بنات حبوب progyluton تسبب منع حمل ؟

[سيكولوجية]

السلام عليكم


بنات انا فيني تكيس بالمبايض من كنت بنت

الدكتور صرفلي progyluton ومشيت عليهم والحمدالله صارت دورتي منتظمة وراح التكيس

قبل عرسي ب 4 شهور جتني الدورة لمدة شهرين وموراضيه توقف

رديت راجعت وفلت لهم اني على وجه زواج

ف اصرفولي حبوب جنيرا منع للحمل لمدة شهرين

وقبل عرسي قالتلي عشان ماينمع الحمل اذا تبين تحملين

عطتني progyluton مع كلوفاج بس وقفت الكلوفاج ماقدرت عليهم

سسبتلي اسهال ودوخه تعبت حيل منهم ومغص اب بطني

ف قالتلي الدكتوره خلاص امشي على progyluton

وحاطتلي موعد شهر 3 ان ماحملت لي هالشهر ارد اراجع بيسولي سونار داخلي ومن هالشغلات

ف هل الحبوب تسبب منع حمل ؟ او تأثر ؟ مع ان مكتوب عليه ماله شغل

انا زوجي متشائم منهم ماادري ليش !

وصارلي شهرين واسبوعين من تزوجت ويحن يبي يااهل مستعيل !!


ف حبيت اتأكد منكم
واسأل في وحده حملت عليهم ؟


وهذا شكلهم

​

 

[لاكوستة]

انا كاتبة من قبل بالمنتدى عن هالحبوب و قلت حق اكثر من وحدة ان هالحبوب مو زينة بس البنات يبون يقلدون بعض و بس

شوفي حبيبتي انا اراجع عند الدكتور فاطمي البلجيكي
و الصراحة اثق فيه وايد و انتي حرة اذا بتقتنعين بكلامي و لا لا
شوفي انا بالبداية كنت نفسج اعاني من التكيس و دورتي مو منتظمة و دكتورتي القديمة وصفتلي هالحبوب
و بعد ما سمعت عن الدكتور فاطمي ورحتله سألي شنو تستخدمين حاليا و قتله اني اخذ هالحبوب و مرتاحة عليهم لان دورتي وايد انتظمت
و من حسن حظي ان الحبوب كانت بجنطتي طلعته و وريته
جان ينصدم
قالي اكيد ما راح تحملين لان هالحبوب مو قاعدة تسويلج تبويض بجسمج
و بعدين هالحبوب اهما يوصفونها للي تبي تنظم دورتها في سن اليأس
يقولي لو اقول حق طلبتي في بلجيكا ان دكاترة الكويت يوصفون هالحبوب راح يضحكون عليكم

طبعا انا حدي انصدمت لان ادري ان كل بنية سواء متزوجة او لا اكيد خذت هالحبوب
و مستانسين عليها لانها تنظم الدورة
بس على كلام الدكتور يقول حتى لو انتظمت الدورة المشكلة نفسها ما انحلت
و عطاني مثال قالي كأن واحد فيه سرطان بالمخ الله يبعد عنكم كل شر
و راسه يعوره بسبب هالمرض
و يعطونه بندول
يقول الصداع راح يختفي بس المرض نفسه ما راح
فهمتي علي ؟؟


و مثل ما قتلج و الله من سمعت هالكلام وااااايد ضاق خلقي لان واااااااااااااايد بنات يستخدمون هالحبوب

عاد انتي سمعتي رايي و انتي حرة
و موفقة حبيبتي

 

[سيكولوجية]

عيل اشلون انظم الدورة ؟

انا قبل الزواج عادي دورتي شهرين !

والحين متزوجة يعني ماينفع هالوضع ؟

 

[لاكوستة]

مادري حبيبتي مابي افتي من عندي
احسن تروحين لدكتور شاطر و مضمون ما يلعب فيج و قوليله اللي سمعتيه و شوفي شقولج

 

[nadoo]

الله يرزقج الخلف الصالح

 

[عذآب إلـ أنآ]

آنا دكتورتي تقول هذول احسن حبوب ومالها شغل بمنع الحمل
ماتسبب منع حمل،
عطتني ياهم عشان تنظم الدوره وعقبها تبي تحاول فيني عشان أحمل ،

دكتورتي خالده المجيبل وايد زينه

 

[احلى سماء]

انا استعملتهم 4 شهور
وقالي الدكتور ترا تنظم دورتج مدة سنتين الى سنه ونص وبعدهم عطاني تنشيط حق الحمل

 

[سيكولوجية]

الف شكر


عسى الله يرزقنا يارب

 

[شنوووفه]

رد : بنات حبوب progyluton تسبب منع حمل ؟

والله افتر راسنا من هالدوره انا بعد دورتي مو منتظمه والحين بدورلي دكتور زين علشان ارووحله
والله يرزقج بالذريه الصالحه يااارب