الرجاء حبايبي اذا ممكن اطرشولي اسماء الاسواق لاني شهر 7 بروح بانكوك
ودي اروح علاعناوين عشان ما اتووووووووووووه ،، ابي شي عدل مدل
طبعا لازم تروحين :
1- الأم بي كي وطوكيو سنتر هالمجمعين داخلين ببعض يبيلج 3 ايام تفترين ما تخلصين
2- سيام براقون يهبل فيه تحت برد عجيب لا يطوفج وخصوصا اللي على جوز الهند
داخل المجمع الأكواريوم عجيب احلى من مال الكويت لا تطوفينا وناسة
المطاعم في هالمجمع تحتارين شتاخذين دور كامل مطاعم
احنا بصراحة ناكل من كنتاكي فيه لأن مكتوب عليه حلال وحلو غير الكويت
3- وورلد سنتر
5- منطقة سيام كلها أسواق
6- منطقة باتونام أسواق بعد
السوق الليلي اذا رحتي حطي بالج على العيال وفيه مجرمين وايد
6- الحي الصيني فيه شغلات وايدة حلوة سوق كبير بس الصينين يخرعون وما يتفاهمون
7- سوق الأحد
8- مركز بوبي هذا سوق جملة كله هدوم انا وايد شريت منه أشياء
9-مركز روبنسون
10- البق سي هذ موجود بعد بشنغماي وبوكيت مثل وأحسن من كارفور نفس النظام
يهبل انا عجبني وايد
11- مركز امبوريوم ماركات عالمية مشهورة
واكيد انتي بتروحين قبلي بانتظرك تقولين لنا عن المجمعات الجديدة اللي رحتيها
بالسلامة موفقة
