- إنضم
- 5 سبتمبر 2008
- المشاركات
- 496
- مستوى التفاعل
- 0
- النقاط
- 0
بنات وخاصة الي توهم متزوجين ماتحسون انكم متعقدين او خايفين من ام الريل والحمولة؟؟؟ :cxxxp:
والله بنات انا كثر ما شفت وسمعت عن ام الريل والحمولة وشلون يعاملون الجنة ويخلون حياتها جحيم وياذونها والله احس اني تعقدت :eh_s(16):
وخاصه بعد ما قمت اقرى السوالف الي هني بالقسم والله حسيت اني تعقدت اكثر وكرهت الحمولة وحقدت عليهم :eh_s(13):
عاد انا توني بالملجة وما احتكيت وايد مع اهل ريلي لانه كان مسافر وكل ما يدقون علي يعزموني ولا شي اهله اتعذر
وما اروح ولما يقولي ليش ماتروحين اقوله استحي منهم او كنت تعبانه واعذار ماتخلص
انا مابي احتك فيهم والله بنات احس اني خايفه وكارهتهم احسهم مايبوني :27d66a9c24b146327bf
مع ان والله ماشفت منهم شي موزين او كلمة تضايق للحين بس من داخلي احس ان كلهم نفس الشي
بنات عفيه حاولوا تشجعوني انا ريلي توى رد من السفر وامس مارحت له خليته اهو اييني لان مابي اروح بيتهم وباجر
زوارة بيت يدته وبيروح غدا عشان يشوف اهله ويسلم عليهم :eh_s(22):
وانا متردده مابي اروح من لما قالي وانا ضايق خلقي ادري راح يطالعوني ويفصلوني وهات يا الحجي والتعليقات الي بيقولونها ممكن اي كلمة يقطونها علي راح اتهاوش لاني ما اسكت عن حقي وبرووحي متشيشه لووول :eh_s(14):
بنات عفيه قولولي ايجابيات الحمولة ومواقف زينه جود اطخ شوي والعقدة تروح عني :tek:
