بنات تعالو ابي افضفض لكم :(

[اريام الحلوة]

[[

بنات انا صار لي الحين سبع شهور متزوجة يعني عدا شهر العسل بس المشكلة صايره طول الوقت هواش وزعل مع زوجي مع اني احبه موت ولو يقول اه راسي عورني احس الدنيا ضاقت فيني وفي نفس الوقت هو يحبني ومايقصر بشي بس مو راضين نتفاهم وطول الوقت الجو متكهرب بينا ويوميا بجي وصياح صارت نفسيتي تحت الصفر
انا دايم اسمع من الناس ان السنة الاولى لازم شيل وحط بعد السنة الاولى تهدا الامور نسبيا بس والله بنات نفسيتي تعبت حيل والكل منتبه علي ولا المصيبة عبالهم اني حامل
انا وين والناس وين صج فاضين
المهم الحين بنات ابيكم تهدون فيني شوي وتقولون لي هل صار فيكم نفسي وشنو سويتو
يعني عندكم حل لحالتي ؟؟​

 

[أحب بابا جابر]

حبيبتي خلج ريلاكس ولا تفكرين وايد وتحكمي بردة فعلج
لان اذا انتي معصبة واهوه معصب واثنيناتكم معصبين شبيصير ؟
اكيد راح تكبر المشاكل
ودايما السنة الاولى جذي
وبيني وبينج اول 5 سنين ماكو استقرار بعدين كلن يعرف للثاني
وعسى ربي يوفقج وينولج اللي فبالج ويمسح على قلبج

 

[apfel girl]

رد : بنات تعالو ابي افضفض لكم

وناسه اول وحده ارد بس الله يهديه لج يارب

 

[شمس 20]

الله يهديكم ان شالله

تصبري ياقلبي وان شالله وقت بسيط بس وتفهمون بعض وتستقر اموركم والله يسخره لج

 

[حرم يوسف بيك]

رد : بنات تعالو ابي افضفض لكم

عاااااااادي اول سنه زواج انا معاه بس هواش ونجره وصراخ لان تونا ماخذنا على بعض ماعرفنا طبع بعض شنو الي يحب شنو الي يكره فكانت كله مشاحنات بعدين تغيرت حياتنا كل واحد عرف للثاني وعرفنا ان الصراخ والهواش ماييب نتيجه سوالف يهال ولهينا بحياتنا بأول بيبي وتغيرت حياتنا وصار اهتمامنا بالببيبي وقلت قلت المشاكل لله الحمد اول ماتزوجنا كنه يهال كل واحد بيفرض رايه بعدين تغيرت الامور وكلشي تغير مع الياهل الاول والثاني

 

[الشهد كله]

عسى الله يتمم عليج

حببيتي مو شرط أول سنة زواج كلها مشاكل !!!!!!!!!

بس لأن البيئة متغيرة عليج وعليه ، والكل يبي يفرض رايه عالثاني

انتي إذا شفتيه معصب هديه ، وإذا شفتيه يصرخ انتي رخي وخليج هادية ولا تردين عليه ليما يطخ ......

وانتي إذا حملتي تهدى الأمور وراح تلهين بالحمل وهو بعد

خيرتج راح تتأقلمين لطبعه وهو بعد راح يتأقلم لطبعج ............

عليج بدعاء تسخير الزوج في كل فرض

دشي على قوقل وكتبي دعاء تسخير الزوج وكتبيه في ورقة وحطيها داخل السيادة

عشان كل ما تصلين تلقينها في ويهج وما تنسيها

وعسى الله يخليكم لبعض ​

 

[اريام الحلوة]

مشكورين بنات على ردودكم
احس اني ماني قادرة اشكي حق احد مابي اهلي يحاتوني ورفيجاتي كل وحدة لاهية بحياتها
احس كاني صرت اشواا عقب ما فضفض لكم

 

[fdeet_shosho]

يوووه عادي اول 3 سنين تحسين حياتج ملخبطه انا اول 3 سنين كنت كله اتهاوش ويا زوجي احس مافهمنى ولا فهمته بس عقب الحمد لله تستقر الحياه عادي حبيبتى بس اهم شي بالزعلات لا تهدين البيت ولاتقولين لاحد عن مشاكلج فيه خاصه اهلج احفظي سره وصدقيني مع الوقت الرجال يتعدل وربي يهنيج ويوفقج

 

[حقوقيه زوغه]

الله يخليكم حق بعض
بس بقولج نصيحه ,, ريلج اذا قالج اي شي قوليله ان شاااااااااءالله وعلى امرك واللي تبيه يصير صدقيني راح يردلج مره ثانيه وياخذ رايج واذا ماسواها من اول مره راح يسويها المره اللي بعدها
وخلج ريلاكس لا تكبرين المواضيع خلج قنوعه لا تتشرطين وايد ترا الريال مايحب اللي كله تتشرط وموعاجبها (( يعني كله قوليله على ذوقك على رايك بعدين اهوا بيردلج وياخذ رايج )) لان مايقدر يعيش على رايه بروحه وعقبها بكل نقاش راح يطلب رايج ويهتم فيه
والله يوفقكم

 

[اريام الحلوة]

مشكورين بنات والله نصايحكم مفيدة
والله يجزاكم خير

 

[نـعـومـه]

رد : بنات تعالو ابي افضفض لكم

مثل شنو هوشاتكم ؟؟

لازم تسيطرون على روحكم واحد منكم يتنازل ولاتسوين شي يكرهه او يضايقه

وايد مثلكم يحبون بعض بس مايعرفون يتصرفون ويهدون اعصاب نفسهم

انا بعد جذي فتره ملجه وهم تصير مشاكل شوي المصيبه مشاكل سخيفه

حاولي تسوين شي يريحه ومسكي اعصابج وقعدي معاه قعده صريحه وتناقشي بهدوء واتفقي معاه انكم ماتتهاوشون ولا تضايقون بعض

 

[al-musk]

دايم ارقي نفسج وعليج بالبقرة والاذكار

 

[لمسه حزن]

رد : بنات تعالو ابي افضفض لكم

السلام عليكم
حبيبتي
مثل ماقالوا البنات
الحياه في اولها لابد من الاختلاف
والمشاكل بس هذا مايعني
انه مافي حب لا
الاخوان فيما بينهم يختلفون
ويرجعون يتراضون
الحل الصحيح
هو انج تكونين هاديه وقت مايعصب
وتضبطين اعصابج
ومن يهدى تتناقشين معاه
وجاولي تفهمينه اكثر
وتقربون من بعض ..

ولله يوفقكم

 

[njoom1]

رد : بنات تعالو ابي افضفض لكم

هونيها وتهون

اول سنه اصعب ايام الزواج ... وانشالله ايامكم اليايه احلى واحلى

 

[choco kitty]

رد : بنات تعالو ابي افضفض لكم

الله يهديه ويصلح حاله

 

[Mrs_Orchidia]

البنات ما قصروا .. الله يهديكم لبعض ان شاءالله

 

[دلوووعة أبوهـآآ]

رد : بنات تعالو ابي افضفض لكم

حبيبتي الله يفرجها عليج ان شاءالله ويتمم عليج ويهدي سركم ^_^
اتمنى تكون هوشاااتكم وزعلاتكم شي بالمعقول وعاديه ,,


لان اللي اعرفه ان من الطبيعي ماتكونون متفاهمين في اول الزواج !!
فـ انتي خلي عندج صبر
وحاولي كثر ما تقدرين انج تكسبين ريلج بالمعامله الحلوه
وان قال شي حاولي تطيعينه وكسبي رضاه عشان اهو بالمقابل يعطيج اللي تبينه
وبجذي يسود التفاهم بينكم


الريال مثل الياهل
صدقيني ما يبيله عناد ولا يبيج تفرضين شخصيتج عليه
بالعكس اهو يدور الكلمه الحلوه والسنع والذرابه


حاولي معاااه مره و 2 و 3 لييييمن تحسين انج عودتيه على طبعج
وانتي نفس الشي اذا في اشياء انتي مو متعوده عليها وكنتي ابيت اهلج شي وعند ريلج شي ,,
حاااولي تعودين نفسج على طبعه ,,


واحتسبي الاجر في كل شي تسوينه :**

والله يوفقج ان شاء الله ,,
واتمنى اني فدتج ولو بنصايح بسيطه لكنها ثمينه

 

[أنفاسي دخون]

عسى الله يتمم عليج

حببيتي مو شرط أول سنة زواج كلها مشاكل !!!!!!!!!

بس لأن البيئة متغيرة عليج وعليه ، والكل يبي يفرض رايه عالثاني

انتي إذا شفتيه معصب هديه ، وإذا شفتيه يصرخ انتي رخي وخليج هادية ولا تردين عليه ليما يطخ ......

وانتي إذا حملتي تهدى الأمور وراح تلهين بالحمل وهو بعد

خيرتج راح تتأقلمين لطبعه وهو بعد راح يتأقلم لطبعج ............

عليج بدعاء تسخير الزوج في كل فرض

دشي على قوقل وكتبي دعاء تسخير الزوج وكتبيه في ورقة وحطيها داخل السيادة

عشان كل ما تصلين تلقينها في ويهج وما تنسيها

وعسى الله يخليكم لبعض ​

ما قصرت بالرد

وللعلم ما راح تستقر الحياة بينكم عدل الا عقب 5 سنوات وعسى الله يرزقش بالذرية الصالحة

 

[om.lolo]

الله يخليكم حق بعض
بس بقولج نصيحه ,, ريلج اذا قالج اي شي قوليله ان شاااااااااءالله وعلى امرك واللي تبيه يصير صدقيني راح يردلج مره ثانيه وياخذ رايج واذا ماسواها من اول مره راح يسويها المره اللي بعدها
وخلج ريلاكس لا تكبرين المواضيع خلج قنوعه لا تتشرطين وايد ترا الريال مايحب اللي كله تتشرط وموعاجبها (( يعني كله قوليله على ذوقك على رايك بعدين اهوا بيردلج وياخذ رايج )) لان مايقدر يعيش على رايه بروحه وعقبها بكل نقاش راح يطلب رايج ويهتم فيه
والله يوفقكم

والله صج عن تجربة

 

[دلوعة القادسية]

اول شي اقري عليج وعليه
ثاني شي حاولي لما يكون اهو معصب انتي تهدين
وبعدين لما اهو يطخ
تتفاهمين معاه

والله يوفقكم ويخليكم لبعض ويبعد عنكم المشاكل