بنات تعبت من الفطريات وش الحل؟

[*سحآبة*]

السلام عليكم​

بنات .. انا غير متزوجة​

صار لي خمس شهور معاناة مع هالفطريات :eh_s(11):​

وانا ولا مره صار معاي التهابات قبل .. نفس ما اسمع من البنات ​

حرقان اثناء عملية التبول "كرمكم الله" .. والا حكه والا ريحة !

أنا اهتم بنفسي وبنظافتي
​

اللي صار معاي إنه في الكورس اللي طاف شهر 1​

رحت للجامعه كان عندي اختبار .. نظفت من الدورة وتسبحت ورحت للجامعه​

ويوم جيت للبيت . .. نمت على طول
كنت سهرانه وتعبانه ​

ويوم صحيت من النوم​

ماشفت العافيه .. حكه حكه حكه .. لدرجة ان الماي احسه يلسعنييييييي
بس ماكو ريحة ولا شي !
والافراز يكون مثل فتات الجبن​

وجربت غسول cyteal صج ارتحت عليه ​

بس لما ينزل هالافراز.. يهيجني حك !! :eh_s(11):​

و اقعد على هالحال لين .. تجي الدورة الشهرية الثانية
يخففف .. كأنه مافيني شي !! ​

ولما انظف.. يرجع لي الحك !!​

حالياً.. الحك خف معاي
ولكن ... الاحظ إن باطن الشفرتين .. تصير عليها طبقة بيضاء مثل القشــــــــــــــرة!! تقهرني لما اشوفها
اغسلها تروح .. مع حك خفيف!!​

شسسسسسسسسسوي ​

رحت للدكتور .. يقول لي ما اقدر افيدج انتي بنت مو متزوجه
لو متزوجه عطيتج تحاميل .. وكريمات​

فيدوني .. شالحل؟؟؟؟​

اسفه على جرأتي بنات :bbbiu:​

 

[*سحآبة*]

’’آب

 

[كويتيه صغيره]

انا مثل حالنج من تزوجت مانفع معاي الاغسول كير فري والديتول الاخضر للاستعمال الشخصي تخفيفينه بماي طبعا وتغيرين ملابس الداخليه كذا مره باليوم وجربت غسول سيتال مانفعني وابتعدي عن الاكل اللي فيه فلفل

 

[*سحآبة*]

وانا طايحتله فلفل ودقوس وشغل الحار هه الحمدلله والشكر!
يعطيج العافيه عزيزتي ....

 

[ناتشوو]

اكيد في علاج طبي
روحي لطبيبة
اكيد في مضاد شراب

 

[souhaila]

مافي شيء ما له علاج
غيري الدكتور
انا مريت بفس الشيء و وصفلي الدكتور تحاميل و مضاد حيوي ٢ لي وةواحد لزوجي
انتي بنت ما تقدري تاخذي تحاميل

 

[om 7amoodi]

اكلي روب وايد في بكتيريا و خمائر توخر الفطريات انشالله يفيدج :eh_s(15):
تدرين الاجانب يدهنون المنطقه بروب اذا فيها فطريات بس بصراحة مادري عن الحكم الشرعي احس حرام نعمة الله سألي فيها

 

[حرمه المصون]

تنقعي بماي وملح ممتازه وحاولي ماتكوووون المنطقه رطبه ابدا
ماعليج شر حبيبتي وكثري روب مفييييييييييييييييييييد

 

[x.Lina.x]

الله يشاااافيج

 

[دمثة]

1- ملابسج الداخليه تنغسل بصابون اطفال لازم
2- التشطيف بماي دافي
3- غسول abc من الصيدليه روعه
4- اكو كريم عقب ما تغسلين بالماي الدافي والغسول والتشطيف عدل بالماي الداااافي والتنشيف عدل المنطقة
حطي الكريم هذا وراح تشوفين كل شي يروح كريم canesten من الصيدليه اشترية دهان خارجي طبعاا عالشفرات من الداخل وانتبهي لانج بنت

5- كثري شرب سوائل كثر ما تقدرين


وتدعيلي بس امشي عالي قلته

 

[*سحآبة*]

بارك الله فيك خواتي
ماقصرتوا .. بحاول اسوي اللي قلتوا عليه
والله يشفيني ويشفي جميع بنات المسلمين ..