بنات تعالو بسسسسسسسسسرعه فديتكم

[هذا مزاجي]

شلونكم بنات
بدش بالموضوع سيده
اختي خطبها واحد ماينقصه شي ملتزم بصلاته واخلاقه يمدحونها حيل
وابوي سأل عنه ويقول الرجال زين ومافي عيب ابدا
وقال حق اختي تستخير وترد له بعد اسبوع,
المشكله مو هني ,,,المشكله : بأمي !!!!
بداية الموضوع كانت تقريبا موافقه ع المعرس ومو ملاحظين عليها
شي لكن بعد ماسأل ابوي عن الرجال وعرف كل شي عنه وتقريبا
وافق عليه..غيرت امي رايها!!!!!!!؟ :eh_s(10):
وصارت تحاول قد ماتقدر تكنسل الخطبه وتقول حق اختي ارفضي
من غير ماتستخيرين استغربنا ولما سألناها لاحظنا عليها ان مافي شي
يخليها ترفض المعرس واختي صار لها كم يوم تستخير ومبدئيا موافقه
ولما لاحظت امي ان اختي على وشك تعطي ابوي رايها
صارت تصعب الامور ع اختي تقول وع شكله مو حلو
واهو فقير وانتي حلوه وجسمج حلو ..باجر بيجيج عيال مو حلوين
يعني صارت تتكلم كلااام حده حده غرييييييييب يعني صار كلامها
وتفكيرها نفس المراهقات؟ واحنا يابنات مانبي اختنا ترد المعرس
البنت مو كل يوم بتلقالها زوج
والرسول صلى الله عليه وسلم يقول {من جاءكم من ترضون دينه وخلقه فزوجوه}
واحنا من قبل صارت لنا قصه من وحده من قرايبنا مسويه سحر للعايله
لان احنا كم بنت كلنا تزوجنا الحمدلله وتسهلت امورنا وبنتها اكبر منا ماتزوجت
قامت سوت لنا سحر عشان تفرق بينا وبين ازواجنا وسبحان الله انكشفت
وهي حيل قريبه من امي واحنا شاكين انها مسويه سحر لامي عشان تخرب خطبة
اختي ..انتم شرايكم نبي حل بأسرع وقت لاننا تعبنا واحنا نحاول ننهي الموضوع
بس ماقدرنا
الحل فديتكم :eh_s(7):

 

[NEW WOMEN]

ربي يغير راي امكم توافق اذا فيه خير واذا لايصرفه عنكم ابد ما عندي اي فكره ادعوا ربكم اهو ارحم واعلم بحالكم

 

[(حكاية قلب )]

لا حول ولا قوة الا بالله

وش فيهم الناس ...حبيبتي مابي احط بذمتي انها ساحره امج !!

الله يوفقها يارب

 

[عالمي انا غير]

تبين رايي اقعدي مع امج وحاولي تفتحلج قلبها خاف تعرف شئ ومو حابة تقوله لكم او هذي نتيجة الاستخاره ربج خلالها ترفض يمكن تحس بشئ انتم ماحسيتوه والله هذا اللي حسيته لان اللي عرفته من البنات مو شرط البنت ترتاح بستخاره يمكن يطلع ع اهلها ويتحججون ويرفضون وبالنفس الوقت اسمعوا رقية شرعية واقروا سورة البقرة ودعاء الثلث الاخير من الليل وربي يوفقكم ويبعد عنكم وينصركم عكل ظالم ومايبيلكم التوفيق

 

[هذا مزاجي]

فديتكم حبيباتي ماقصرتو
بس احنا اللي حاز بخاطرنا ان امي
تتكلم ع اهل المعرس وتقول ناس فقريعني لاحظنا من
كلامها ان هالناس مو من مستوانا وهذا غلط وحرام
من متى واحنا نفرق بينا وبين بعض كلنا عبيد الله
واحنا بصراحه خايفين من السحر اخاف اللي ماتخاف ربها
مسويه شي لاختي ربط او اي شي عشان ماتتم خطوبتها
{حسبي الله ونعم الوكيل على كل ساحر وساحره عسى الله يشغلهم
بأنفسهم ويرد كيدهم في نحورهم}

 

[المرتاحة]

تبين رايي اقعدي مع امج وحاولي تفتحلج قلبها خاف تعرف شئ ومو حابة تقوله لكم او هذي نتيجة الاستخاره ربج خلالها ترفض يمكن تحس بشئ انتم ماحسيتوه والله هذا اللي حسيته لان اللي عرفته من البنات مو شرط البنت ترتاح بستخاره يمكن يطلع ع اهلها ويتحججون ويرفضون وبالنفس الوقت اسمعوا رقية شرعية واقروا سورة البقرة ودعاء الثلث الاخير من الليل وربي يوفقكم ويبعد عنكم وينصركم عكل ظالم ومايبيلكم التوفيق

انا رايي من راي اختي

صح يمكن تعرف عنه شي او سمعت شي و مو حابه تقول قعدي مع الوالد و فهمي منها ليش ما تبيه

ترى مو كل شي يصير لنا بحياتنا نقول سحر

 

[زوجة عزيز]

والله ما ادري ودوها حق شيخ عشان تتطمنون عليها وان شاء الله مافي الا كل خير والله يوفق اختج ان شاء الله وتفرحون فيها

 

[krkooora]

مو معقوله امج تسوي جذي بدون سبب
لانه انتي قلتي صارت غريبه و تتصرف مثل المراهقين
اكيد في شي انتوا مو عارفينه
كلمي ابوج يدخل يشوف سبب رفض امج

 

[هذا مزاجي]

مشكورين بنات
صار شي البارح غريب
كلمنا ابوي عن مشكلة امي وخذا امي وطلعو بروحهم
عشان يتكلمون وياخذون راحتهم
لما ردو من برا الا امي سبحان الله وجهها منور ومبتسمه
ولما قعدت مع ابوي وسألته قال هديتها وسألتها شفيج
قامت تبجي قالت مادري انا فيني شي بس مادري شنو,؟
قالها ابوي تعوذي من ابليس واذا عارفه شي قوليلي
عشان مانتورط ونورط بنتنا قالت لا الرجال مايعيبه شي
بس ماادري شصارلي هالفتره قالها ابوي يعني موافقه انتي ..؟
قالت اي وياريت ترد ع الناس الحين ويتم الزواج بسرعه
من غير مشاكل وهني كلنا عرفنا ان امي خايفه من سحر رفيجتها
وخايفه ان خطبة اختي تتفركش ..وامي مستحيل تقولنا اي شي عشان مانخاف
والحمدلله احنا ملتزمين بالاذكار وبسورة البقره وان شاءالله مراح يصير الا كل
خييير
فديتكم كلكم ع التفاعل وعسى ايامكم كلها سعاده ...

 

[سكوتي بذوقي]

يمكن الوالده

ماتبي اختكم تبعد عنكم

تعرفين الأم تحن وتشتاق حق عيالها

لو عندها عشر بنات تظل تحاتي وتفكر

الله يهديها وتوافق ويوفق اختك يارب ويسعدها

 

[عناقيد التوت]

كثروا استغفاااااااااااار والله يوفقها ويسهل امرها