بنات تعبت حدي تعبانة

[((البرنسيسا))]

صباح الخير ياحلوين :eh_s(7):

بنات مادري شفيني فجأة صرت أكره الأكل بذات أكل أمي تلوع جبدي منه

وماقمت أكل وكله متنرفزة وأرد عليها رد موشي موبيدي مادري أتصرف من

غير تفكير وصرت كله حزينة وعصبية وأكره الكل مابي أسمع صوت أحد ولا أبي

أشوف أحد حدي تعبانه وبس أسرح بعالمي طول اليوم سرحان وخل يكلمني أحد أنفجر

:eh_s(11): بليز ساعدوني بدعواتكم​

 

[حبيبه ببي]

حبيتي الله ينزل على قلبج ثلج وشغلي القران

 

[Tom ♥ Jerry]

,


آمبيه شفيكم اليوم !
هاذا 3 مووضوع اقراه بنفس المحتوى


الا بذكر الله تطمئن القلوب ..
رمضان ياي و الايام ان شاء الله آحلى بالتقرب من الله :*
بتلاحظين آنج تتغيرين للآفضل شوي شوي ؛)

 

[Katkoota85]

عادي كل انسان يمر بفتره مايطيق نفسه فيها بس اهم شي مايضايق غيره وخصوصاً الوالدين الله يخليهم لنا ..
حبيبتي راضي امج وتسامحي منها وشرحيلها اللي تمرين فيه وخليها تدعيلج ..
اقري قرآن وهدي اعصابج الدنيا ماتسوى الزعل .. روحي زوارات ، يمعي صديقاتج في بيتكم .. اهم شي لاتقعدين بروحج وتوسوسين ..
والله يهدي سرج ان شاءالله

 

[لمى الهاجري]

اظاهر هرموناتج متخلبطة ودورتج قربت وهاي طبيعي النفسية تتغير

 

[((البرنسيسا))]

حبيبه ببي

أجمعين قلبي تسلمين عدعوة الحلوة


Tom & Jerry

الله يسمع منج

 

[((البرنسيسا))]

اظاهر هرموناتج متخلبطة ودورتج قربت وهاي طبيعي النفسية تتغير

لا من زمان وانا بهالحالة مو تو بس اليوم قلت خل اكتب لأني تعبت

 

[((البرنسيسا))]

عادي كل انسان يمر بفتره مايطيق نفسه فيها بس اهم شي مايضايق غيره وخصوصاً الوالدين الله يخليهم لنا ..
حبيبتي راضي امج وتسامحي منها وشرحيلها اللي تمرين فيه وخليها تدعيلج ..
اقري قرآن وهدي اعصابج الدنيا ماتسوى الزعل .. روحي زوارات ، يمعي صديقاتج في بيتكم .. اهم شي لاتقعدين بروحج وتوسوسين ..
والله يهدي سرج ان شاءالله

أمي صعب أفهمها صرت أتحاشاهم بالنوم
والأهل الحمدالله إنزوهم بس مو قادرة أطل بويه أحد صرت إنعزالية وأكره أشوفهم وجودهم
بالنسبة لي مجرد إزعاج ولمن يجينا أحد البيت أصير مثل المينونة أبيه يطلع بسرعه :eh_s(2):
وامي واختي يدرون بس يسكتون حتى احبس نفسي بالغرفه ولمن يجي يكلمني أبتسم مع إني ودي أقطعه قطع بس لمن يطلعون من بيتنا أرتاح حيل واهدى لكن ألحين صرت ماأواطن بيتنا واهلي صرت أكرهم مادري شفيني

 

[نونه المنكوشه]

الله يشرح صدرج وايسر امرج يااارب

 

[Le chat]

وي شصاير فيج حبيبتي الله يفرجها عليج يارب حاولي تغيرين جو طلعي شغلي قرآن اذا السالفه من زمان ارقي نفسج او خل احد يرقيج ويقرا عليج وان شاء الله تتعدل امورج ياارب

 

[el.mlkaa]

حتى انا صصايره بسسرعه اعصصصبب واتنرفز مادري ليش بس الله يفرجها

 

[رحيل المرافيء]

شكلج متخرجة وقاعدة بالبيت لاشغل ولا مشغلة
وهذا اللي يخليج تعصبين

 

[جوري - q8]

انا ودي احد يزورني واحب الناس بس من اشوف احد طبعي يتغير ودي يروح ومتوتره ومعصبه يمكن علشان تعودت علي الوحده وماخالط وابتعاد الناس هو الي خرب طبعي الله العالم احب الناس بس داخلي غير يارب يشفينا ويطمن اقلوبنا بالراحه

 

[Patcholli]

اخاف احد حاسدج على اكلج او طريقة اكلج ؟؟

لان صار معاي موقف مشابه بالدوام وحده كانت مسويه رجيم واانا كنت طالبه ريوق ومندمجه بالاكل وقبل لا اكمل اكلي حاشني مغص ولوعه وقمت رجعت طبعا ماقلت حق البنات بس يتلي وحده من البنات وقالتلي امبيه طاف فلانه شلون مبققه عيونها عليج وانتي تاكلين ؟؟ قتلها اشدعوه لا يبا تتخيلين .. وصج من يومها انا تلوع جبدي من الاكل وخاصه الوجبه اللي كنت اكلها :< وماقدر اكلها اصلا صار فيني حساسيه من معدتي تورم :<

او يمكن قاعده تحاتين شي ومتوتره منه ومعطيج ردود فعل سلبيه بدون سبب

 

[Alias]

راجعي دكتور نفسي أنا اختي مرت بالحاله

 

[دلوعه ناعمه]

لاحبيبتي اهم شي شغلي قرااااان حاااااولي تسمعين قرااان كثر ماتقدرين واللحين شهر رمضان يعني لازم تقرين قراااان وتسمعين بعدد وكثري من الدعاء وانتي صايمه ونصييحه لاتراجعين دكتور نفسي وربي يزيدج وويعطيج حبوب تخليييج تكتأبين وتنامين انتي مافيج شي بس صبري وذكري الله والله يفرجها انشالله

 

[t.o.o.ot]

الله يهدي سرج ان شاءالله

 

[blue ocean]

ماتشوفين شر حبيبتي

اقري قرآن وتعوذي من ابليس وراجعي نفسج بتصرفاتج

شربي ماي وايد لأنه يهدي الاعصاب وحاولي تسترخين

وماعليج الا العافيه ان شالله​

 

[شذونه]

الضاهر كلنا يبي لنا دكاتره نفسيين

حبيبتي مافيه مثل القران ولاستغفار والتسبيح

وتمالكي نفسك
انا بعد موت عصبيه على اتفه شي واحاول اتماسك الله يعين