بنات حددددددددي خايفه الحبل السري ملتف

[بيت التوت]

بنات سويت سونار رباعي الابعاد امس راح اكتب لكم تجربتي معاه
ان شاءالله

بس المشكله طلع الحبل السري ملتف ع البيبي انا خااااايفه

ش الحل برايكم ؟؟ :eh_s(2):

وممكن يتعدل؟؟
وخاف يولدوني عمليه :eh_s(16)::eh_s(16):
وخايفه لا يخنق بيبيي او يتحرك البيبي ويلتف زوووود :eh_s(11):

عفيه جاوبوني
قمت اوسوس واااااااايد لااله الاالله

 

[sosowaty]

مادري الله يطمن قلبج

 

[بيت التوت]

سوسو اجمعين ياااااااااااااارب

 

[@ام يوسف@]

الله يتمم عليج وتولدين بالسلامه ويحفظ البيبي من كل شر يارب

 

[ام ساره 4]

هلا توت الله يطمن قلبج إن شاء الله

 

[احلامي غير]

الله يطمن قلبك ويفرحك بشوفته سليم باذن الله ماعليه خلاف لان الحبل السري متعرج والطفل يتحرك فتتغير الوضعيه

 

[ELFAD3Ah]

يارب تولدين ولدج بصحة وعافية
اب

 

[MzMzq8]

انا كان الحبل السري ملتف على رقبه البيبي وولدوني قيصريه و الحمدلله على كل حال خيره لاتحاتين سهالات حبيبتي

 

[بيت التوت]

مشكورين بنات الله يجزاكم خير

 

[روح الأحزان]

حبيبتي الله يقومج بالسلامة ويحفظ البيبي من كل شر ان شاء الله ولاتحاتين روحي حق دكتورتج وشوفي شنو تقول وان شاء الله سهاله من رب العالمين

 

[بيت التوت]

روح مشكوره يا قلبي انتي والبنات علي دعواتكم لي
ادري انها طالعه من القلب الدعوه
عسي ربي يوفقكم ولايحطكم ابمكاني

 

[بيت التوت]

انا كان الحبل السري ملتف على رقبه البيبي وولدوني قيصريه و الحمدلله على كل حال خيره لاتحاتين سهالات حبيبتي

زين اشلون كان ملتف الحبل السري ؟؟ وبأي شهر كنتي ؟؟

 

[Vip qatar]

حبيبتي ان شاء الله البيبي ماعليه شر انا بنتي كان ملتف الحبل السري على رقبها تخيلي مو لفه وحدة لفتين ومربط يدها وريولها وولدوني عملية قيصرية مستعجلة والحمدلله الله حفظها الدكتور قالي زين انه تلاحقناها وتمت فترة رقبتها وايدها فيها نفس الحز لونة اخضر هاي الشي تخيلي كله صارلي في نص التاسع وبالصدفة اكتشفوا

فانتي فكري بس بالبيبي وانه تعبج مايضيع هاي التسع شهور ومو مهم ولدتي طبيعي او قيصري اهم شي البيبي وحاولي تجيكين بعد فتره لانه لين الحين ماضاق عليه المكان وممكن الحبل السري يتحرك من مكانه والله يقومج بالسلامة انتي والبيبي

 

[شـيـوخـهـ]

بيت التوت حبيبتي لا تحاتين عمليه ولا غيرها
الله لا يضيع تعبج والله يسهل هالموضوع عليج ويحفظ البيبي الي ببطنج
ان شاء الله تكون ولادتج طبيعيه وسهله وتحفظ الي ببطنج يااارب

ناطرين تجربتج مع السونار

 

[وحيدة امى]

الله يقومج بسلامه يارب انتي والبيي الله يحفظكم يارب

 

[بيت التوت]

في آي بي

الله يجزاج خير ي قلبي ريحتيني اشوي


شيوخهـ
هلاوغلا حياتي وحشتيني يالغلا
شخبارج ؟؟؟؟؟؟؟؟؟؟؟؟؟؟؟؟
والله يسمع منج يارب


وحيدة امي

جزاج الله خير حياتي لا خلاولاعدم

 

[*مطبخ الذواقة*]

لازم ترجعين للدكتورة وتتابعج على طول

علشان لا صار ما صار تتدخل بسرعة

بس باذن الله ربي بيحفظج ويحفظلج البيبي وتفرحينا بولادتج بالسلامة

 

[ام اغلى الناس]

الله يقومج بالسلامه انتي والبيبي

 

[يارب احفظ عيالي]

بعد عمري بيت التوت لاتحاتين انشاءالله بيتعدل وضع البيبي


الله لايضيع تعبج حياتي وتولدين وتقومين بالسلامه

 

[أبكاني ذنبي]

استغفري وادعي ربج وكل شي بالدعاء يتغير


امبييه وايد قمت احاتي عمري لي فتره طويله ماسويت سونار

الله يطمن قلبج ويطمن قلبي لما اروح اسوي سونار