بنات تعبت من الكوابيس :'(

[aya faid]

السلام عليكم بنات



انا حامل بعد يومين بدخل الشهر الرابع


وتعبت كل يومين احلم كوابيس ان البيبي يموت :eh_s(16):


واقعد من نومي ابجيييييييي :eh_s(11): ويقعد زوجي على صوتي يهدي فيني


انا قريت ان الحامل دايم تحلم بكوابيس


بس مو متطمنة انو طبيعي


تعبت يابنات كل يومين نفس الاحلام


للعلم دايما قبل النوم اقرا المعوذتين واية الكرسي والاذكار


شوفولي حل والله ضايق خلقي يا بنات وخايفة حيل على بنتي الي ببطني


صج اكتئبت شنو الحل؟؟ قولولي طبيعي ولا لا يمكن حسد يمكن عين؟؟ ولا وسوسة ولا شنو بالظبط شالسبب؟؟؟؟؟؟؟؟



واسفة طولت وقرقت وايد سامحوني

 

[Laymo0ona]

تعوذي من ابليس وكملي عالاذكار والمعوذات والكرسي
وارقي نفسج واللي في بطنج وحاولي ماتوسوسيين وايد بس اهم شي الرقيه

 

[دآنة آلرشآيده]

والله نفس حالتي
كل يوم كابوس يخرع
الله يكون بالعون​

 

[عيون السعودية]

انتبهوا من الكوابيس لأنها ممكن تسبب ضغط على الجنين الله يحفظكم من كل شر
حافظوا على أذكار الصباح والمساء والرقية الشرعية
وحطوا مسك أبيض على المخده اللي تناموا عليها سمعت إنها تطرد الجن والشياطين
إدعوا لي بنتي ماتت في بطني الشهر الثامن بدون سبب طبي وجبتها قيصري على الرغم ماكنت أحلم بكوابيس وكنت حيل مرتاحه بحملي بس إن شاء الله خيره

إدعوا إن ربي يعوضني الله يوفقكم ​

 

[بتبوتااا]

الله يعوضج عيون

aya

حياتي حطي تحت مخدتج قران ياقلبي

 

[غنوة ستايل]

عادي ياقلبي
انا بولدي الاول كنت كله احلم اني اسقط ورايحه المستشفى . وعملية تنظيف ومن الكلام هذا
وكنت اقعد مفززووعه بس الحمد الله ما صار شي ..
المهم اقري قرآآآآن قبل النوم وعسى الله يسهلها عليج يارب

 

[ELFAD3Ah]

خلي ذكر الله على لسانج
واقري المعوذات قبل لاتنامين
وانشالله ماعليج شر

 

[ملكه الحطب]

عاادي وراح تزيد بعد الكوابيس انه يمكن متشوهه او مو طبيعي او يمكن اولد قيصري وكل شي
بس عاد انتي وشطارتج اذا تقدرين تتغلبين عليها

والله يتمم عليج ويحفظ لج بنتج يااارب

 

[aya faid]

استغفر الله العظيم ،، يعني كلكم مريتو بنفس الحالة


مشكورة بنات رح اشغل قران بداري بس مشكلتي ماقدر انام اذا في صوت بس بغصب على نفسي ولا كل يوم اصحى مفزوعة وبجي تعبت


عيون : البقاء لله حبيبتي

الله يعوض عليج يارب ،، الخيرة فيما اختاره الله

 

[^noonaa^]

اتعوذي من ابليس واقري المعوذااات قبل لا اتنامين

مثل ماقلتي الحامل ابهالفتره تييلها كواابيس والله يعيين

 

[راموا]

الله يحفظناااااااااااااااا بحفظه

بس لا ننسى ان الله مع عباده المومنين


الاذكاااااااااااااااااااار تحفظ بعد اللله

 

[muslima88]

نفس الشيء بيحصل معي، باجهاضاتي كنت استيقظ مفزوعة، وما يمر يومين حتى ينزل مني دم.

هلا واضبت على الرقية الشرعية اقراها على ماء واشرب منها قبل النوم وكمان زيت زيتون قريت عليه نفس الشيء و امسح به بطني من تحت مع المنطقة، مع سورة البقرة والصدقة والاذكار و التسبيح والصلاه على النبي والمعوذات والحمد لله ارتاح قبل ما انام، مع انو لسه بعض الاحيان احلم كوابيس بس ما اخاف لا بالحلم ولا بالاستيقاظ، ورجائي بالله اكبر من اي شيء.

خليكي قوية حياتي ولا تهتمي، بما انك موظبه على الاذكار و القرآن ماكو الا العافية ، لك وللبيبي ان شاء الله.

وشيء ثاني ارش البيت و غرفتي بالمسك وماء الورد، والحمد لله حالتي تتحسن شوي شوي. وديما قولي اللهم اني استودعك جنيني انت الذي لا تضيع ودائعك. والله كل هذه الاشياء نصائح اخواتي بالمنتدى الله يجزاهن خير.

ان شاء الله اكون افدتك حياتي.

 

[aya faid]

ماقصرتو بنات جزاكم الله الف خير


مسلمة88

ياقلبي المهم انتي بخير والله احاتيج من قريت مواضيعج ودايم ادعيلج الله يصلح حالج ويرزقج الذرية الصالحة امين

 

[om_3azoz]

انا نفسج جذي وطلع فيني تابعه

كله اقري المعوذات والرقيه الشرعيه وشغلي قران
انا بتلفوني قران لمن انام ريلي يطفيه

 

[kitty eyes]

اسم الله عليج يا ايونه

ان شاء الله ما فيج الا العافية

يمكن من كثر حرصج على البيبي تحسين بهالشي

تعوذي من ابليس ولا توسوسين

 

[قدســـاوية]

حبيبتي لازم تجمعين كفينج لما تقرين المعوذات والكرسي

وتنفثيت بيدج 3 مرات وتمسكين جسمج كللللللللللللللله باللي تقدرين عليه

واذا استمرت الاحلام هذي معناها مو من الجن والشياطين

معناها انه نفسيه

الله يتمم عليج حملج وتشوفين بنتج سليمه متعافيه بحضنج

 

[aya faid]

مشكورة بنات ماقصرتوا

ام عزوز وكيتي الله يبعد الشر والعين اخاف وسوست من خوفي على حملي وبنتي