بنات تكفووون ابي فزعتكم وربي لدعي حق اللي تساعدني

[المزن]

السلام عليكم ورحمه الله وبركاته

وشخباركم ياالغاليات عساكم بخيير ان شاءالله؟

بنات تكفوون طلبتكم ساعدوني واللي تعرف

لا تقصر وربي لدعي لها بظهر الغيب

انا تو ملجه وبصراحه انا ما اعرف اي شي

في الطبخ وانا راح اعيش بشقه فابي

ولا عليكم امر اللي تعرف رقم

وحده تعلم الطبخ ؟وتجي حق البيت لو اربع

او خمس مرات باالشهر لان انا امي مره كبيره الله يشفيها
ةانا اصغر ةحده بين شباب :eh_s(17):وتكفوون ساعدوني ياالغاليات

 

[المزن]

رفع الموضوووووووووووووووووووووع


تكفووون شدعووه ليش يعني حتى ولا وحده ارفعت الموضووع
وينكم بنات

 

[احساسي غريب]

رد : بنات تكفووون ابي فزعتكم وربي لدعي حق اللي تساعدني

اول شي الف مبروك الملجه وعسى ربي يتمم عليج بخير ويوفقج والله يشافي امج ويخليها لكم
بصراحه ماعرف احد بس انا اقولج طريقه ان شاءالله تقدرين تستفيدين منها
استغلي هالفتره اللي هي قبل الزواج واخذي فره بالمنتدات النسائيه سواء بمنتدانا هني او بمنتديات ثانيه وطلعي طبخات سهله وسريعه وجربيها بالبيت وشوفي اللي يضبط معاج اعتمديه عندج وشوي شوي راح تتعملين صدقيني ترى الطبخ مو صعب بس يبيله ممارسه يعني لما تكررين الشي كذا مره راح تتعملين ترى اغلبنا ما كنا نعرف نطبخ وتعملنا من النت ومن الكتب وجربنا شي يضبط وشي ما يضبط لما الحمدلله تعملنا الطبخ

اتمنى اكون افدتج

 

[ABEER FLOWER]

أهلين حبوبه

ألف مبروك الملجه ربي يوفقكم
و يخليلج الوالده

مثل ما قاللتلج الأخت احساسي غريب الطبخ يبيله ممارسه

كل يوم افتحي المنتدى و طلعيلج طبخه المنتدى ماشاء الله عامر بمختلف الأطباق

و كثير من العضوات ما يقصرون يحطون الطريقة بالتفصيل

أي شي تبينه سوي بحث عليه بالمنتدى و إذا عندج استفسار حطيه هناااا بالقسم

أو زوريناااااا في ديوانية طباخات

و إن شاء الله البنات ما بيقصرون :rerrerek:​

 

[عصفورة كويتيات]

حبيبتي دشي قسم المطبخ والطبخ بكل منتدى فية

 

[دنياغريبه]

الله يتمم عليج ويوفقج انا شاطره بالطبخ وماعندي مانع اعلمج اذا حابه شوفي الطريقه الي تناسبج وانا حاضره

 

[bal8es]

مبرووووك حبوبه الله يتمم عليج انشالله

اممم ماتوقع في احد ايي البيت يعلمج

بس في دورات طبخ انتي تروحين لهم

او جربي اطباق من المنتدى

 

[ام عفاف الكويت]

اقولج شي اخذيها مني ياقلبي
اقري من النت وطبقي
وجربي والله جم فتره وتصيرين ولا طباخه
صدقيني كلنا تعلمنا من النت انا اولهم

 

[ام خالد 78]

اي والله ياقلبي انتي علمي روحج بروحج

اشتري كتب طبخ وطبقي مره مرتين وبعدين بتصيرين احسن من منال العالم