بنات خدامتنا تقول هالحجي وحابه استفسر منكم عن صحته

[soso.]

السلام عليكم


بنات خدامتنا اثيوبيه لو بيدي جان ما يبت اثيوبيه بس الأهل الله يسامحهم مصرين مو


هذا موضوعنا طبعا الخدامة مكتوب باوراقها ان عمرها 25 واهيا تقول ان عمرها

19 مو25 ولما سألناها ليش مكتوب بالاوراق 25 جان تقول عشان ممنوع

يطلعوني بدون ما اكبرعمري :080402ask_prv:


انزين 19 شحقه تكبر عمرها 19 مو صغيره لو 14 او 15 قلنا معاها حق


طبعا اهيا شكلها اكبر وايد من 19 :eh_s(10):


يعني 19 ممنوع تسافر عشان تشتغل والا شنو ؟!


اتمنى اصحاب الخبره يفيدوني بهالموضوع ومشكورين

 

[PuPa^^SWeeT]

ياقلبي


ممنوع يسافرون للشغل خارج الدييرة اذا اعمارهم اقل من 21



يعني سن النضج انه محد بايعها ولا دازها ولا مو بارادتها

قانون دولي


خرعتييني على عنوان موضوعج


المهم عادي انا يتني وحدة عمرها 13 سنة

تيك ات ايزي


19 زيينة

وصااجة ساعات اشك انه اعمارهم فعلا 19 و 18 مثل مايقولون


شكلهم كبار

 

[سوسو حبيبتى]

عااادي نفس الشي كان خدامتي اندونيسيه وقالت لى ان عمرها 25 وكاتبين لها 30 تقريبا مو متذكرة

والله يحفظنا بعض المكاتب حسبي الله عليهم بتكون مسيحيه ويخلوها تلبس حجاب وتقول انها مسلمه لان اسعارهم اغلي!!

صراحه الخدم صاروا شي مخيف ..

انتوا خدامتكم دام انها صريحه عاملوها كويس وحاولوا تكسبوها

 

[سوسو حبيبتى]

تصدقون عاد كل يوم ادعي دعوة

يااااااااارب لا تخليني احتاج للخدامه فى يوم ابدااا

من كتر ما انا صايره اخاف منهم وما احبهم

 

[رقـة الاحسـآس]

الفقر و الشقى يكبر الواحد فديتج

هذي 2 نفس العمر بس حالتهم الاجتماعيه غير و بتشوفين الفرق ع ويوههم

و صج وايد يغيرون فالعمر لان محتايين الشغل

 

[(حكاية قلب )]

اي عادي حبيبتي المكتب هم الي يغيرون اعمارهم
احنا شغالتنا جذي عمرها بالصج 19 وبالاوراقف 24
والثانية هي تقول ان عمرها 37 بس جنها اكبرررر بوااااااايد
كله تنسى بس شغلها تمام بس نساية نتوقع عمرها فوق الاربعين

 

[النوري نور عيني]

سالفه عاديه لانه قوانينهم تفرض سن معين ...فيغيرون بالعمر ...تلقين كاتبين 25 اهي صغيره ...ومرة يكتبون 35 واهي 50 ...

على ايام الاندونيسيات اذكر جتني وحده مبين انها صغيره وما لها خلق تشتغل ..ويوم سالتها عمرها 15 ...مراهقه ...ما اتحمل الشغل والكرف ورديتها ...

 

[كتالونيه]

عادي حبيبتي
انا خدامتي الاثيوبيه
كاتبين عمرها ٢٥ومتزوجه وعندها عيال
وطلعت ١٨ومومتزوجه
مع العلم اني قلت اهم شي متزوجه
علشان عيالي صغار
بس الحمدالله زينه وتهبل وحبوبه

 

[*دنــيـQ8 ــا الوله*]

١٣ سنه حراااااام حيل صغيره .

 

[om MaRyooM]

اغلب الخدم اذا موكلهم جذي



كان عندي اندونيسية مكتوب انها ٢٢ جنه

بس طلعت ١٧
وطيعا رديتها لان كانت ياهل وتبي تلعب بذيلها

 

[رووح ابووها]

عادي قانونهم مايصير يدزونهم للشغل الا فوق ال ٢١

 

[طرطيعه]

اي اثيوبيتنا كذا عمرها اول ماجت 18 يمكن ومكبرينها واسسمها الحقيقي مغيرته تو اعترفت لنا خخخخخخ
اتوقع لهم اكثر من جواز سفر وهيكي

 

[فـــخـــر]

كلهم جذي

شكثر اللي كانوا يشتغلون عندنا واعمارهم غيير عن الصج :\

 

[PuPa^^SWeeT]

اي اثيوبيتنا كذا عمرها اول ماجت 18 يمكن ومكبرينها واسسمها الحقيقي مغيرته تو اعترفت لنا خخخخخخ
اتوقع لهم اكثر من جواز سفر وهيكي

هذي عملية احتيال


اتخلي رفيجتها اتسجل بالوكالة انها باتيي

ولما تطلبين رفيجتها

اهيا اتيي بدالها



هذي الحركة كلش مو حلوة

 

[manoooram]

حبيبتي أغلب الخدم جذي عمرهم الصجي يختلف عن اللي مكتوب بالأوراق الثبوتية تشوفينهم أكبر بالعمر فيها
على شان الديار الثانيه تستقدمهم ..
لا يضيق خلقج .. مو المهم عالعمر الأهم انها زينة معاج وتشتغل بضمير..
انا جذي صار معاي بس مو بالعمر لا بالصورة غير واللي يتني غير
بس والله شحليلها بنت الحلال وااايد زينه ما شالله

 

[عـواشـه]

حبوبه اي خدامه صغيره مايدخلونها تشتغل برا حتى ممكن لمصلحتها
اما 19 سنه عادي عمرها واايد مناسب ..
اذكر مره يبنا خدامه ماتتكلم عربي وكانت جنسيتها سيلانيه المهم المكتب قالو عمرها 21
يوم وصلنا البيت وسألنها جم عمرها قالت 15 سسسـنه ويوم شافتنا منصدمين خافت حتى المكتب يزفها مادري ليـه ..
عموما الله يوفقج ويكتب لج الي فيه خير ..

 

[soso.]

PuPa^^SWeeT، سوسو حبيبتى، رقـة الاحسـآس، (حكاية قلب )،

النوري نور عيني ، كتالونيه ، *دنــيـQ8 ــا الوله*​

om MaRyooM، رووح ابووها ، طرطيعه ، فـــخـــر ، manoooram ، عـواشـه​

يعطيكم ألف عافية حبايبي ماقصرتوا ومشكورين وااايد عالإفاده :eh_s(7):​