بنات تعالو بغيت اقولكم سالفة مهمة....!!!!!

[cherry67]

السلام عليكم حبايب قلبي...بعد التحية
سؤال:اذا بغيتي تسافرين اي مكان حج مثلا بما ان موسم حج تروحين او تتصلين على الناس اللي زعلانة عليهم وتطلبين منهم ان يحللونج تحللينهم ولا طاف؟حتى لو انت مو غلطانة عليهم .
أو لا سمح الله وحدة تعرفينها ومرضت رحت زرتيها وما عطتج ويه وقالت لج مو محللتج شنو بيكون موقفج؟
موضوع للنقاش وليس للهواش أرجو الرد بكل أدب واحترام :gathering:وشكرا لكم خواتي

 

[غيدآء]

امممممم والله مادري مامرت علي هالسوالف بس اذا اعرف ارقامهم اطرش مسج جماعي للكل يحللوني او اوصي اي احد يعرفهم يقولهم هالكلام

واهم شي النيه وكان الله غفوراً رحيماً

 

[نوارهـ]

اهم شي سويتي اللي عليج رحتي وطلبتي منهم الحل والسماح

خلاص مهما كانت ردة فعلهم اهم شي ريحتي ضميرج و سويتي اللي يرضي ربج

وهم بكيفهم بس قولي الله يغفر لي ولهم ويهدينا جميع




،

 

[cherry67]

امممممم والله مادري مامرت علي هالسوالف بس اذا اعرف ارقامهم اطرش مسج جماعي للكل يحللوني او اوصي اي احد يعرفهم يقولهم هالكلام

واهم شي النيه وكان الله غفوراً رحيماً

صح كلامج انما الاعمال بالنيات ومشكورة عالرد حبيبتي الله يوفقج يارب

 

[cherry67]

مشكورة عالرد حبيبتي صح الواحد يسوي اللي عليه والباقي على رب العالمين

 

[كويتية من قدى]

رد : بنات تعالو بغيت اقولكم سالفة مهمة....!!!!!

تدرين هالموضوع مسويلى قلق مرات الوحده تطلع منها كلمه ولا موقف يضايق الى حولها من دون ماتحس انها ضايقتهم او ظلمتهم اكيد احنا بشر مو معصومين من الغلط00انا هالكلمه دايما اقولها اذا بسافر وباطول اقولها لاهلى او صديقاتى وصارت لما نقلت لدوامى الجديد والحمدالله عمرى ماضايقت ولا ظلمت احد 00بس تبين الصراحه انا مو محلله لاطليقى واهله على الى سوه فينى وبعيالى حتى يده عيالى مرضت فتره طويله وقبل منيتها باسبوع زارتنى بالمنام وطلبتنى احلل بناتها سبحان الله وعقبها باسبوع توفت بالمستشفى الله يرحمها ويغفر لها

 

[مهاوىى]

رد : بنات تعالو بغيت اقولكم سالفة مهمة....!!!!!

حجزت الحج وفيه ناس بيني وبينهم تش هم اللي بدو وقلو ادبهم على وانا دافعت عن نفسي بغيت اتسامح منهم بس خساره فيهم هيلق مايعرفون العلوم الطيبه:eh_s(13):

 

[ام الدرر]

^^^^^^^
حبيبتي مهاوي انتي سويتي اللي عليج لا تضيعين اجرج وتفكرين انه خسارة او مايستاهلون
انا عن نفسي
ادز مسج للكل سواء علاقتي او موزينه اطلبهم الحل
وكان الله غفورا رحيما​

 

[cherry67]

اختي مهاوي مشكورة عالرد وانشاء الله تروحين وتيين بالسلامة وحج مقبول
اللي عليج سويتي وعند رب العالمين ما يضيع والله يوفقج

 

[&& دعاء &&]

رد : بنات تعالو بغيت اقولكم سالفة مهمة....!!!!!

اذا انا غلطانه بحقهم مجبوره اروحلهم واطلب السماح
اشلون اسافر وانا ظالمتهم !!
ما يصير......

 

[Tom ♥ Jerry]

.

طبعا أدق و أكون انا الكبيره جدآم ربي :eh_s(22):