بنات تكفون ساعدوني

[غسق الليل*_*]

انا صارلي سنة متزوجة وما اعرف اطبخ وريلي متضايق من هالشغلة يعني اليوم طبخت الدياي انقط لان مو مستوي وذيك المرة العيش لين ومرة العيش حب وهذي قصتي انا ابي شرح واافي في الطبخات ابي اشكثر احط ماي حق العيش اشكثر ننطر على الدياي ابي مجابيس وهالسوالف وتكفوووون ساعدوني

 

[3aicha]

chtari kotob tabgh wet3alami

 

[قطوووة]

ماكو احد دش المطبخ وبدا من اول مرة

انا تقريبا قعدت سنه اطقطق واخربط واخرب واحرق عادي ههههههههههه

شوي شوي تتعلمين

انصحج تتابعين فتافيت وتقرين وصفات وتدورين وتجربين

مرة على مرة تكسبين خبرة

واستفيدي من اهلج اللي معرروفين بطباخهم وجذي

 

[بحر الذكريات]

سوي برووفات لين يضبط طبخج

العيش لاسويتيه خلي الماي حده حده يغطيه واذا خايفه مايضبط اذا شفتيه نص مستوي كبيه بالمشخال ويصير عيش مشخول نثري

والدجاج اذا سلقتيه خليه نص ساعه او ساعه الا ربع اذا يحتاج

 

[قموووره]

شوفي قبل كلنا مثلج بس احسن طريقه تتعلمين فيها يكون احد يطبخ وتدخلين معاه المطبخ وتشوفين بعينج والله احسن من الوصف
واذا تبين عالوصف اخذي من هالكتب ولا قسم المطبخ هنيه كل شي موجود بس والله انصحج تدخلين المطبخ مع امج ولا خالتج ولا اختج اي احد قريب وتطبخين جدامها احسن

 

[مها يعقوب]

حوبي الدياي طلعيه بالليل
وطبخيه الدياي مع بهرات ساعه كامله لا اكثر ولا اقل
نص ساعه بالبهارات ونص ساعه ثانيه حطي قفشه ملح

والعيش غسليه ومجرد تقطين العيش بماي الدياي
وبعدين حطيه علي نار هاديه وقصري عليه

 

[جارة القمر]

ماشاء الله البنات ما قصروا