بنات تعالو عفيه بسألكم

[Hessa.Om-M7md]

السلام عليكم بنات اشلونكم
عفيه بسألكم عن شي الحامل و اللي حملت من قبل عفيه جاوبوني
آنا حامل و الحين لي 33 اسبوع و 3 أيام يعني آنا بنص الثامن
آخر سونار سويته قبل 10 أيام الدكتور قال لي ان راس البيبي تحت بس ما دخل الحوض
لكن قبل يومين بلشت أحس بضغط و حركة البيبي من تحت ( تحت تحت كلش ) فهمتوا وين ؟ أحس كأنه يبي يطلع
اذا البيبي بعده ما دخل الحوض عيل من وين هالحركه و هالضغط الي صاير تحت ؟؟؟ اتهقون بعد آخر سونار دش بالحوض ؟ و مو جنه امبجر ؟؟؟؟ آنا بحمالي الأول البيبي ما دش الحوض الا يوم الولاده !!! و ما كنت أحس بالضغط !

أمبي مخترعه عاد آنا لي الحين مو امجهزه شي كلش :s141:

 

[om MaRyooM]

رد : بنات تعالو عفيه بسألكم

تولدين بالسلامة انشالله


بس مادري احس هذا شعور طبيعي .. انا كنت جذي يوم صرت بنص الثامن بديت احس فيه

احس شي يلعب وبيطلع من تحت لووول .. خصوصا لما اجهد نفسي او اتحرك وايد ولا امشي

وحبيبتي ياهل عن ياهل يفرق .. ويمكن لأن وظعيته جذي فتحسين بشي غريب عرفتي

وبعدين ليش للحين ماجهزتي !!!!!!!! حدج مووصج لووووول
انا من السادس جهزت

 

[حرم_طيار]

رد : بنات تعالو عفيه بسألكم

عادي حبويه
هذا الحوض قاعد يتمدد و يتوسع عشان يستقبل راس البيبي
الله يهون عليج

 

[مزاااج]

رد : بنات تعالو عفيه بسألكم



السلام عليكم
صبااح الخير

أتوقع دش الحوض بعد السونار

وحركه الضغط لي تحت هذي تحسين فيها من الثامن تقريبا
توني أكلم رفيجتي توصفلي حالتها مثلج بالضبط
يعني ان شاءالله كل شي طبيعي وان شاءالله الولاده بعد طبيعيه وماتحسين بشي


وبالنسبه للتجهيز تبين تجهزين بعد الولاده مثلا

 

[Hessa.Om-M7md]

لوول بنات و الله شسوي هالمره غير عن المره الأولى
بالحمله الأولي كنت مشتطه من السادس قعدت أجهز
بس هالمره داايخه و مالي خلق كلش و أمي مو معاي عشان تساعدني اول اهي تيي معاي السوق و الحين كله بروحي فما اتشجع
و متردده اسوي استقبال أو لأ فما أدري شجهز و شسوي