بنات تعرفون المطاعم اللي تسوين معاها اشتراك شهري كل يوم غدا وعشا؟

[ورده حمره]

السلام عليكم

بنات تعرفون المطاعم اللي تسون معاها اشتراك شهري كل يوم يوصلون غدا وعشا


طبخ بيت ؟؟

اظن اسعارهم 50 كل شهر اذا ماني غلطانه

يوم دياي يوم لحم يوم سمج جذي؟؟

رفيجتي متزوجه وماتعرف تطبخ وساكنه بروحها ومتوهقه

مره سمعت بمطعم بس مو متذكره اسمه اظن وايد جذي من النوعيه

يعطيها العافيه اللي بتساعدني وعسى ربي يوفقها لان صج ماعندها خبره كلش مسكينه

 

[فلونة احلى وردة]

مطعم منحاز الوجبة بدينار ونص عندة اشتراك شهري

 

[ورده حمره]

عندج رقمه حبيبتي ؟ وشلون اكلهم ؟

 

[meen_ana]

حبووبه ليش ماتجرب تتعلم تطبخ ترى احسن لها وتسوي للي تبيه الانه المطعم راح تمل منه والطباخ سهل ومايبيله شي بس تشتري كتب تعليم طبخ وتطبق

 

[bnt_kwt]

خل تتعلم شوي شوي
كل يومين ثلاث تجرب لها شغله
وتبتدي بالسهل الاشياء اللي ما اتعب وماتاخذ وقت

الله يزيده اكل المطاعم اشدراها نظيف
ويا قلبي كلنا يوم تزوجنا ما نعرف نسوي شي تالي شوي شوي تعلمنا والله يعافي امهاتنا
وهالدورات والانترنت يعلمون اللي ما يتعلم

 

[@فطفوووطه@]

والله مااعرف حبيت ارفع لج الموضوع

 

[باربية الكوووويت]

رفع

 

[النوري]

أي مطعم نضام بو دينار ونص ..

بس شلها بالعباله ..؟

وتنجبر بشهر .. كامل ..

خل تدق كل يوم .. وتطلب على هواها ..

وتغير المطعم على كيفها ....

متى ما ملت منه ..

 

[ورده حمره]

مشكورين اللي رفعو الموضوع

بس بنات اهي مو بس ماتعرف اهي تدرس وترد من الجامعه متأخر مافي وقت كلش

تلحق على الطباخ ولا تنظيف الشقه

النوري اهوه مثل اكل البيوت ينوعون لها كل يوم ماتنجبر

لو بتطلب كل يوم مطعم راح يطلع عليها غالي

بس هذا احسن مافيه تسوين اشتراك وتحاسبينهم آخر شهر بسعر معقول

 

[كوارين]

ماعرف


بس اكل البيت احسن وانظف
خل تتعلم شوي شوي

 

[عرموشة]

^

^

^

نفس الكلام

 

[om wahabi08]

انا مسويه اشتراك مع ام فواز غدا الصراحة اكلها لذيذ ونظيف وكل يوم توصله لي بالموعد المحدد فكتني من روحت الجمعيه والتفكير اليومي شنو الغدا باجر
97533882

 

[روقاء]

الصراحه لا تعليق
اول مره اسمع اشتراك حق بلعتنا ههههههه
ما خلو شي

 

[@Miss Dio@]

واعليه علينا دراسه وجامعه ومختبرات كنت اطبخ بالليل والله اموت اصلا الريال ما يبي طباخ بره لو ياكل اي شئ بس المهم من البيت

 

[شيــوخه]

الله يعنهااا

بس خليها تتتعلم وتجهز من اليل

 

[منورة الكويتية]

مادري بس مو حلوة بحقها اكل يومي من بررره
لا واشتراك بعد
خل تتعلم شوي شوي
ومو الا اشياء جايدة
تبدا خفايف لمن تتعلم
او تسوي من الليل وتسخنه لي ردت
كلش كلش تخلي اهلها يسوون لها

 

[اخصائية داون]

الله يعينج
بس الطباخ و الوقفة بالمطبخ تملل و الوحدة تتعب جامعة و دراسة و تنظيف
بس ليش ما جربين الاكلات الجاهزه اللي بالجمعية بس تحتاج تسخين
بس من ناحية ثانية سعرها غالي و كميتها اشوية