بنات تفضلو بليز موقف ماتخيلتة يصير لي

[انا بطة]

السلام عليكم بنات حبيت اقولكم اهيا مو مشكلة اهوه شي في قلبي و حبيت افضفض ... ايام الجامعة كان في شاب يعجبني بصراحة طبعا في قلبي ولا قلت حق احد المهم مع الايام صدقتي كانت خطيبة صديقة المهم قالها لانه ذي الشاب قالة انه يحبني و حب صجي و من هل الحجي طبعا صديقتي قالت لي الحجي و اهيا ماتدري لاني احبة طبعا في قلبي طرت لكن خليته في قلبي عقب فترة خطيب صديقتي يقول صديقتج اللي اهيا انا شلون اخلاقها تنفع حق زواج و اهيا مدحتني و بعد فترة ماصار حق صدقتي نصيب مع خطيبها و انفصلو و للاسف ما سالته من الي سال عني حق زواج هل الشاب الي انا حابته او غيرة الله اعلم المهم مو ذي المشكلة تخرجت و شتغلت وبديت انسي الشاب لانه لو صاج جان بيخطبني و اذا ماخطبني هذي قسمة و نصيب من الله سبحانه انا راضية فية و الحمدالله المهم عندي صديقة في البيبي طيبة و حبوبة و صداقتي معاها مو قوية بس شلونج وشخبارج بس المهم قالت لي انا انخطبت و تفضلي عرسي باركت لها رحت خذت منها البطايق فتحتهم الا اسمها يم اسم اللي احبة طلع اهوه الي خاطبها انا تفاجات و اكيد كنت متوقعة لانه يتزوج بس من كل هل البنات ما اختار الا صديقتي الله يهنيها والله مافي قلبي شي بس تمنيت لو تزوج وحده ماعرفها حق ماتيلي اخبارة تزوج ولا مرته ولدت ولا ولا و رحت العرس اول ماجفته دش معاها صادني شعور غريب دقات قلبي ادق و دمي متبس والله عادي انا نسيته حبي مو نفس ايام الجامعة خف البعيد عن العين بعيد عن القلب بس شعور مو حلو ولا الحين في البيبي الله يهداها كل شوي تحط قلوب و حركات ايام الجامعة كله اتخيل نفسي معاة عروس ماتخيلت بروح عرسة و اسفة عل الااطالة

 

[є 3 τ и α q]

الله يهديها بس
والله يفرح قلبك ..

حاسه فيك وبشعورك
بس نصيحه تغاظي عن تصرفات صديقتك
وحاولي انك مآتحصرين تفكيرك عليهم

وانتِ ان شاء الله ربي يرزقكك بواحد افضل منه
وترا المساله نصيب .. واقدآر ربي كآتبهـآ


دعوآتِ ترافقكك ..

 

[انا بطة]

امين تسلمين حبيبتي انا مالومها اهيا اصلا ماتدري و بعدين اهيا عروس مالومها تسلمين على الرد

 

[catwiti]

اذا وزع الله الاقدار على الناس ولم يعطيك ماتريده فلا تحزن بل تأكد تماما انا الله سيمنحك شيئا اجمل مما تريد فقط اصبر قليلا
الله يرزقج بالي احسن منه وتحبينه اكثر منه

 

[دلوعه ناعمه]

حبيبتي انتي.. كنتي تحبينه ايام الجامعه يعني كنتي صغيره وانتي الحين تخرجتي وتوظفتي ونسيته ومثل ماقلتي بعيد عن العين بعيد عن القلب
والشعور اللي قاع اييج الحين مجرد ذكريات قديمه ووساويس تعوذي من ابليس وكملي حياتج والله يرزقج اللي احسن منه بس انتي انتبهي علا نفسج وعلا وظيفتج اشغليًنفسج باي شي والله يوفقج

 

[kAmMoOnH]

بقولك حل سريع يرحيك للأبد

احذفيها من عندك واي صله فيها اقطيعها

بقولك ليش ؟

لأنك رح تتضايقين وتتعب نفسيتك كلما غيرت الصوره وبتقعدين متابعه لها بأخبارها ويمكن تحط صورته وتحفظينها وتقعدين تلومين نفسك واذا ووكل ما صار لها شي رح تتمنين انه انتي مو هي

حبيبتي

اتشتري راحة نفسك وباللك وصدقيني لو الله كتب لك هذا الأنسان اللي ماتعرفينه زين كان اخذتيه فاشيلي من بالك اي شي عنه وعيشي حياتك
وربك رح يرزقك باللي احسن منه

بالتوفيق

 

[بنت النوخذا]

عزيزتي بطه

كانت عندج فرصه و انتي ضيعتيها بيدج
يعني البنت قالت لج انه معجب و ما ادري شنو

اقل شئ قولي لها هذا خوش شاب و انا احمل له شعور طيب
و هذا رقم بيتنا اذا له نيه طيبه يخلي امه تكلم امج وبس

يعني كانت السالفه جدا سهله و بسيطه
ليش تمدين الوقت و تنطرين

نصيحه اذا صادفتك فرصه ثانيه
لا تفوتينها تصرفي بحكمه و عقل و جديه
و اذا الولد و جاكم للبيت قعدي معاه و شوفيه و تكلمه
و اخذي استخاره

و ربي يكتب لج بفرصه طيبه تعوض صبرج يا رب

 

[حبي لله اشد]

الله يهنيها
بس ديربالج لانه في بنات يقولون جذي بيشوفون
شرايج فيه ومايكون صج يحبج ويبيج وهالكلام
والله اعلم

 

[سيزرتفاح]

الله يعينك شعور صعب انتي كان اعتذرتي ومارحتي للزواجهم لان علاقتك معاها رسميه يعيني المفروض شريتي راحة بالك
ومارحتي ودام علاقتك سطحيه معها امسحيها من البيبي .

 

[*الغاليه*]

اهي موغلطانه وعلى ابو انج رفيجتها عزمتج ع العررس

والحييين اللي صاار صارر

ونصيحه دامها رفيجه عااديه اقطعي علاقتج فيها قبل لااتتعب نفسيتج وتشيلين عليها اكثر

يعني اتركيها والقلوب متصاافيه هذا افضل حل

اذا بتقعدين تراقبين تصرفاتها بتتعبين

لانها عررووس واكيد بتسوي هالسواالف

والله يعينج ويعوووضج خيررر


​

 

[أم توتو]

بعد شتسوين هذا نصيب ومحد ياخذ الا نصيبه وانتي الله بيرزقج باللي احسن منه وكل شي خيره ووعسى ان تحبوا شيا وهو شر لكم ماتدرين وين الخيره فيه الله يوفقج

 

[طموحه بزياده]

@@@






نصيب وقضاء وقدر






@@@

 

[Tulips]

ماعليه حبيبتي

وايد تصير هالشغلات على فكره

عموما حبيبتي لو فيه خير لج جان الله كتبه من نصيبج .. والله سبحانه له حكمته بهالشي

عيشي حياتج بشكل طبيعي واهو الله يوفقه بحياته

 

[caramil]

خيره من رب العالمين

ونصيب..

واللي صار صار

دليت من البي بي ام وانتهى الموضوع

ومع الايام راح تضحكين على نفسج اذا تذكرتي السالفه

بس لطالما اهي جدام عينج ماراح تنسين

ونصيبج انشالله مع اللي احسن منه بمليون مره
يارب

 

[{ عبره وهلت }]

:
.



مـآ عليه آبعديهآ عن عينـج ..
وآدعي ربي يرزقج بآللي آحسن منـه =)



.
:

 

[.Nihal.]

حبيبتي انتي ما عليه هذا اللي الله كاتبه

صدقيني بتكون خيرة لج وانشالله بتاخذين اللي احسن منه وينسيج ايااه

 

[جوووهرة]

الله يرزقج باللي احسن منه ان شااءالله ..

و يوفقها مع زوجها ..

,,,,,

خييره ان شاءالله

 

[Amera 7elwa]

صج قهر

الله يعينج
ويعوضج باحسن منه

 

[فيونكه..~!]

الله ةة يرزقك باللي أحسسن منه ةة .,

 

[انا بطة]

بنات او بالاصح خواتي اشكر كل وحده فيكم ردت حسيتكم جريب مني و تنصحون بقلب صافي نبهتوني على اشية ماكانت في بالي يزاكم الله خير و ان شاءالله راح اسويها و يارب كل وحده دعت لي الله يحقق لها خير ما تتمني يارب تحياتي بطة