بنات تكفووون اول مره بسوي استقباال وابي شوركم لا تقصروون فديتكم

[ملاك777]

شلونكم بنات
انا بعد اسبوعين ادش التاسع وقررت اني اسوي استقبال وحدي متوهقه ومو عارفه شنو احط ما احط
وانا قلت ان الصيف الناس واهلي زوجي تقريبا الاغلبيه مسافرين ومحتره شنو احط
واهلي وخواتي يقولون ما يحتاج تحطين المعجنات والورق عنب
بس حطي ماعونين حلو القهوه والشاي مع البسكوووت والسوالف الصغار والعصير والقهوه والتوزيعات الككاو
انتو اشرايكم يصير اسوي استقبال بدون المعجنات وورق عنب محتاره وماني عارفه ال تعرف تفيديني
ايييي ونسيت بحط بعد الشجره الي فيها المكسرات والبسكوت وماي اللقاح والزعفرا والشكر
بليززز بنات ردو علي تكفوووون ومشكووورين ما قصرتو :tek:​

 

[إيمي1987]

هلا اختي

لا حطي بس معجنات ما يحتاي ورق عنب

وعسى ان شاء الله تقومين بالسلامه

 

[ملاك777]

مشكوووره وماقصرتي
ابي رايكم بنات بعد

 

[عيش و ملاس]

أنا راييي من راي خواتج كلامهم عدل لاتكلقين حالج بمعجنات وورق عنب ومكسرات وماي لقاح وزعفران بس عصير بارد fresh على هالجو الحار وشاي مع بسكوت صغار ونوعين حلو قهوه وكاكاو الولاده

 

[هيونه.المزيونه]

الله يسهل عليج

حطي ماعون معجنات و ماعونين حلو قهوه

واهم شي عصير الفريش


لا تكلفين على عمرج

 

[AVE.NJ]

انه اكثر استقبالات يعجبوني البسيط
بس جاي مع معجنات صغيره وانه طالعه اكل حلو مع قهوه
واذاتبين تكلفين على عمرج وزعي وبس

 

[لمسات شمووخ]

حطي معجنات المني الصغار

 

[meen_ana]

يبي ميني معجنات وفي يبيعون ميني ورق عنب للي يكونوون حجم صغير المعجنات ميني شفت في محل الدكان

 

[احلى ـآ وحده]

وفي ميني كبب وسمبوسه ..

وسى الله يقومج بالسلامه ..

 

[om__jana]

مثل ماقالوا البنات مو لازم معجنات وورق عنب
كافي العصير - الشاي- القهوه- حلو القهوه- التوزيعات او الككاو - ورد عالطاولات يمج والكفر

 

[غير كل الناس]

لا تنسين العصاير البارده لان الحر قاتل

الله يهون عليك يارب

 

[كـ غلا ــلي]

انا من رايي عصاير فرش و ماي وقبل الطلعه الحلو والقهوه واخر شي السوفونير ما يسوى لا معجنات ولا جاي

 

[um_yoyo]

عصاير فرش و حلو قهوه و قهوه و شاي و اذا تبين معجنات ميني سايز بس مو ضروري
و الشجره ترى صارت قديمه شوفي شي ثاني

 

[ملاك777]

مشكورين بنات وماقصرتو

 

[داريني]

معجنات من امبرس ميني اسبشل وحطيهم في ماعون الي يصير دورين حلو شكلهم وذرب
وحلو قهوة من الدكان وكاكاو مغلف في ماعون حلو من سلفيرينيا
وكل ما شغل صار بسيط وذرب راح يصير احلى
والله يقومج بسلامة

 

[داريني]

انا مع البنات روحي طلبي من محلات العصاير المعروفه يزهب لج عصاير في بطل ماي وهالايام هابين في عصير عوار قلب
صج بارد وينعش

 

[نملة زقرتية]

انا اقول ماله داعي معجنات وورق عنب

حطي بس عصاير وماي وجاي
وبالطلعة قهوة مع حلو القهوة والسوفينير
وبس

اي صج تذكرت
هالايام هابين بالميني كب كيك
ييبيلج كذا نوع وخل يتوزعون عالناس

الله يسهل عليج ويقومج بالسلامة

 

[brettey]

حطي معجنات لا باجر يقولون بخيله واهلها بخلا
وفعلا صارت ناس اعرفهم يروحون استقبالات ولادات بالمستشفى وشوفي التحلك شهالبخل ماحطوا صينيه معجنات
اخذي المعجنات الميني وخلي ملوت الخدمه يفترون فيهم

 

[([عطر رومانسي])]

سوالف السكر وماي اللقاح احسها صارت قديمه خلاص والحين كله سكر فرنسي

الشغله الثانيه خلوا المعجنات وورق العنب


كافي عصير فرش وجاي وقهوه وحلو القهوه وبس



والله يقومج بالسلامه ويهون عليج يارب