بنات تكفون دشو ساعدوني

[أسوول]

السلام عليكم

بنات بدش بالموضوع ع طول
انا كنت اكلم واحد ورفيجتي تدري ان مماعمره شافني طول ال3 سنين ولاغلطت بصور او شئ
بس مرة من المرات قلت بيشوفني من بعيد
وشافني
ورفيجتي تدري عن كل شئ
وقلت لها انا اول مايملج علي برتاح مابي اكلم لاني متضايقه حيييييييييل
وخطبتني لاخوها وملج علي وسألتني اذا لليلحين اكلمه ام لا
وقللتلها لا
وخايفه بعد العرس تسوي لي شئ
وعلى فكرة هي متزوجة وتكلم بس الحين تركت لانها حامل
تكفووون شالحل بوجهة نظركم شسوي؟

 

[ms mooka]

امممممممممممم

خلآص بينيلهآ وقوليلهآ انه انج تبتي من هالسواالف ولآ تكلمين خلي اهتمامج كله حق ريلج
وانسييه وحآولي مـآتضآيقينهآ والله يوفقج


دعوآتكم الله يرزق اختي الزوج الصآلح

 

[Cander]

هههههههههههه

قولي لها اكلم

واذا بتسنعين سنعي روج اول


مصخرة

 

[أسوول]

رد : بنات تكفون دشو ساعدوني

بس انا صج تبت وهي عووووبه
اخاااااااااااف انها تضغط علي بشئ وتقول لزوجي

....

مشكورة ياروحي والله يرزق اختج يارب بالرجال الصالح ويسعدها ويحقق كل اللي ببالها

 

[أسوول]

رد : بنات تكفون دشو ساعدوني

cander
عن جد ليت عندي شجاعتج
بصراحه هي عوبة ومااقدر
اذا تكلمت هي ماراح تتضرر
لان اخوها

 

[عذآب إلـ أنآ]

مآشآءالله بدآل ماتروح تخطب لاخوها بنت سنعه رآحت خذت لآخوها وحده مثل خرآبيطها
ياسلام علا بنآت هالايام ،
الموضوع مايبيله ، اذا تكلمت انتي بعد تكلمي !
ثنتينكم ماعندكم حيآ ولآ مستحيا فـ ماكو مشكله ثنتينكم تعلمون علا بعض

 

[أسوول]

رد : بنات تكفون دشو ساعدوني

عذاب ال انا

مشكووورة ع النصيحة

 

[مٍلإيٍـٍـٍنّ<~]

رد : بنات تكفون دشو ساعدوني

الله يعينج ويفرج همج مالج الا الدعاء والاستغفار

 

[ikilled barbie]

رد : بنات تكفون دشو ساعدوني

لاتخافين الا من ربج ولله يسيرررر امورج ويستر عليج:yaaaaaarb:

 

[ladyQ814]

مآشآءالله بدآل ماتروح تخطب لاخوها بنت سنعه رآحت خذت لآخوها وحده مثل خرآبيطها
ياسلام علا بنآت هالايام ،
الموضوع مايبيله ، اذا تكلمت انتي بعد تكلمي !
ثنتينكم ماعندكم حيآ ولآ مستحيا فـ ماكو مشكله ثنتينكم تعلمون علا بعض

امبيـــه اسلوب سوقي شنو اثنيناتكم ماعندكم حيااا ولامستحااا :eh_s(10):
في اسلوب حضاااري ارقى من جذي
بعدين حبيبتي اهي ماسوت شي كلمت وااحد حبته ماشااافته الا من بعيـــد
وانشاااءالله ماراح تكلمه واهي على ذمة واحد ثااااني بتقدر الوضع

صاااحبة الموضوع
ماعليج حبيبتي لاتكلمينه ووفكري بروحج وفبيتج اهو لويبيج تقدملج من الاول
وفكري بالانسان اللي متزوجج شذنبه حراااام
وتقبلي مروري

 

[Om Fras]

رد : بنات تكفون دشو ساعدوني

والله اذا اهي تبي تقول حق زوجج و تهددج قوليلها انا على الاقل قطعت و ما اكلم بعد الزواج

انتي متزوجة و تخونين ريلج و فيج خير بس تبطلين حلجج لانج لو خربتي بيتي بخرب بيتج

بس مايبيلها شي مدام اهي قاعدة تسوي الغلط و انتي لا لا تخافين

بعدين الحين اهي تخون ريلها و ما ترضا على اخوها حلوة هذي

 

[Esraa.a]

رد : بنات تكفون دشو ساعدوني

لااااا تشيلين هم .. ما أعتقد راح تتكلم


وداماهي راعية هالسوالف شي أكييييييييييييييييييد ما راح تتكلم


ولو انها شايفه عليج شي غلط جان من الأساس ما خطبتج حق أخوها





استغفر الله الذي لا إله إلا هو الحي القيوم وأتوب إليه
عدد ما كان وعدد ما يكون وعدد الحركات والسكون

 

[شندوخه]

رد : بنات تكفون دشو ساعدوني

عاهدي ربج وعاهدي نفسج أنج تخلين هالسوالف البطاله اولا لانها حرام وثاني شي انتي تزوجتي
ومالج شغل برفيجتج لج شغل بنفسج وبس والله يوفقج ان شاءالله ويهديج وينور بصيرتج

 

[dr-faith]

رد : بنات تكفون دشو ساعدوني

استغفر الله

مادري شفيهم البنات هالايام
انهبلوا وقعدوا
ما تستحون من ربكم تكلمون شباب !!!>>>يمكن اني البنت الوحيده بالكويت اللي مااكلم !!

ليش الامل عندكم طويييييييييل
ما جنه وراكم قبر و حساب
ولا حطيتوا للشرف اعتبار
الله يهديكم


ورفيجتج مالقت غيرج حق اخوها !!! ((( صراحه ونعم الاختيار :eh_s(4):

دامج تبتي نصحي انصحيها تعقل اخاف لا ولدت ترد تكلم


والله يهديكم

 

[* بنت المطر *]

يعني اخطبتج لاخوها واهيا تعرف سوالفج ؟؟ صراحه رفيجتج ياانها طيبه وع نياتها او خبيثه ولها هدف من هالزواج

ماراح تعايرج اذا ماامسكت عليج شي وان تكلمت بالماضي قوليلها ع الاقل انا ماكنت ع ذمت اخوج كنت حرة نفسي

احسن منج ع ذمة ريال وخاينته وانا حاطه زوجي بعيوني واحبه << طبعا هالكلام ان احتدت الامور لاسمح الله

بس اهم شي لاتمسك عليج شي وصدقيني انا حاسه انها طيبه وساذجه والا جان دورت لاخوها وحده ثانيه

والله يوفقج ويستر عليج وعلينا بستره :yaaaaaarb:

 

[__LV__]

رد : بنات تكفون دشو ساعدوني

امبي استغفرلله الناااااااس صايره تخرع بهالزمن الحين رفيجتج متزوجه و حامل وتكلم بعد :rgewrg:

استغفرلله

بس حبيبتي ان فضحتج لا تسكتين فضحيها بعدعامليها بالمثل عشان تخاف منج وتسكت :rerrerek:

 

[متى بتعود]

رد : بنات تكفون دشو ساعدوني

الله يستر عليج ان شالله اذا كنتي تايبه صج
وهي ماراح تكلم بشي لانها هي نفسج وازود وماعتقد انها بتفتح على نفسها باب اهي بغنى عنه
وادعي ربج هو الستار ولايهمج تهديداااتها اذا ماعنده دليل على جذي يعني لاسمح اله وصار شي نكري الموضوع بكل سهوله


الله يستر على :yaaaaaarb:بنات المسلمين ويهديهم يارب

 

[shams2008]

بنات بشويش عليها ليش جذي اهي كانت تكلم واحد وتحبه ويحبها والحمدلله لاطلعت وياه ولا خربطت
ياما بنات تزوجو عن حب انا مااشجع هالسوالف بس موحلو هالاسلوب
الله يستر عليج يارب ويهنيج
وحماتج نصحيها لاتخون ريلها وخوفيها من الله
الله يهدي الجميع

 

[Tutti-Frutti]

رد : بنات تكفون دشو ساعدوني



الله يهديها
انشالله ماتسوي شي
مهما كان هذا اخوها وماعتقد فيه احد وده يخرب بيت اخوه

الله يهدي الجميع

 

[على الطيب تربيت]

رد : بنات تكفون دشو ساعدوني

ماشاء الله بعض الردود درر ( أقول انصحوا عدل واحمدوا ربكم ع الستر بلا شماته وغلط البنت تبي معونتكم ومشورتكم )

بالنسبه لج حبووووبه الأمر عادي لاتخافين توبي إلى ربج وادعي بكل صلانج إن يستر عليج ويهديج هدايه من عنده ويفكج من كل الشرور

وبعدها لاتزوجتي اخلصي لزوجج وماعليج منها وزوجج راح يشوف منج السنع والطيب والأخلاق لو صار ماصار مايصدق فيج أبد وأن تكلمت بيحسبون أنها كذابه أو مبتليه واكبر دليل أختيارها لج لخوهاااا


وهي ان جتج وقالت انها مازالت تكلم انصحيهااا وبس ولاتحاولين تطلعين معها وتسترين عليها

وان راسلتج مسجات بخصوص العلاقة السابقه لاتردين عشان يمكن تبي تحتفظ بالمسجات وتطلعها بعدين

وان كلمتج بالعلاقه بالنقال لاتحاولين تردين يمكن تكون مبطله سبيكر

عالعموم انا استاذه اسريه ومتعوده ع السوالف هذي ومرت علي واجد من هالحالات

لاتحاتين بس وكلي امرج لله وتوبي وعسى الله يوفقكم لبعض