بنات تكفوووون .. فيدوني

[دمعه امل]

السلام عليكم بنات شخباركم
انا اليوم رحت حق دكتورتي ... طبعا ما فاد فيني الكلوميد والابر التفجيريه
قالت لي هالمرة تلقيح صناعي
وعطتني ابرة قالت عنها هرمونات بدل الكلوميد
كل يوم لمدة عشر ايام
وبعد اسبوع بجيك ع التبويض
انا وااايد خايفه
ومو عارفه تفشل العمليه والا تنجح
وخايفه من كل شي
وفي احد منكم سوى تلقيح وعطوه ابر
بلييييز ساعدوني

 

[كلي أمل]

الله يرزقج بالذريه الصالحه يااااااااااااااااااارب والله ماعندي فكره انشالله البنات يفيدونج

 

[توكلت على ربي]

توكلي على ربك الله يسهل امرنا وامرك وامر المسلمين

بصراحه ماعندي خلفيه عن الموضوع

 

[كيكه^_^]

ليش خايفه؟ خوفج هذا اهو بروحه مو زين ويسببلج مشكله ويلعب بالنفسيه واهم شي النفسيه

والابر هاذي نفس الكلوميد كلها منشطات للتبويض

التلقيح الصناعي انا سويته من قبل و مو شرط ان التلقيح الصناعي يكون ناجح من اول محاوله لأن نسبة نجاحه 15% مع ان ماشاء الله في اللي احملو بالتلقيح من اول مره

والتلقيح الصناعي بسيط ما فيه خوف ولا شي مجرد انهم ياخذون السائل المنوي من الزوج ويدخلونه المختبر ينشطونه ويشيلون منه الشوائب اذا كان عنده ضعف بعدين اتيي الدكتوره واتحط السائل داخل الرحم من غير اي ألم و لا شي.
والتلقيح الصناعي يعتبر المرحله اللي قبل طفل الانابيب أو الحقن المجهري

اتمنالج التوفيق وان شاء الله تكون محاولتج ناجحه ويتم الحمل هالمره.

 

[طماشة]

ليش الخوف مافي شي يخوف نفس ماقالت الاخت كيكة ياخذون السائل المنوي من الزوج ويحقنونة وانتي نايمة ولا تحسين بشي انا سويتها وماصار حمل وسويت طفل انبوب وماصار شي وحمل من الله بدون علاج

 

[bint_al8omar]

توكلي على الله وسويها والتلقيح مايخوف وماراح تحسين بشي والابر ضروريه عشان تكبر البويضه يارب يرزقج هالشهر ويقرح قلبج

 

[دمعه امل]

جزاكم الله الف خير ويفرح قلبي وقلوبكم
بس اتعرفون لان اول مرة متخوووفه
اشوووي والله يسوي اللي فيه الخير والصلاح
وان شاء الله فرج قريب يااااارب​