بنات جامعة الكويت تخصص شريعه وتخصص اداب سؤال لوسمحتوا

[جوجو.]

السلام عليكم بنات ابي استفسار من بنات الشريعه وبنات الاداب تنصحون اسجل شريعه او اداب بصراحه محتاره وابي الاسهل

 

[^^طالبه^^]

كلهم نفس الدراسه من ناحية الصعوبه

والشريعه حفظ × حفظ
والاداب تخصصاتها احلى
وبالحالتين يقبلونج كمدرسه بعد التخرج
الا تخصص اعلام بالاداب لا مايقبلونج

 

[جوجو.]

يعني الاداب اسهل او علوم اجتماعيه او شريعه ؟؟؟؟

 

[عادت ذكرياتي]

شنو التخصص اللي ببالج أو شنو طموحج الوظيفي وبناء عليه دخلي الكلية ^-^


الآداب حلوة وخاصة العربي والانجليزي والشريعة حلوة ومستقبلها حلو وعلى حسب الدكتور اللي تختارينه

 

[مهآيطيه مآركه.*]

الشريعه

راحه وكل بنات مافي اختلاط وما تضيعين فيها

والامتحانات على الدكاترة سهله او صعبه

وبصراحه انا اشوف ان دكاترة الشريعه احسن من باقي دكاترة التربيه والاداب
علوم اجتماعيه ماعندي فكرة عنها

بونصات وامتحانات سهالات والاهم انج تدرسين شرع الله
يعني دراسه+اجر
ومستقبلها حلو

موفقه

بالنهايه استخيري وعزمي على الكليه اللي تبينها
وابحثي بقوقل والله يوفقج