بنات جم عباية تفصلون؟

[^ليلاس^]

مرحبا بنات

شلونكم

انا صارلي فتره كله البس عبي ما قمت البس نفانيف وبدل

ف بغيت اسألكم بالشهر جم عبايه تفصلون؟

انا للدوام مالبس لان دوامي كله بنات وحريم بس بالنسبة للطلعه شكثر تفصلون بالشهر ؟
:edbf4317b9:

 

[*أم*خالد*]

ليلاس انتي اهنيييييييييييي @@

لووووووووووووول طحت عليج

طلعتي من جماعه العبي ؟؟

اممممم

مادري والله انا مالبس عبي بس داشه اخرعج

فصلي 4 شوراج

 

[^ليلاس^]

رد : بنات جم عباية تفصلون؟

لوووووووول ام خلوووود

الله يابج انا بروحي وخايفه قعدي معاي نسولف لووول

اي والله انحرفت وصرت من ربع العبي لوول

4 يعني؟ :gr4uu:

 

[just one love]

بالشهر 3 و 4او على حسب طلعاتج
واب

 

[pure feminine]

رد : بنات جم عباية تفصلون؟

مو شهريا نفصل

على حسب كل فتره

وطبعا العبي تختلف بأختلاف المناسبه وأسعارهم تختلف


في عبي خاماتهم حلوه تقعد معاج فتره طوييييله وحلاتها تكون ساده او شغلها بالاسود عشان ما تملين منها

 

[مغرورة بتواضعي]

رد : بنات جم عباية تفصلون؟

يعني كل شهرين افصل 2 وحدة تكون حق الزوارات الاهل وحدة حق الاماكن العامة

 

[اميرة الغيد]

العبي دايما تنزل موديلات جديده كل جم شهر عبايتين ثلاث وحسب طلعاتج بعد

 

[بواسم]

حبوبه حسب طلعتج ممكن 2 او 3 بس موكل شهر كل جم شهر

 

[فـرفـر]

علي حسب
انا مراات افصل2 او 3 مره وحده
واقعد مثلا شهرين او 3 شهور من غير لا افصل
عاادي لازم استهلك العبايه بالاول حرام كل شهر عبايتين او 3
وطبعا في عبايه تكون للمناسبات هذي تدوم عندي فتره بعد

 

[viva la glam]

فصليلج 2

 

[سيدة الذوق]

كل شهرين 3 عبي افصل

 

[al-musk]

انا كل شهرين تقريبااسويلي ديزاين جديد وافصل شي جديد وطبعا لازم تكون عندج عباية سادة ..خذيها من المتحجبة تبلسين معاها الشيلات الثانية والملونة..

 

[om-yousef]

انا عن نفسي بدايه كل موسم دوام افصل عبايه ساده وحده وثلاث عبي فيهم شغل ناعم وقصتهم مرتبه وبعد كل شهر ونص اسوي ثنتين ومرات اسوي اذا عندي مناسبه

 

[QT]

رد : بنات جم عباية تفصلون؟

وين 3 او 4 ؟

واخر السنة عاد بيعيهم بمعرض
لالالالالالالالالالا



خيطي ثنتين ناعمين للدوام


واذا صادفتج مناسبة روحي خيطي وحده كشخه


بتقولين ويييييييييييه على الوقت


بقول لج لو تخيطين الحين راح يطلع لج موديلات ثانية وتتحسفين على الفلوس اللي قطيتيها



عرفتي؟

وبس

 

[ام عفاف الكويت]

كل شهر ثنتين او ثلاث ونوعي بالجناط والساعات

 

[*أم*خالد*]

لووووووووووووووووووووول

ليش انحرفتي ؟؟ شفيها هدوم بيرشكا ؟؟ شحلاتهم قطيهم بالغساله الاوتوماتيك وتطلع يديده تلق

انا ملاحظه البنات كلهم يهولون بأعمارهم هدومهم تلوع الجبد بس يشدون حيلهم بالجناط
تلقين بدلتها كلها على بعضها ماتسوى 10 دنانير وبايدها جنطه ام 300 و400
بس سؤال .. الجنطه اصليه ولا لأ ؟؟ ترى انا غشيمة بهالسوالف

اممممممم نرجع حق موضوع العبي

انا ما البس عبي بس حاطتلي بالكبت جم عبايه حلوة وكشخه والله وغاااالين

وحده من الملكة بمول جمعيه قرطبة
والثانيه من حناين بدبي

ترى حناين لو تروحين هناك يفصلون لج عبايه ويطرشونها لج للبيت انا جربت ووصلت .. بس تأخرت لأن الخام عندهم كان قاصر بس يوم دقيت عليهم اشتغلو عليها بسرعه وطرشوها لي وناسه

اممم مادري شفيني صايره قرقه اليوم وايد :s

يقولج مجمع مغاتير بمادري أي قلعه وادرين فيه موديلات عجيبه ورخص التراب
جيكيه

 

[<miss botamba>]

بما انتي مو متحجبه سألت لج اختي

تقولج اهوا مو عالشهر بس انه خلي عندج بالكبت

2 حق عزا

1 كشخه حق عرس

2 تطريز اسود

2 تطريز ملون

جذي

وعقب هذول خيطي دخله الشتا مثلن 3 ودخلت الصيف 3 يعني توتال كل سنه 6

 

[الريماس]

انا وحده امووت بالعبايات وكل اسبوع تقريبا عبايه جديده يعني بالشهر تقريبا اربع عبايات .

 

[أحب بابا جابر]

انا افصل كل شهرين او 3
عبايتين او 3 عبي
بمعدل لكل شهر عبايه وحده وطبعا غير عبايات المناسبات

 

[Gears]

انا بما اني البس عباية حق الجامعه

عندي 8 يدد فرش حق الكورس اليديد انشالله

وكل شهر افصل 4 او 3 .. وساعات اكثر حسب يعني