بنات خلاص قررت وقراري كالآتي........

[D A N G E R]

:68_asmilies-com:

اخباركم انشالله تمام ؟!

حبيت اقولكم عن قراري الاخير اللي هو

خلاص راح اشتري

هامستر

بس نصايحكم ياحلوين

يعني اشتري واحد ولا زوج

واي نوع يناسب

وشنو الاشياء الضروريه اللي لازم اشتريها في البدايه

ادري تعبتكم معاي

باانتظار ردودكم :eh_s(6):

 

[Sparkle]

كاوي مشاء الله عليها خبيرة الهامسترات على ولاهانه عليها اهيا وملاك وسكارف ما ادري وين راحوا !

 

[Joo.Joo]

اهلييين
والله قرارج عجيييييب وماراح تندمين

اذا تبين بس 1 اخذي النوع السوري وتكون نثيه لان الذكر يطلب نثيه من فتره لفتره يعني اقصد يحتاج نثيه

واذا تبين زوج اخذي رووسي

وانا انصحج بالروسي
سهل التربيه
بسرعه يتعود عليج
ريحته مو كريهه مثل السوري
ماياخذ مكان وايد يعني وايحتاج تفصلينهم لاي سبب من لاسباب بعكس السوري
شكله حلووووووووووو
حجمه صغير
نشيط ودايما يحوس عكس السوري ياكل وينام خخخخخخخخخ

خلصنا من النوع وطبعا بالاخير الراي رايج وعالطبيعه كل شي يتغير علا حسب الي يعجبج وحسب شخصيتج بعد والمميزات الي تحبينها تكون بالحيوان الي تربينه


نروح للاشياء الضروريه :
قفص ( يكون فيه مشربه / بيت / صحن اكل / عجله ) وان حبيتي بعد ,, انفاق
اكل خاص فيهم
نشارة خشب حق ارضيه القفص ; تمتص البول والرطوبه وتدفيهم
كلس ,, او كالسيوم ,, يبرد اسنانه فيه لان الهامسترات نمو الاسنان عندهم مايوقف
وكره لو حبيتي تطلعينه بره القفص تحطينه فيها؛ علشان لا يظيع وهم شكله حلو وهم ماينحاش منج وبسهوله تصيدينه وتعرفين مكانه



وبس
اعتقد اني غطيت كل الاشياء الضروريه

وان كنتي تبين شي,, انا بالخدمه ^^

 

[بــدويه]

موفقـه غلآي ,,, البنـآت مآ رأح يقصررون ,, أنـآ ماعررف بالهمسترآت ..

 

[احلى سنفوره]

والله ماعرف شنو احسن نوع بس اول شي اشتري البيت
أو دشي بنت شوفي احن الهمستر
أو سمعت عنه ان ابسرعه يمووووت:0bee2e8d89:
أو بتوفق انشاء الله:bye22:

 

[D A N G E R]

جوجو مشكوره على المعلومات القيمه

انا ودي اشتري روسي بس ماابي زوج ابي واحد

والسوري تقولين مو نشيط وش الحل ؟

 

[D A N G E R]

بنوتات شاكره على

مروركم

نورتوا

 

[Joo.Joo]

سنفوره ما يموت الهامستر بسرعه الا بحالات .. يعني بالحر الزايد و قلة الاهتمام .. نفس اي حيوان ثاني ...

دينجر .. الروسي ما يعيش وحيد .. راح يصير خامل وتحوشه وحده .. ومرات يموتون ..

اذا تبين واحد اخذي سوري .. ومثل ما قتلج اخذي نثيه لانها ما تطلب ذكر ..

وموفقه انشالله ..




بالنسبه لي افضل 100 روسي عـــن 1 سوري !

 

[Sparkle]

شوقتووني على هامستر بس صج صج صج ابي سنجوب يطير ما ادري شفت كذا فيديو حقه وابيه بس مو محصله أحد يبيعه بالكويت

 

[Joo.Joo]

سباركل اسمه شوقر قلايدر .. صعب تلاقينه بالكويت وترا يحتاج مكان وسيييييع وقفص مع اغصان وسوالف وحووووسه وما اعتقد انه يعيش بجو الكويت ,.. ويقولون يحتاج تنظيف داااااايم يعني ريحته قويه !

الهامستر وايد اريح !

 

[Sparkle]

سباركل اسمه شوقر قلايدر .. صعب تلاقينه بالكويت وترا يحتاج مكان وسيييييع وقفص مع اغصان وسوالف وحووووسه وما اعتقد انه يعيش بجو الكويت ,.. ويقولون يحتاج تنظيف داااااايم يعني ريحته قويه !

الهامستر وايد اريح !

لا الهامستر ما راح أحطه بالدراي علشان العجله ولو حطيته برا القطوه بتكون أسعد ايام لها عبالها هدية عيد ميلادها :eh_s(9):

 

[D A N G E R]

ههههههههههههههههههه

سباركل والله انتي داخله على شي كااايد

مشكوره جوجو ماشالله موسوعة حيوانات

الله لايحرمنا منك

اول مااشتري هامستر بااصوره واراويكم

 

[D A N G E R]

طيب جوجو بسألك

اللحين اذا شريت روسي زوج يحتاج افصلهم عن بعض ولا لا ؟

 

[Kawaii GiяL]

danger حبيبتي بما اني مربيه الاثنين السوري و الروسي ... فا راح اقولج عن الاثنين من غير انحياز ولج حريه الاختيار

الروسي ..
الميزة اجتماعي .. العيب في حالتج انتي لان تبين واحد .. لازم تشترين زوج
2- الميزة شكله كيووت لانه حجمه صغير ... العيب ما تقدرين تطلعينه بره القفص الا بكره و لا يضيع منج و يدش بدواعيس
3 - الميزه ماله ريحه .. العيب يوصخ وااااااااااايد .. صج ان يخشهم بس ماله مكان معين و لا يتعلم على طاسه الرمل
فا يحتاج القفص تنظييف كل اسبوع او اسبوعين
4- ميزته لعوووب يحب يلعب بالعجله ..

الروسي يحب ياكل و يلعب و ينام

نيي حق السوري
ينفع اذا تبين تشترين واحد لانه يعيش بروحهه و انا بالنسبه لي هذا عيب لاني احب اكون عائلات
و مثل ما قالت جوجو يفضل يكون نثيا لان الذكر يحتاج انثى
يعني السوري اذا شريتي زوج لازم تفصلينهم و تجمعينهم وقت التزاوج .. و متى تعرفين الوقت مناسب للتزاوج لما الانثى تبدي توقف و تفرد جسمها يعني يكون ممدود و ترفع مؤخرتها لوول سوري عالشرح بس لا حياء في العلم الموهيم اهني تجمعينهم لمده 30 دقيقه مع المراقبه لان راح يصعد عليها و راح تمشي و اهو يلحقها و يوخرون و يردون و حوسه و بعد هالنص ساعه بالكثير 45 دقيقه تفصلينهم

من ناحيه النشاط الانثى غالبا تصير نشيطه .. الذكر خامل ... يلعبون داخل الكره بس اللي عندي ما يعرفون للعجله ليلحين
بس لانه حجمهم اكبر من الروسي انا اخليهم يحوسون يلعبون بالعاب اخوي الصغير لوول بالغرفه لان ما ااخاف عليهم يندعسون وايد
اقدر اطلعهم فا ما احتاج الكره وايد

من ناحيه النظافه انا سمعت انهم وصخين شكثر بس لما ربيت شفت العكس ريحوني اكثر من الروسي
لان يوصخون بطاسه رمل و اذا مو متعلم تفدرين انتي تعلمينه مع الوقت
و قربت خشمي من قفصهم ما شميت و لا شئ ... للامانه عندي هامستر اسمها سنووايت بالنفاس ... القفص صارله قرن مو منظفينه فا الريحه خايسه ...

و عموما اذا ما راح تعتنين فيهم و بنظافت قفصهم اكيد راح تطلع ريحه بهذا و لا هذا و اصلا مو زين لهم تطلع بكتريا
فا احسن بالكثير بالاسبوعين مرة تنظفينهم

و السوري ذكي حيل و يعرفج اذا تحبينه او تكرهينه .. انا لما ازف بسكوته تفهم علطول لان مرة صكيتها وحده خليتها توخر عن هام هام 3 ايام بس عادت حليمه الى عادتها القديمه حاليا اهي بفتره عقوبه لووول اتغشمر بس فصلتها و ترى يعرفون يبطلون القفص اذا يبيون يبطلونه عشان جذي انا احط كلبسه مالت الشعر على الباب

من ناحيه المتطلبات نفس ما قالت جوجو

و انا ما افضل روسي على سوري و لا سوري على روسي

لان صفاتهم غير هذا له عيوبه و ميزاته و هذاك له عيوبه و ميزاته
على حسب الشخص نفسه شنو يبي و شنو الانسب له

بس انا انسب لي روسي ... لان في عيب ما تحملته بالسوري ان ما اقدر اجمعهم لازم افصلهم و انا ابي عايله كبيره من يد و يده و ام و ابو و احفاد بقفص واحد

 

[D A N G E R]

كاوي غيرل نورتي يالغلا مشكوره على هالمعلومات

لا انا ماابي عايله احب اهتم بشي واحد

يعطيك العافيه ماقصرتي بالغلا وشرحك ميه بالميه مفهوم لوووووول

 

[Joo.Joo]

دينجر مثل ماقالت كاواي

والروسي عاديمو لازم تفصلينهم


واذا انتي حابه تربين بس واحد اخذيلج نثيه سوري وبس

 

[D A N G E R]

نورتي جوجو

انشالله اول مااشتريها اصورها لكم

 

[Kawaii GiяL]

دنجر اذا نويتي عالروسي اعرف خوووش وحده تبيع يم بيتنا ... يهبلووون اللي عندها و نظاف طرشيلي عالخاص و اقولج d: