لو سمحتو بنات الجامعه :eh_s(7):ممكن اعرف متي التسجيل بالجامعه؟؟؟؟؟؟؟؟؟؟؟؟؟؟؟؟؟؟؟؟
انا عندي دبلوم هندسة الكترونيه من التكنولوجيا
ودي اكمل دراستي مليت من الدوام صارلي عشر سنين واداوم نفس الحاله انا ضعبفه بالانغلش احس الدراسه ممسوحه من مخي قررت ادرس واكمل :bbbiu:
سمعت فية تكمله حق تخصصي بالكويت حبيت اعرف متي التسجيل وبجم الكورس واللي بالكليه اتمني اتساعدني
السلام عليكم
انا طالبه من الACK وخريجة هالكورس باذن الله، بس تخصصي مو الكتروني، انا هندسة بترول،،
حبيبتي شوفي بقولج اللي اعرفه وانشالله افيدج،،
اول شي انتي قلتي ان عندج دبلوم هندسه الكترونيه صح؟؟
قصدج تبين تكملين بكلريوس؟؟؟
لان على ماضن حبيبتي ان جامعتي ماتعادل اي شهاده !!
بالمعنى الاخر ان احتمال كبير ان مايخلونج تكملين على شهادتج، وراح تبدين من الصفر من اول ويديد، تبلشين دبلوم سنتين بعدين تبلشين بكلريوس سنتين!
شوفي هذا الكلام اللي معروف، قالولنا ان اي شهاده بره مثلا جامعة الكويت او غيرها مايعادلونها عندنا، وحتن جامعة الكويت ماتعادل شهادتنا لو احد من ACK حاب يكمل هناك.
انا هذا كلام الي اعرفه،، بس يفضل انج انتي تروحين هناك وتسآلين قسم التسجيل والقبول احسن،
لان يمكن يعادلونها ويخلونج تكملين والحمدلله تبلشين ،،
بس قلت اعطيج خبر،، بس انتي سآلي احسن عشان تتطمنين اكثر،،
ونقطه ثانيه انتي قلتي انج ضعيفه بالانجليزي! حبيبتي احنا دراستنا كلها بالانجليزي ودكاترتنا وايد اجانب، وحتى لو مو اجانب الدراسه كلها انجليزي ومصطلحات والكتب غيره ، لازم يكون الانجلش زين ولاراح تتعبين وايد،
اذا انتي مستجده راح يدخلونج امتحان قبول انجليزي مثل القدرات عشان يعرفون مستواج بالانجليزي، ياتاخذين باس سيده وتبلشين، او تدشين level 1,, او 2 او 3
اللي اهما مراحل تاسيسيه عشان يقوونج بالانجليزي قبل لاتبلشين الدراسه،
وعلى سالفة التسجيل انا الاسبوع اللي طاف سجلت والحين اتوقع سكر التسجيل او يمكن تسجلين تسجيل متآخر،، اذا صج ناويه تدرسين بجامعتي لازم باجر تروحين او اقرب وقت، لان الاحد يبلش الدوام مال البكلريوس،
وحبوبه اسفه ماقدر اقولج جم الكورس لاني مادرس على حسابي، انا ادرس على منحه داخليه فالتعليم العالي يتكلف بتكاليف دراستي،،،
وانشالله اكون ساعدتج وفهمتج جم نقطه انتي كنتي محتاره فيها،،
واذا عندج اي استفسار راسليني عل خاص
والله يوفقج يارب:eh_s(8)::eh_s(17)::eh_s(17)::eh_s(17):
