بنات تكفون لاتخلوني طلبتكم ............ {{شنو مميزات رياض الاطفال}}

[***بنت الكويت***]

السلام عليكم

بنات تكفون لاتخلوني طلبتكم

بعرف شنو مميزات رياض الاطفال وصج ان معلمة رياض الاطفال كل معاشها يطير على الصف وتزيينه ؟؟

بلليييز ابي كلام صحيح 100% يعني اللي عندها خبر اكيد تجاوب على سؤالي وابي اعرف مميزات وعيوب معلمة رياض الاطفال وشكثر تصرف من جيبها على الروضه ابي اعرف اي شي عن هالمرحله لانها الحين تخصصي ...​

 

[fofowa_q8]

وعليكم السلام

انا نفسج توني تعيين يديد ومن الحين قاعده اقط عالصف بس المعلمه الشاطره

اهي اللي تعرف شلون توفر وتستفيد من المستهلكات الموجوده عندها بالبيت

انا اشوف ان وظيفة معلمة الروضه وايد حلوه صج ان تعب بس داومنا وايد احسن

من باجي المدرسات يعني اخف ووقته اقصر والصف لازم تتعبين عليه اول السنه عشان

ترتاحين بعدين وايدج بايد المعلمه اللي معاج راح تقدرون عاد شدعوه كل معاشج طاير

عالصف لا مو لي هالدرجه في مدرسات الصراحه يبالغون ... وبعدين راح تتعبين اول

سنتين بالتجهيز لان توج ماعندج خبره ولا عندج اغراض بس عقب راح اتيمعين اغراض

وراح تستفيدين منها بالسنين اليايه ان شاء الله .. تجهيز الصف على قولتج الصبغ والنجار

والحواجز والطاولات والكراسي والالعاب كلها من الروضه بس لازم المدرسه طبعا تحط

لمساتها عالصف وتقرقش شويه :dddds: بس مو لي درجة انها تصرف كل معاشها لا عاد

وبعدين ولله الحمد معاشاتنا من اقوى المعاشات وتوهم زايدينا 50 الله يبارك فيهم يارب ..

هذا رايي الشخصي واللي عندها خبره ياليت بعد تفيدنا

 

[***بنت الكويت***]

fofowa_q8 يعطيج العافيه فديج ماقصرتي يالغاليه بس ليش الكل يقول اكثر مرحله تعب اهي الروضه ؟ واهي بالذات اللي المدرسات يتعبون تعب مابعده تعب بنات اللي عندها خبره تكتب بهالموضوع لاتبخلون علي بشي

 

[***بنت الكويت***]

المشاهدات وايد بس محد راضي يشارك بنات اللي عندها شي خلها تفيدنا حتى لو معلومه بسيطه

 

[Om-FahooDy]

والله بصراحه انا بقولج الصج
انا تخصصي علم نفس يعني مالي شغل بالتربيه
و يوم اقبلوني بالروضة استانست و ما كنت ادري شسالفه
بعدين انصدمت بالواقع !!!
المدرسه اول شي مثل ما قلتي تقط على الصف
و اهي مجبورة
لانها اذا ما قطت راح تتحاسب على النقص في درسها او في اركان الصف
و مو كل شي يوفرونه لج الروضه
هذا الكلام اهم يقولونه بس اللي نشوفه شي ثاني
......
المهم الابله اهي اللي تدرس اليهال في فترة الحلقه و اللاصفي و هذا شي طبيعي
بس ما كنت ادري انها اهي اللي تقعد معاهم بالفطور و تبطل لهم الوجبات و العصير !!!
و تراقبهم و هم ياكلون
المهم هم شي مقدور عليه
بالفرصه الابله اهي اللي تراقب اليهال و هم يلعبون
و اذا واحد طاح و الا تعور من الالعاب المكسره اللي حاطينها اهي المسئولة
و الا اذا واحد طقه هم اهي المسئولة
جنه اليهال اللي موجودين 10 عشان تقدر تطالعهم كلهم بوقت واحد
ما يدررون انهم فوق ال 100 !!!
المهم ..
و غيره من البلاوي
مثل ان المدرسه تقعد مع اخر طفل لين امه تتذكر انه بالروضه و تمره عشان تاخذه الساعه 2 و نص
وين قاعدين !!! مافي قوانين احسن من جذي

انا بصراحه صارلي الحين سنه و لايعه جبدي و راح اطلع من التربيه كلها
و الحمدلله ان تخصصي مو تربيه
عشان جذي انصحج تغيرين تخصصج
عالاقل الابتدائي اهون او المتوسط

 

[*أم*خالد*]

تحبين الأطفال ؟

اذا تحبينهم كملي إذا لأ او نص ونص غيري التخصص هذا أول شي واهم شي

ثاني شي عن الصرف المعلمة صراحة تصرف بس تقريبا من 10 إلى 60 دينار شهريا على حسب

الصف مو انتي اللي تسوينه .. انتي اول ماتتعينين اذا حطوج بروضه فيها ابلات كافيات راح تكونين مكملة يعني ماتشترين وتحطين بالصف اللهم بس الامور اللي تساعدج بدرسج وانتي مو مجبوره تحطين الا اذا كنتي طيبه وتبين تعاونين اللي معاج شي ثاني

الدوام متعب ، الشغل متعب ، لكن فيه لذة للي تحب الاطفال وتحب العطاء اما غير جذي بتحس نفسها في جحيم
طبعا الرياض مختلفه فيها الادارات الزينه وفيها الشينه
فيها المعلمات اللي احزاب وكل وحده تحفر حق الثانيه وفيها اللي جنهم خوات

مو اول روضة تطبين فيها عبالج كل الرياض جذي

حلو بدوامنا ساعات الدوام القليلة = لج بريك مدته نص ساعه ومرات ساعه ونص
حلو بدوامنا انه اماكن العمل متغيره ومرنه وتقدرين تخلين روضتج بنفس مكان سكنج وبجذي تتفادين الزحمه والطلعه قبل الموعد بنص ساعه
حلو بدوامنا انه نتعامل مع أطفال صغار
طبعا العطلات نفسها بالتربية كلها بس الرياض تفرق لأن معدل الغياب مرتفع

عموما يقولون بيسوون منهج جديد وقريبا سينزل في الاسواق شكثر الله العالم

انتي مستعده تشتغلين وتحللين معاشج ولا تبين شغل مكاتب وريل على ريل ؟
الابتدائي والمتوسط فرق بينا وبينهم ساعات الدوام ، الفئة العمرية اللي يدرسونها ، كشوف الدرجات والشهادات
واذا على الصرف فـ اهوا موجود بكل مكان بالتربية اعتقد بس مدرسة البدنية اللي ماتصرف لوول

بس شوفي دامج بالروضة حياتج كلها بتدور حول الروضة .. أي شي تشوفينه بره تفكرين بالروضة وتقولين هذا ممكن استخدمه بدرسي او اركاني
انتي تتبرمجين بدون لا تحسين وتحسين انه هالشي منافسه شريفه بينج وبين زميلاتج تبين تكونين بالصورة الافضل

اي نسيت اقولج .. العيب عندنا انه المدرسة ما تترقى الا عقب 10 إلى 15 سنه عشان تكون مشرفة
اي حده ويع بس شنسوي

ما انصحج بالروضة ولا انصحج تخلين الروضة

انتي شوفي شنو تبين سويه

 

[أعترفلك]

والله بصراحه انا بقولج الصج
انا تخصصي علم نفس يعني مالي شغل بالتربيه
و يوم اقبلوني بالروضة استانست و ما كنت ادري شسالفه
بعدين انصدمت بالواقع !!!
المدرسه اول شي مثل ما قلتي تقط على الصف
و اهي مجبورة
لانها اذا ما قطت راح تتحاسب على النقص في درسها او في اركان الصف
و مو كل شي يوفرونه لج الروضه
هذا الكلام اهم يقولونه بس اللي نشوفه شي ثاني
......
المهم الابله اهي اللي تدرس اليهال في فترة الحلقه و اللاصفي و هذا شي طبيعي
بس ما كنت ادري انها اهي اللي تقعد معاهم بالفطور و تبطل لهم الوجبات و العصير !!!
و تراقبهم و هم ياكلون
المهم هم شي مقدور عليه
بالفرصه الابله اهي اللي تراقب اليهال و هم يلعبون
و اذا واحد طاح و الا تعور من الالعاب المكسره اللي حاطينها اهي المسئولة
و الا اذا واحد طقه هم اهي المسئولة
جنه اليهال اللي موجودين 10 عشان تقدر تطالعهم كلهم بوقت واحد
ما يدررون انهم فوق ال 100 !!!
المهم ..
و غيره من البلاوي
مثل ان المدرسه تقعد مع اخر طفل لين امه تتذكر انه بالروضه و تمره عشان تاخذه الساعه 2 و نص
وين قاعدين !!! مافي قوانين احسن من جذي

انا بصراحه صارلي الحين سنه و لايعه جبدي و راح اطلع من التربيه كلها
و الحمدلله ان تخصصي مو تربيه
عشان جذي انصحج تغيرين تخصصج
عالاقل الابتدائي اهون او المتوسط

:icon30::icon30::icon30::icon30::s142:

 

[fofowa_q8]

انا بفهم شفيها اذا الابله بطلت الوجبه حق الطفل ولا راقبته واهو يلعب !!!

واصلا هالشي بدون لا يكون مفروض او واجب عليج انتي من نفسج قلبج يعورج على عيالج وتحبينهم جنهم صج عيالج

المفروض الوحده تكون عارفه كل هالاشياء قبل لا تختار تخصصها وتكون صج حابه اليهال

وهالشغله اولا واخيرا شغله فيها اجر وتحسين انج صج قاعده تعطين اذا كنتي تشتغلين بضمير

انا شايفه انه اخف وايد وايد من المدارس الثانيه اللي اهي الابتدائي او المتوسط ولو بتحسبين

الفتره اللي كل يوم انتي ادرسينها للاطفال ماتتعدى الساعه ونص بالكثير !!!

مادري انا هذي وجهة نظري و اذا انتي من البدايه مو مرتاحه من شغلج ولا تحبين اليهال

انصحج من الحين لاتكملين لان هالشغله لازم تحبينها عشان تقدرين عليها ..

وحطي ابالج ان كل مكان وكل وظيفه فيها الزين والشين وماكو شي كامل

 

[قهوه وشاهي]

أذا كان هذا تخصصك فلاحول ولاقوة

يالغالية الأطفال أحباب الله لما تشوفين قلوبهم الطاهره

وعفويتهم تنسين همومك لكن للأسف معلمة الروضه

تكلف بأمور أكثر من طاقتها دائما تعيشين صراع في داخلك

وتأنيب ضمير لتقصيرك في بيتك وأولادك على حساب عملك

فطلباتهم لاتنتهي حتى ينتهي العام

وأكثر مساوئها أنك مسائله من الوكيله الناظرة المشرفه الموجهه

المراقبة الكل له كلمة عليج يامرون وينهون وليس لك سلطة بالفصل

أهوائهم الشخصية دائما هي التي تحكمهم لايلتفتون لأي ناحية أنسانية

مابي أنكد عليج

لكن ممكن تعملين بضمير وتخلصين عملك لله وحده وبكلمة يذهب

كل عملك هباء منثور بتسألين ليش

ليش !! في أي روضه ناس مهنتها تهد جبال تهد الهمم

وتخليج تمشين تكلمين روحج ليش !! شحقه !! شصاير !! ماتدرين !!

ويستكثرون عليج حتى كلمة شكر ليش !! شحقه !! شصاير !! ماتدرين !!

هذا عالم رياض الأطفال بأختصار

 

[***بنت الكويت***]

والله بصراحه انا بقولج الصج
انا تخصصي علم نفس يعني مالي شغل بالتربيه
و يوم اقبلوني بالروضة استانست و ما كنت ادري شسالفه
بعدين انصدمت بالواقع !!!
المدرسه اول شي مثل ما قلتي تقط على الصف
و اهي مجبورة
لانها اذا ما قطت راح تتحاسب على النقص في درسها او في اركان الصف
و مو كل شي يوفرونه لج الروضه
هذا الكلام اهم يقولونه بس اللي نشوفه شي ثاني
......
المهم الابله اهي اللي تدرس اليهال في فترة الحلقه و اللاصفي و هذا شي طبيعي
بس ما كنت ادري انها اهي اللي تقعد معاهم بالفطور و تبطل لهم الوجبات و العصير !!!
و تراقبهم و هم ياكلون
المهم هم شي مقدور عليه
بالفرصه الابله اهي اللي تراقب اليهال و هم يلعبون
و اذا واحد طاح و الا تعور من الالعاب المكسره اللي حاطينها اهي المسئولة
و الا اذا واحد طقه هم اهي المسئولة
جنه اليهال اللي موجودين 10 عشان تقدر تطالعهم كلهم بوقت واحد
ما يدررون انهم فوق ال 100 !!!
المهم ..
و غيره من البلاوي
مثل ان المدرسه تقعد مع اخر طفل لين امه تتذكر انه بالروضه و تمره عشان تاخذه الساعه 2 و نص
وين قاعدين !!! مافي قوانين احسن من جذي

انا بصراحه صارلي الحين سنه و لايعه جبدي و راح اطلع من التربيه كلها
و الحمدلله ان تخصصي مو تربيه
عشان جذي انصحج تغيرين تخصصج
عالاقل الابتدائي اهون او المتوسط

مشكوره ام فهودي بارك الله فيج على الرد الصريح وانا هذا اللي ابيه ،، مادري شسوي مالي غير الدعاء وان شالله اقدر اغير التخصص لان صارلي سنه ونص داخله بهالتخصص مادري اذا في مجال اغير ولالا والله كريم ان شالله حياج الله اختي ومشكوره على الرد ​

 

[***بنت الكويت***]

تحبين الأطفال ؟

اذا تحبينهم كملي إذا لأ او نص ونص غيري التخصص هذا أول شي واهم شي

ثاني شي عن الصرف المعلمة صراحة تصرف بس تقريبا من 10 إلى 60 دينار شهريا على حسب

الصف مو انتي اللي تسوينه .. انتي اول ماتتعينين اذا حطوج بروضه فيها ابلات كافيات راح تكونين مكملة يعني ماتشترين وتحطين بالصف اللهم بس الامور اللي تساعدج بدرسج وانتي مو مجبوره تحطين الا اذا كنتي طيبه وتبين تعاونين اللي معاج شي ثاني

الدوام متعب ، الشغل متعب ، لكن فيه لذة للي تحب الاطفال وتحب العطاء اما غير جذي بتحس نفسها في جحيم
طبعا الرياض مختلفه فيها الادارات الزينه وفيها الشينه
فيها المعلمات اللي احزاب وكل وحده تحفر حق الثانيه وفيها اللي جنهم خوات

مو اول روضة تطبين فيها عبالج كل الرياض جذي

حلو بدوامنا ساعات الدوام القليلة = لج بريك مدته نص ساعه ومرات ساعه ونص
حلو بدوامنا انه اماكن العمل متغيره ومرنه وتقدرين تخلين روضتج بنفس مكان سكنج وبجذي تتفادين الزحمه والطلعه قبل الموعد بنص ساعه
حلو بدوامنا انه نتعامل مع أطفال صغار
طبعا العطلات نفسها بالتربية كلها بس الرياض تفرق لأن معدل الغياب مرتفع

عموما يقولون بيسوون منهج جديد وقريبا سينزل في الاسواق شكثر الله العالم

انتي مستعده تشتغلين وتحللين معاشج ولا تبين شغل مكاتب وريل على ريل ؟
الابتدائي والمتوسط فرق بينا وبينهم ساعات الدوام ، الفئة العمرية اللي يدرسونها ، كشوف الدرجات والشهادات
واذا على الصرف فـ اهوا موجود بكل مكان بالتربية اعتقد بس مدرسة البدنية اللي ماتصرف لوول

بس شوفي دامج بالروضة حياتج كلها بتدور حول الروضة .. أي شي تشوفينه بره تفكرين بالروضة وتقولين هذا ممكن استخدمه بدرسي او اركاني
انتي تتبرمجين بدون لا تحسين وتحسين انه هالشي منافسه شريفه بينج وبين زميلاتج تبين تكونين بالصورة الافضل

اي نسيت اقولج .. العيب عندنا انه المدرسة ما تترقى الا عقب 10 إلى 15 سنه عشان تكون مشرفة
اي حده ويع بس شنسوي

ما انصحج بالروضة ولا انصحج تخلين الروضة

انتي شوفي شنو تبين سويه

حياج الله ام مناف بيني وبينج عادي الاطفال يعني ماحبهم حيل اهمه عاديين عندي بس مرات اتنرفز منهم مادري شسوي

مزعجين انا مادري شلون انقردت ودخلت هالتخصص وان شالله اقدر اغيره من بعد السنه ونص اللي درستهم حياج الله شاكره مرورج اللي افادني​

​

 

[***بنت الكويت***]

انا شايفه انه اخف وايد وايد من المدارس الثانيه اللي اهي الابتدائي او المتوسط ولو بتحسبين

الفتره اللي كل يوم انتي ادرسينها للاطفال ماتتعدى الساعه ونص بالكثير !!!

معقوله ؟؟ خمس ساعات معاهم ما ادرسهم الا ساعه ونص اي بس طول اليوم معاهم واراقبهم مافارقهم ولادقيقه ههههههههه

يعني ماخذين كل وقتي حياج الله fofowa_q8 ​

 

[***بنت الكويت***]

أذا كان هذا تخصصك فلاحول ولاقوة

يالغالية الأطفال أحباب الله لما تشوفين قلوبهم الطاهره

وعفويتهم تنسين همومك لكن للأسف معلمة الروضه

تكلف بأمور أكثر من طاقتها دائما تعيشين صراع في داخلك

وتأنيب ضمير لتقصيرك في بيتك وأولادك على حساب عملك

فطلباتهم لاتنتهي حتى ينتهي العام

وأكثر مساوئها أنك مسائله من الوكيله الناظرة المشرفه الموجهه

المراقبة الكل له كلمة عليج يامرون وينهون وليس لك سلطة بالفصل

أهوائهم الشخصية دائما هي التي تحكمهم لايلتفتون لأي ناحية أنسانية

مابي أنكد عليج

لكن ممكن تعملين بضمير وتخلصين عملك لله وحده وبكلمة يذهب

كل عملك هباء منثور بتسألين ليش

ليش !! في أي روضه ناس مهنتها تهد جبال تهد الهمم

وتخليج تمشين تكلمين روحج ليش !! شحقه !! شصاير !! ماتدرين !!

ويستكثرون عليج حتى كلمة شكر ليش !! شحقه !! شصاير !! ماتدرين !!

هذا عالم رياض الأطفال بأختصار

هههههههههههههه خلاص صار فيني احباط من هالتخصص ان شالله يارب اقدر اغيره وينكم عني من زمان ليش مانصحتوني

حياج الله قهوه وشاهي مشكوره على مرورج المفيد الصراحه افادني بوايد اشياء​