بنات تكفون شنو ذنبي

[صديقتك ياليل]

:bbbiu:مرحبا حبيت يكون لي موضوع مستغل وابي رايكم يا خواتي انا تطلقت من 5 سنوات واللحين عمري 26 سنه وعايشه الحمدلله بخير ونعمه بس ليش للي حولي يققولون لي خلاص انتي كبرتي ولا عاد احد يلتفت لج لو اقولكم حتى العطر لا حطيته خوووووواتي يقولون ليش لمنو؟؟؟؟؟ يعني شنو امووت ابي راايكم والله اللي بقلبي اكثر بس مابي ادوخكم معاي

 

[شادن33]

سكتيهم وقولي حق نفسي
وماعليج بعدج صغيره وعسى الله يرزقج
دلعي نفسح ياعسسسسل

 

[غربه الروح]

اشدعوه 25 وكبرتي توج بعز شبابج وحيويتج

 

[$$king moon$$]

اشدعوا توج كتكوته وبعدين قوليلهم حق نفسي لازم احط حق غيري يعني
ودلعي نفسج والعمر جدامج

 

[سمر شمر]

توج سم الله عليج شنوو كبرتي ؟؟

خرعتيني انتي اكبر مني بسنه خخخخخ

المهم

ماعليج منهم اكيد خواتج مراهقات وطويلات لسان

 

[ريكاتو]

من صجهم لا تسمعين كلامهم يعني اللي يتطلق ما يتعطر مو ناقص الا يقولوج بعد لا تسبحين حق منو السبوح
وتوج صغيره فيه ناس مطلقين وبالاربعينات وتزوجو وين المشكلهالزواج نصيب لا تعقدون المسأله
كا رفيجتي عمرها 29 تطلقت وعندها يهال2 وماشالله يا نصيبها قبل لا تدور عليها سنه من طلاقها
الله يهديهم

 

[ياغفور اغفر لي]

حبيبتي اللي بعمرج للحين ماتزوجوا
توج صغيرة عيشي حياتج دام مو مغضبه ربج واللي يقول لج شي قولي لنفسي

 

[AL-DMERA]

مالج شغل بس جذي يتحرشون كلام وينقال مو شرط قصدهم شي ,,
ضحكي واستانسي وفرفشي وقولي حاطته حق نفسي ,,
وتوج صغيره شدعوه ,,
الله يرزقج بالزوج اللي يدلعج وتتعطرين له ان شاء الله ,,

 

[نونه المنكوشه]

مشكله انه الناس اذا شافوا الوحده تكشخ وله شى لازم يحطون بالهم حق منووو انا دايم اقول الوحده سواء عندها ريل وله ماعندها تكشخ وتلبس وكل شى اتسويه حق نفسها موضرورى يكون فى ريال يعنى شنو الوحده تهتول بنفسها وتخلى كشتها طايره علشان يرتاحون حبيبتى دايم فهميهم هالشى علشان نفسى وتونى بعز شبابى ليش ادفن نفسى وموذنبى انه ماتوفقت بزواجى هذا نصيب وماراح اوقف حياتى علشان انى تطلقت بعيشها وبدلع عمرى

 

[شيهانه بحريه]

حبيبتي ماعليج منهم كاني انا عمري 30 وبعدي مادخلت دنيا:bbbiu:
ساعات تصك فيني ويضيق خلقي :eh_s(2):
بس دايم اقول باجر احلى :yaaaaaarb:
والحمدلله مو ناقصني شي بس حكمت ربي مالنا عليها اعتراض:eh_s(15):
انتي بعدج صغيره والعمر جدامج وبيجيج اللي فيه خير بس كثري من الاستغفار والدعاء والله يفرج همج وهمي وهم كل وحده يارب..:eh_s(9): وعيشششششششي حياتج ماعليج من احد ..

 

[قموشه21]

يبا ماعليج منهم خو لازم حق احد .. صبغي شعرج وقصيه واستانسي .. بعد لازم تسوين هالشغلات حق احد ماكو اهتمام بالمظهر

مالج شغل فيهم قولي لهم لنفسسسي بدلعهااا ويحق لها تدلع.:.

صراحه تحطيــــــــــــم

 

[ام كوثر2007]

مع الاسف هذا مجتمعنا الفاشل ..

انه للحين ينظر للمطلقه انها شي شاذ ومو من حقه يعيش وتحرم عليه الوناسه والترفيه عن النفس ..


عسى الله يرزقج ان شاءالله بالزوج اللى يفكج من تحكمات اللى يسوا واللى ما يسوا ..


موفقه حبيبتي .

 

[sosowaty]

الله يهديهم وصلت فيهم للعطر ؟؟

 

[أم فـرح الحلوه]

من صجهم لا تسمعين كلامهم يعني اللي يتطلق ما يتعطر مو ناقص الا يقولوج بعد لا تسبحين حق منو السبوح
وتوج صغيره فيه ناس مطلقين وبالاربعينات وتزوجو وين المشكلهالزواج نصيب لا تعقدون المسأله
كا رفيجتي عمرها 29 تطلقت وعندها يهال2 وماشالله يا نصيبها قبل لا تدور عليها سنه من طلاقها
الله يهديهم

نفس اللي بقوله اعرف وحده من اهل امي تطلقت عمرها 18 وتزوجت عمرها 40 ولما صار عمرها 49 ماشاء الله عندها 8 والنصيب بيجيج ياقلبي وهذا ابتلاء وخواتج حركاتهن عمات عين وحظ انا والله مااحط عطر وموحييل اكشخ بس امي وراي تكشخي البسي سوي هو من شخص لشخص والطلاق مو نهاية الحياه وانتي ماعليج من خواتج اهتمي بجسمج وبشرتج ودلعي عمرج خلي كل من يشوفج يقولون مالت ع فلان يوم طلقها ودلعي نفسج وتونسي ترى الايام تمشي واللي يروح مايرد والهم موجود ومحد مرتاح وبس<<<مابغيتي.. ​

 

[om.googi]

لو بتسمعين مسلسل ( لسـان المجتمع ) راح تفنقشين مبجر ,, ههههههه اسم الله عليج ,,

بس بقولج شي :

الزواج والموت ماله عمر ,, عيشي باجي دنياج ..​

 

[أم ريم]

حبيبتي المشكله ان في ناس يقطون الحجي بدون ما يثمنونه يعني شنو خلاص الدنيا وقفت عندج مثلا و تروحين تذبحين نفسج علشان يرتاحون
لا والله عيشي الدنيا بطولها و بعرضها و انتي ترى توج صغيره في غيرج اكبر منج بسنين و عاشين جنهم امهات 17 سنه و إذا اسالوج حق منو تتعطرين او تتكشخين قولي حق نفسي و مالج شغل باحد

 

[Môre N!Ce]

والله توّج صغيرة .. شنو يعني الواحد ما يهتم بنفسه إلا لـ الرجل :\

ما أدري شلون تفكير بعض الناس ..

لا يهمونج

 

[برتقالي]

26 سنه كبيره ؟؟ انتي بعز شبابج اصلا حطيها براسج 26 سنه عيوز يعني ؟

 

[ياسمينا12]

اممممم انا اقول لا تزعلين ولا تتضايقين

يمكن يتغشمرون

يعني انا اختي عمرهاا ١٦ سنه لي شفتها كااشخه اتحرش فيها اقولها هااا لمنوو !
علئ العلم اهيا مو متزوجه اصلا توها بالثانويه

يعني غشمرره لا تحطينها بقلبج

واذا متطلقه هذا مايعني تهملين نفسج
لان توقعي اي احد يطق بابكم عن قريب > جذي خلي نظريتج

وروحي اهتمي بشعرج و جسمج و رشاقتج و براممج وكورسات عنايه وتعطري وتمكيجي و لبسي وروحي و ردي يعني دلعي عمررج ترا مو شرط كل هالشغل لاحد

وقوليلهم لنفسي و يحقلي وتوني شباب وبدلع


والعمر كله اصلا عمرج احلا عمررر ( ٢٠-٣٥ ) هذا احلا سنين العمرر المفروض

 

[منال $]

والله مابعرف متى راح تتغير نظرة الاهل والمجتمع للبنت المطلقة
حبيتي والله ولا على بالك اتعطري واهتمي بنفسك شو 26 سنة في ناس قدك ولليوم ماتزوجو!
وانشالله يجيكي واحد تاني ابن حلال