بنات تعالو شوفو سالفة قطوتى الدلوعه ؟؟؟

[kuwaitya_zoGaa]

قوة بنات ؟؟؟

انا تونى شاريه قطوه عنونه واول مره اربي قطوه فما اعرف لها

تقريبا عمرها شهرين ونص ....

وانا شريتها من يوم السبت اللى فات ...

باطه جبدى كلش ماتعطينى ويه واليوم استخفت اطب على وتناقز وتشمخنى وتعضضنى مثل المينونه وماتحبنى كله تنخش عنى هالمليقه ... :0bee2e8d89: والل تهجم على واطقنى وتروح تنحاش

وايد حبطتنى ... مع ان رفيجتى شرت معاى يس اهيا ذكر وتقول لى يموت عليها مع انها تصرخ عليه صراخ الله لا يوريكم والذكر اصغر من مالتى ...

واللى يبط الجبد ماتواطن فراشها وتنام لى على السيراميك البارد !!!!! تعاندنى ...

شسالفتها ؟؟؟

 

[sHa6o0ra]

لوووووووووووووول ورفيجتج شحقه تصرخ على قطوتها ؟.؟ هاهاهااها

قطوتج مافيها شي بس خايفه مسكينه شهرين وموخرينها عن امها انتي لميها راح تحسين انها ترجف وعقب 10 دقايق تطخ ونوميها يمج جم يوم خل تتعود عليج

 

[حبيبه قلبه]

لازم في البدايه جذي بعدين تتعود عليج

 

[M!SS CHARISMA]

هههههههههه يا قلبي حلاتهااااا
عادي اهم جذي القطط لعبهم شوي بايخ ومع الايام بتتعود عليج ^^ وكليها بايدج الدراي فود الخاص للقطط الصغيره
ومسحي على راسها بين اذونها وتحت حنجها << يموووتون على هالحركه
ولعبيها...باختصار عامليها مثل الاطفال بضبط
بس انا عندي الذكر احسن من الانثى لان حنون اكثر ونفسيته احسن من الانثى
اتمنى افدتج واي سؤال عيوني لج

 

[kuwaitya_zoGaa]

هلا والله بنات ... مشكورين وايد وايد

انا باطه جبدى كله تنحاش وتخاف منى حلايا الويه ...

 

[kuwaitya_zoGaa]

هيلب مى بليييييييييييييييييز

 

[بنت عبدالغني شربت]

لوووول كويتيه ما تنحاش

تبيج تلعبين ويااااااها صيده مصديه عندج وعندي خير

انا قطوتي جذي تنخش تبيني ادورها لما اوصل عندها تنقز على يعني صايدتني هههههههههههه

لا وتنخش تحت الطاوله فيها شرشف

لما اطقج وتشمخش يعني تحرش ههههههههههههههههههههههههه

 

[مس باتشي]

صج لعبهم سخيفففففففففف وخاصه لشمخت ونحاشت شمختها تقرص مادري ليه:dddds:

 

[Moka Girl]

لوووووووووول يحلييييييييلها

لازم جذي على ماتتعود عليج تحمليها خخخ

 

[ScarletteO'Hara]

القطاوة الصغار كلهم جذي مع التعود راح تبطل السوالف البايجه

انا بالنسبة لي حقريها و لا تلقينها ويه, اهي راح تييلج عشان خبرج القطاوة يحبون التمسح على الريل

 

[شـ ShOoNa ـونـا]

اوووووووو .. أنــا شــريت قطوووه جــذي ســوت فيــني
تخيــلي شـريت لها خوووش سله , بـــس مــااا قعدت عليــها اول الايـــام .

اهوو القطوووه الصــغيره على التــعووود و تـرى القطووه مــا تحب احد يشــيله بس يــمسح عليــها .
انتي وكـليها حطي جــداامها اكل ... ومســحي عليـــها و كــله قـعدي مــعاها حتى اذا انحااشـت شوووفيها اذا قعدت
بــدااار سكري البــاب و قــعدي مــعاها . بــعدين اهي بــروحــها رااح تتعود عليـج .

و تــرى الـذكر يــلعب اكثر من الانثى .. هذا من مــلاحظتي للقطاوه الي شــريــتها .. الذكوووره كــانوا امــرح
الانثى دلـــوووعه

ثانكس ثانكس

 

[فراشة كويتيات]

ياحلاته يبي يلعب واي احب القطاوة الي جذي يونسون احسن من القطاوة الباردين يالله يالله يمشون هذول القطاوة مرحين