بنات تعبت منهم ابي اصير ز ي الناس

[مناهل نايف]

بنات انا م عندي ثقه بنفسي م عندي شخصيه اللي تقول عله الناس حلواقول ايه واللي ووع اقول وع
تخيلوا صرت بالجامعه ماحب اركض ولااحب اطلع صوت ولاضحك بصوت طويل اخاف ضحكون علي البنات .وصيدقاتي بعد اخاف انهم يقولون شعندها هذي تبي الناس يخقون عليها ولاتبي الناس يمدحونها ّ
؟؟
قطيعععه مليت ..حتى يوم جت بنت كانت امس تحاكيني باللل وسويت فها مقلب يوم جا الصبح وانامع صديقاتي هي جت وقالت تعالي يالعوبا وتسسلم علي وتعلق ع الموقف اللي صار !! واناساكته بس اضحك واقولها ي عممري انتي .واطالع بصديقت اشوف هي تطالع فيني او لا اكيد بيضحكون علي ويقولون خير اثريها تسولف وتعرف تتعرف ومدري اي !! والله بنات انقههرت لش حاقره البنت واطالع بصديقتي ؟؟؟
حتى مااسلم على بنات اعرفهم عشان صديقاتي مايحبون هالاشكال اخاف يقولون ايه هذا كفوك يامناهل البنات اللي مالهم صوت ولاينشون ؟؟

تخيلوا هم حاطين قروب واتكلم محد يرد علي الاوحده واعلق مح يهتم الا بعد خمسن دقيقه ودايم مايهمهم رايي ؟
:eh_s(2)::eh_s(2):تعبت انا اصلن حساسه ..

 

[B Girly]

باختصار
شتبين فيهم
الي خلقهم خلق غيرهم لا تخلينهم يتحكمون بحياتج توج صغيره اذا سكتي عن هالمشكله راح تكبر معاج

انتي لج رايج وذوقج مالج شغل بحد

 

[princess-m]

ما عليج منهم
اذا بتتغيرين لنفسج مو لهم
حاولي بينج وبين نفسج تزيدين الثقه بنفسج

 

[@mr.nadrh@]

حياتي اذا يبونج صج وشارينج
يحبونج مثل ماانتي وبعدين شفيها اذا
تعاملتي معاهم بطبيعتج
حياتي هالناس ما يستاهلون اغير شخصيتي
عشانهم ويع شهالنفسيه؟
اما يحبونج مثل ما انتي ولا بطقاق
في ستين الف بنت بالجامعه ههه وانتي مبين من شخصيتج اجتماعيه فليش ماتتعرفين ع غيرهم
وبث

 

[Patcholli]

حبيبتي لازم تثقين بورحج ومالج شغل بكلام احد
اذا بتحاسبين كلشي يقولونه الناس عيل يتصيرين مثل الريموت كنترول بيدهم
تكفين اهما يحسون نفس احساسج ؟
قاعدين يظحكون ويستانسون ومايدرون عنج ولا يهمهم انتي شنو ردة فعلج
ليش انتي تحاسبين وتخافين ؟
لا يبا عيشي بحريتج وتصرفي على كيفج مو كيفهم وعيشي بالطريقه الي تحبنيها واللي بيظحك عليج عطيه كف على حلجه وخليه يولي
ليش جذي وايد معطه للناس اهميه ..!! لو اهما ارفيجاتج صج ويحبونج صج ماراح يكون جذي تفكيرهم واذا جذي تفكيرهم هذيل فراقهم عيد

 

[M!SS.LOBY]

حبيبتي لا تعطين اى شخص اكبر من حجمه

 

[مناهل نايف]

بنات اليوم قلت بسوي اللي قلتلولي علـــــــيه بس ماقدرت ماقدرت
احس لو بجي اتكلم بيضحكون بيقولون شعندها ولايضحكون على رايي اويحقروني !!ترى اهما كذا ..
انـــــــــــــــــااذا حــــــــــبـــــــــــونـــــي ومـدحـوني اســــتانـس واصـــير اســولــف وعـــادي اطــول بالجامعـــه لكـــن !! لو ســبونــي او ماعــــطونـــــي وجه وحــٌـــقرونـــي أضـيق واتــــــــضــــــــايق وأصــير يالله أمشي بس أبــي اطــلــع الــبـــيـــت

مدري شـــــفـــيني ؟؟

 

[dalo0oa121]

انتي شخصيتج التجنبية واقري عن هالشخصية وتعرفين انه اغلبية
الصفات فيج انتي

 

[Patcholli]

حبيبتي لازم تواجهين هالامور عشان تتعلمين بحياتج
كلنا واجهنا هالمواقف
محد فينا مانجرح او ماتأثر بكلمه
بس محد يموت ولا احد يحبس روحه ويغصب نفسه على وضع معين ويضيع عمره عشان الناس
ميخالف انقرص واتظايق وابجي انقهر واحتر بس مردي راح انسى
ولما انسى راح اصير اقوى وراح اتعلم وحتى لو واجهتي مواقف متشابهه بالمستقبل راح يكون عندج خبره
وتعرفين شلون تتصرفين
بس لاتصيرين جذي خوافه من المواجهه وحاكره روحج بهالوضع مو راضيه تطلعين منه غلط
قاعده تعذبين روحج على شي مايسوى
على شنو على كلام ناس ؟ وقلة عقلهم ؟ اسوي بروحي كل هذا ؟ عشان فلانه وعلانه .. ؟ اتظايق وابجي واهي ترد البيت تظحك وتطلع وتنام وانا متظايقه وابجي ؟
ليش حبيبتي ؟
الحياة ماتمشي بهالطريقه ..
لازم تقوين روحج وعقلج وقلبج وتفكيرج ..
الدنيا ماترحم وماينفع فيها انسان بهالضعف ماراح تقدرين تتحملين
لازم تقوين نفسج وثقتج بروحج

 

[قابوسية وافتخر]

حبيبتي لا تعطين اى شخص اكبر من حجمه

بالضبط​

 

[alzeen- almuteri]

سوي اللي يريحج ترى اهما بشر مثلج
ويعانون وعندهم عيوب موملائكه
عشان كل ماقالوا شي رضختيلهم

واذا ازعلوا قولي اللي يبيني هذا انا واللي مو عاجبه بكيفه واللي خلقهم خلق غيرهم
صدقيني راح يتمسكون فيج
خليج قويه وشوفي مثلا قالوا شي عاكسي رايهم قولي لا ماابي ولا لا موحلو لو عاجبج.

عشان تعلمينهم ان لج راي وكيفج مو عاجبج هالشي واذا زعلوا كيفهم عادي قعدي بروحج ولا احد يتحكم فيج واللي يبيج ويحترمج بيقعد معاج ومايخليج

اهم شي راحتج ومزاجج