بنات تكفون ساعدوني

[الغلا مشاري]

السلام عليكم......
بدش بالموضوع ع طول��
انا ولدة شهر10 وماتنفسة عدل لعبت بعمري وعقب النفاس ماهتميت بخت النفاس
جتني 4 ايام وقطعت والدوره الي بعدها كبت معاي حييل ال درجت اني عبال اجهاض ورحت سويت سونار قالي الدكتور في دم جامد ف الرحم وعطاني حبوب توقف النزيف واستمر عليهم لي ما اخلصهم وقطعة الحبوب ونزلت يومين بس وجم نقطه بس ومن بعدها مانزل شي معاي ومن تاريخ2/7 ولي اليوم مانزل شي بس اعراض الدوره اذبحتني ويابسه بطني ورحمي خربان من هوا وماي �� وبلاوي سوده
مع اعلم اني ما اكل حبوب مانع ولا مسويه مناعه

 

[Omsaad90]

حبيبتي لازم تاكلين ادويه ونصيحه من اخت لج انا ياني خراب وربي عالجت عند ام فيصل اللي في جابر العلي واستمريت ع علاجها كم شهر والحمدلله أموري كلها زينه

 

[الغلا مشاري]

انا بروح ان شاءالله عند مرا بعالج عندها بس لازم اتيني الدوره ولا عادي

 

[يستفزني غلاك]

روحي لام فيصل موشرط عليج الدوره وقوليلها حالتج حيل زينه هي

 

[نوفآ]

اشربي مردود مع حليب
وحطي مع الحليب فلفل ابيض ماش و زنجبيل
لازم تعالجين عمرج باسرع وقت عشان هالدم المتجمد ما يسبب لج امراض سرطانيه بعيد الشر عنج
و اشربي دوا الغوري
يوميا لما يرد رحمج طبيعي
و عشان زوجج ما يشووف غيرج تلاحقي على عمرج

 

[glby7sas]

انا مع البنات روحي لام فيصل اللي بجابر العلي او ام عايد اللي برقه انا ماجربتهم للامانه بس ماشاءالله الكل يمدح فيهم حيل دشي عند تأخر الانجاب وشوفي تجمع ام فيصل وام عايد ماشاءالله البنات وايد يمدحون ادويتهم وعلاجهم

 

[عليك توكلت]

انتي قلتي ما نزلت الدوره متى موعد دورتج ممكن تكونين حامل لانج قلتي ماتاخذين حبوب مانع ولا مناعه طبيعية فحتمال تكونين حامل
من من رايي إنج تنطرين الدوره تنزل عقب روحي للحريم اللي ايعالجون الخراب


وللعلم وحده من اهلنا يالها عقب ولادتها مثل اللي يالج وانصحوها العيايز انه أتحمل وتنفس عدل بالنفاس لانه مايصلح الخلاب الا النفاس
والله اعلم وان شالله البنات يعطونج معلومات وتجارب اكثر

 

[الغلا مشاري]

جزاكم الله خير
انا مسويه سونار داخلي وقالي الرحم في دم اسود يعني قديم وقالي ماتحملين الا لمن ينضف رحمج
وعطاني حبوب توقف الدم وقطعهم وقت دورتي ومن قطعتهم ما نزل الاجم قطرة دم ومن عقبها مانزل شي من الشهر الي فات ٧ /٢ / ٢٠٠١٤
وذابحني المقص انا اقول لانضف رحمي من الدم يروح الخراب يمكن!!

 

[نـور الكويت]

اكلي الرشاد ينظف الرحم ..

ونفسي عمرج من ادوية نفاس وتبخري ..

واشربي اعشاب زنجبيل ولا ميراميه وزعتر

او بالحواج في اعشاب النفاس اشربيها

 

[الغلا مشاري]

ماخليت شي ما سويته والله كريم

 

[مــتــنــحــة]

اول شي حللي تحليل هرموني

بعدين عاد عابلي بنفسج ويفضل تروحين لام فيصل

 

[الغلا مشاري]

طلعت حامل انصدمت ولي شهرين
اللهم لك الحمد

 

[ملح الكون]

ماشاء الله الله يتمم عليج يارب .. وبهالنفاس اهتمي باكلج وبلبسج لا يدخلج هوا ..