بنات تكفوون طمنوني

[engineera_2007]

سلام عليكم

حبيباتي عفيه هدوا بالي وطمنوني !
أنا صارلي أكثر من سنه أحاول أحمل ولمن حملت المره الي طافت طرحت بثاني شهر بدون سبب وقلت الحمدلله على كل حال أكيد خيره ..

الحين توه حللت تحليل منزلي طلعلي حامل بالاسبوع 1-2 .. المشكله وين ؟! المشكله ان انا الحين مسافره بريطانيا صارلي جم يوم .. يعني وأنا حامل كنت أجهز الجناط وسافرت بالطياره وهني كنا نمشي وااايد وألعب مع ولدي يعني كلش كلش مو مراعيه نفسي ..
الحين يوم دريت اني حامل مت قهر وايد خايفه وقاعده أوسوس !
تكفون ساعدوني شنو ممكن أسوي شي يعوض التعب الي تعبته البيبي ؟!

يارب الله يسهل عليي وعلى كل حامل ويرزق كل من تتمنى الحمل ..

 

[Aloe Vera]

ماتقدرين تسوين شي غير مراجعة الدكتورة باقرب وقت عشان التحاليل و الفيتامينات
و خليج ريلاكس و مرتاحة و لاتجهدين روحج
و الله يتمم عليج و يرزقج الذرية الصالحة

 

[جذابه بنت ذيابه]

توكلي علي الله
و استودعي جنينج و ان شاء الله سهالات اهم شي ارتاحي وريحي نفسسسج

 

[Om zayd]

انشالله ماكة الا العافية حاولي ترفيعن ريولج بمخده وتنسدحين
ابتعدي عن الحركه واي اجهاد
وروحي الطبيب جيكي

 

[بدون بس مغتربه]

مبروك الحمل وان شالله ربي يثبته وقرت عينج

 

[Dalo3at Rayli]

اول شي مبروك الحمل ' )
و ديري بالج من الحركه الزايده و امشي شوي شوي ..
و اذا حسيتي بتعب قعدي بمكان و ارتاحي ..

و بالفندق خليج علي طول منسدحه علي ظهرج و رفعي ريولج
لا تشيلين ولدج او الجناط او اي شي ..

و لا تحاتين ان شاء الله ما فيج الا العافيه ,
ربي يتتم حملج و يقر عينج بشوفته يَ ررب :eh_s(17): !


​

 

[أم حسوون]

السلام عليكم ، لا توسوسين حبيبتي دام ما شفتي شي نزل عليج ، فحملج طبيعي بس حاولي ما تمشين مسافات طويله وكثري سوائل وإذا أنت مطوله بسفرتج راجعي دكتورة نساء ، والله يتمم حملج ويرزقج الذرية الصالحة.