بنات تخصص علم نفس أو علم إجتماع ،، شوي لو سسمحتوا ..!!

[ريومه ..!!]

السلام عليكم ،،

شلونكم بنوتات ؟!

بنات طلبتكم أبي اللي تخصصهم علم نفسس او علم اجتماع يقولون لي شنو يتكلم عنه التخصص يعني اغلبيته نظريات وشنو بالضبط موضوعه ؟!

لأني ناويه أحول لواحد من هالتخصصين

عسسسآكم ع القوه

 

[susaaan11]

أنا تخصصي علم اجتماع بكلية العلوم الاجتماعية هذا اخر كورس لي و اتخرج باذن الله<< خل الخصلج اللي نوع التخصص

- الكلام كله نظري و كل مقرر اخذه لااااااااااااااازم يكون فيه نظريات علماء, يعني شغل حفظ
- الامتحانات اللي مرت علي اغلبها اختياري سوالف صح و خطا و اختياري من متعدد و اكمل فراغ ..
- علم الاجتماع يدرس الظواهر الاجتماعية >> كل كورس لازم تمر عليج هالعباره,, بمعنى ظواهر مثل طلاق مخدرات خيانه زوجيه او العنف المدرسي او انحراف الاطفال .. اي ظاهره اجتماعية يعني و يحاول علم الاجتماع يدرس هذي الظاهره محاوله لمعالجتها و تخفيفها.
- التخصص دراسته حلوه و لكن في بعض الدكاترته يصعبون المواد .
- و التخصص ترى مو مرغوب حاليا بسوق العمل بس ليلحين فاتحين التخصص بالجامعه و حتى لو موجود و يبون ترى ما اتوقع يحطونج بالوظيفة اللي ترضيج

تقريبا هذا اللي فهمته بال 4 سنين هههه,, و ربي يوفقج

 

[susaaan11]

و خل اقرق عليج شوي عن المواد اللي خذيتها و اساميهم يمكن يفيدج..
- "تغير اجتماعي" من زمان ماخذتها بس يتكلم عن اثار التغير في المجتمع و اسبابه و شلون يتقبل المجتمع هالتغير و طبعا لا يخلو من النظريات .
- " علم اجتماع التنمية" يتكلم عن اهمية التنمية في البلدان العربية و الغربية و سوالف مقارنات و نماذج للتنمية من اليابان و الكويت ...
- " علم السكان" يتكلم عن المواليد و الوفيات و اعداد السكان في العالم...
-" علم الاجتماع السياسي" يتكلم عن الديموقراطيه و المشاركة السياسية و لا يخلو من النظريات
-" علم الاجرام" يتكلم عن الاجرام و النظريات اللي تكلمت عن الاجرام و صفات المجرمين ...
-" مواد الانثروبولوجيا" يتكلم عن ثقافات العالم و شي غريب عجيب راح تسمعينه عنهم..
-" النظريه الاجتماعية الكلاسيكية" يتكلم عن النظريات في علم الاجتماع القديمه . كارل ماركس و ربعه...
-" مناهج البحث الاجتماعي" يعلمج شلون تسوين بحث علمي و شلون تستخدمين برنامج الاحصاءات ..
-" علم الاجتماع العائلي" يعني مفهوم من اسم الماده, يتكلم عن الزواج و نظرياته و الزواج في الاسلام و الطلاق و اهميه الاسره .. ماكو اسهل من جذي ..
-" مجتمع الخليج العربي" عن عادات الخليج و تراث الخليج و قبائل الخليج و الحروب في الخليج...
-" النظريات الاجتماعية الحديثة" عن نظريات العلماء الحديثه ..
-" علم الاجتماع الصناعي" كل النظريات في مجال الصناعه و حقوق الانسان العامل ... من زمان ماخذتها مو ذاكره بالضبط عن شنو

تقريبا هذا اللي اذكره لوول

و تبين نصيحتي,, اذا حيل ودج تحولين كلية العلوم الاجتماعية تخصصي جغرافيا او علم نفس يمكن هذول مستقبلهم افضل

 

[ريومه ..!!]

رد : بنات تخصص علم نفس أو علم إجتماع ،، شوي لو سسمحتوا ..!!

أنا بالتربيه وتخصصي جغرافيا بس صراحة ضعت بالتخصص ،،
كلش مو فاهمته وتوهقت فيه

عجبني كلامج عن التخصص بس لو تخصصته بالتربيه اكيد له مستقبل صح ؟!

مششكوره حبيبتي ماتقصرين ،، كفيتي ووفيتي

؛؛ الحين ابي وحده تخصصها علم نفس تقولي عن تخصصها

يلا بنات عفياا

 

[ريومه ..!!]

رد : بنات تخصص علم نفس أو علم إجتماع ،، شوي لو سسمحتوا ..!!

أب
بنات علم النفس وينكم

 

[ريومه ..!!]

رد : بنات تخصص علم نفس أو علم إجتماع ،، شوي لو سسمحتوا ..!!

أب
بنات علم النفس وينكم

 

[بنوتة كول]

انا ابي اتخصص علم نفس شرايكم فيه بنات؟؟؟؟؟؟؟
واذا تخرجت القى وظيفة سنعة؟؟؟

 

[ريومه ..!!]

رد : بنات تخصص علم نفس أو علم إجتماع ،، شوي لو سسمحتوا ..!!

اب
اب
اب

 

[يعجبني شمــوخي]

رد : بنات تخصص علم نفس أو علم إجتماع ،، شوي لو سسمحتوا ..!!

ريووم تخصص علم اجتماع بتربيه يقولون لغوه صح وله لا؟

بدليل الطالب هلكورس مو موجود هتخصص ..

عاد أنا ودي أتخصص علم اجتمااع ..،

قصدي علم اجتماع إللي بكليه التربيه جامعه الكويت

 

[ريومه ..!!]

رد : بنات تخصص علم نفس أو علم إجتماع ،، شوي لو سسمحتوا ..!!

مآدري عن دفعه ٢٠١٠ بس دفعتي فيها علم اجتماع
والله محتاره