بنات حامل وتعبانه ساعدوني ولكم الأجر

[غلا 2000]

أنا تعبانه صارلي ثلاث أيام معاي الحراره والكحه
للعلم إني حامل بالشهر السابع ورحت لعياده خاصه
وعطوني أدويه وصارلي يومين بس لحد الحين الحراره
تصعد وتنزل وأنا خايفه من الحراره على الجنين
بنات شسوي شنو الحل

 

[توكلت على الله 22]

اشربي حليب سفتي ورشي علية فلفل اسود او شوربة ورشي فلفل اسود

وسلامنج ماتشوفين شر

 

[بناااوي]

كنت نفسج ورحت مستشفى الراشد ونوموني عندهم ٤ ايااام وكمام ومضادات والحمدلله وكنت بالساااابع ولدت عندهم ولدي مافيه الا العافيه
بس نصيحه لا تخلين نفسج الحراره مو زينه للجنين سلااامتج

 

[MiiMoo]

رد : بنات حامل وتعبانه ساعدوني ولكم الأجر

خل يعطونج دربانا حاشتني حراره لما كنت بالرابع جنه عطوني درب ينزل الحراره

 

[MissChoco]

سلاماة ماتشوفين شر

انا ياتني حراره مرتين وانا حامل مره طولت قعدة اسبوع تقريبا وراحت مع مضادات وادويه وايد كتبتلهم لي دكتورتي
والمره الثانيه ماطولت اربه تيام وراحت وكنت اكل بندول


انتي روحي المواساة وايد زين شوفي شيقولولج


وان شاءالله ماعليج شر والله يسهل عليج يارب