بنات حبايبي .. بسألكم فيه للبنت وظائف في المطار؟؟

[~احلامي~]

السلام عليكم ورحمة الله وبركاته ..


يالغاليات انا حابه اسألكم فيه وظائف مخصصه للبنات في المطار
يعني مثل مانشوف بالجمارك تطبيق جوزات النساء مثلاً

وإذا فيه .. تعتقدون شنو تتطلب هالوظيفه من شهادات

وكم معاشها :gr4uu:


بليــــــــــــز بنات ابي مساعدتكم الله يجزاكم خير :eh_s(2):

 

[الكبر لله]

هلا حبيبتي ..

بس اللي بالمطـار مو كويتيـات اللي شفتهـم ؟؟

مادري ياقلبي إن شاء الله غيري يفيدج

 

[~احلامي~]

الله يعطيج العافيه يالغاليه..
مادري فكرت بالوظيفه لان مافيها صعوبه وبنفس الوقت ماتحتاج شهاده بنسبه عاليه ..
هذا غير اني اتوقع ان معاشهاا حلو .. وان شاءالله احد يفيدني

 

[~احلامي~]

وينكم يابنات
وتنصحوني فيهاا ولا لأ ؟

 

[زوزو الحلوه]

حبيبتي اي فيه انا عندي وحده من اهلي تشتغل مال تدقيق الجوازات بس دوامهم شفتات ومعاش مو قوي وايد ...واللي تقول ما في كويتيات اصلا كل اللي يشتغلون جوازات كويتيات خوش والله وحده منافذ وتختم جوازات تكون مو كويتيه ناقصها هالديره لعب...

 

[غلا الأيام]

امبلا فيه كويتيات انا كان ودي حييل اشتغل اهناك ‏

بس وحدة من اهلي قالت لازم واسطه،رغم ان معاشهم مو قوي

 

[~احلامي~]

زوزو الحلوه
غلا ألايام

تسلمون يالغاليات وماقصرتوا حبيباتي
مدام هذا نظامهم والمعاش مو قوي ..
بصرف النظر عنها ..

 

[اصـعب سؤال]

مرحبا كل الوظايف اللي بالمطار للكويتيات...
انا كنت ميداني فالمطار.

كل الشهادات يقبلونها من متوسط ثانوي دبلوم بكالريوس .ومن كل التخصصات حتى الاعلام هندسه اداره قانون الخ

الطيران المدني فيه اقسام كثيره
شؤون قانونيه شؤون اداريه علاقات عااامه وووو بعض الوظايف تكونين فمبنى المطار نفسه والبقي مبنى الطيران المدني الاساسي اللي بجنب المطار.وفيه اللي يكون لبسهم رسمي موحد وفيه لا .

وفيه شركات خاصه التجاري زين لهم هم كونترات خاصه وفيه شغل بسفريااات .


واي استفسار انا بالخدمه .واتمنى اني افدتج

 

[مزيان2010]

رد : بنات حبايبي .. بسألكم فيه للبنت وظائف في المطار؟؟

اختي( ضيقتي خيره) اذا بقدم ع الوظيفه وين اروح مو الاحين المطار صار بالقطاع الخاص امانه قوليلي شنو اخذ معاي من اوراق وين اروح واكون شاكرتلج حبيبتي

 

[~احلامي~]

ضيقتي خيره ؟! يافديت قلبج يالغاليه ماشاءالله عليج ..

زين بسألج ياعمري معاشاتهم كم بالضبط .. وهل فيه قسم خاص عن اللي تكلمت عنه بالبدايه
وهو تطبيق جوزات النساء؟ .. اللي هو الكشف وتطبيق بجوزاتهم لأني انا بصراحه ابي يكون مكاني اللي اشتغل فيه خاص بالنساء

مزيان 2010 : حبيبتي ان شاء الله تفيدج ضيقتي خيره

 

[زهر الرمان]

انزين وين يقدمون حق الطيران المدني؟
واشلون في حالة النقل؟ يعني من وزارة الى عندهم؟
وشنو عندهم اماكم زينة؟ وسمعت عن قسم يسوون فيه تجديد حق شركات السفريات احد عنده خلفية عن هالقسم؟