين فيهم حيوانات منويه لان انا قريت ان في هرمونات اهيا مسؤولة عن انتاج الحيونات المنوية فهل ممكن يكون السبب في عدم وجود الحيوانات المنوية ان في انسداد يمنع وصولها للسائل المنوي؟؟؟؟

 

[Swan]

ارتفاع هرمون الحليب في الرجال يسبب :
نقص في مستوى هرمون الذكوره التيستيستيرون اللي يتفرزه الخصيه
ويسبب هذي الاعراض :
1-ضمور الخصيتين
2-أنتفاخ الثدي و أفراز الحليب
3-ضعف الأنتصاب
4-العقم المؤقت
5-الصداع
6-الأكتئاب

العلاج :
اول شي اذا كان نسبه الهرمون كبيره تتأكدون أن مافي ورم في الغدة النخامية بالمخ وذلك بأستخدام الأشعة المقطعيه أو الرنين الغناطيسي وبعدين اذا ظهر أنه مافي ورم يعطونه علاج ينزل هرمون الحليب مثل الدوستنيكس وهو علاج ممتاز ونتيجته سريعه بإذن الله وان شاء الله مع العلاج راح ترجع تنتج الخصيه الحيوانات المنوية اذا ماكان في اسباب اخرى تمنعها

والله يشافي ريلج ويرزقج بالذرية الصالحه بالقريب العاجل