بنات بنتي يعايرونها شسوي

[miss swan]

بنات :eh_s(2): بنتي حساااااااااااااااااحه
لابعد الحدود عمرها 4.5 سنه الحين توها داخله الروضه
مشكلت بنتي ايدها وريلها متروسين شعر ناعم وخفيف
بس كل شوي يسئلونها ربعها ليش فيج شعر بايدج وريلج ليش احنا ماعندنا
تدرون فضول اليهال
قامت ماتبي تلبس نفنوف المدرسه والجوتي لازم معاه دلاق طويل وكل شوي ماابي ريلي تبين
وكله تسالني ليش انا الوحيده اللي فيني شعر
مااعرف ارد عليها
ساعات اقولها عادي حبيبتي كالنا يوم كنا اصغار جذي
ماادري شسوي فيها
بالنسبه حق بناتكم هل فيهم بجسمهم شعر وشنو الحل ؟؟؟
احسها ساعات مو واثقه من نفسه من ناحية شكلها كل شوي هذي احلى مني
ولا هذي شعرها احلى​

 

[miss swan]

شدعوه عبروني​

 

[*ماي الورد*]

نفس مشكلة بنت رفيجتي بالضبط
قامت تلبسها جاكيت صيفي خفيف فوق المريول
و هيلاهوب خفيف
شكلها وايد كيوت

 

[مشتاقة الى الله]

لازم تقوين من شخصية بنتج ربي يحفظها لج يارب
وعلميها انها ما تهتم بالناس ولا راح تتعب من صغرها
اهم شيء قوليلها ماما وبابا يحبونها واهي جذي وحاولي انج تشجعينها

ما اعرف اذا انتو تسوون هالشيء بعد او لا والله اعلم
احنا البنت عندنا فترة النفاس ياخذون شوية من حليب الام ويحطوه في جسم البنت كامل طول فترة النفاس ومرة في اليوم الى ان تخلص وبعد كذا ان شاء الله ما يجيها شعر والوالدة الله يحفظها كانت تسويلنا جذي

انا قلت ما ادري اذا صح ولا غلط عشان لا تهجمون علي وتقصفوني بكلام ماله داعي

 

[q8y-moon]

بنت حساسه وهم يمكن من النوع الفطين
انا بنتي جذي بس مو شعر الجسم لا كانت متعقده من شعرها لانه مو ناعم وتعذبني بكل مشوار بس تبجي وتحلطم منه وتكرهني بالطلعات والمنتاسبات بسبه بجيها
لين رحت سويت لها كرياتين والحمدالله
بالنسبه لشعر لجسم بناتي فيهم بس الحمدالله مو مازمهم
حاولي تلبسينها بنطرون او اقنعيها ان شكله عادي ما ياثر والله يعينج

 

[دلوعه ناعمه]

اب اب اب


علميييها ان اللي يعايرهااا تقوووله الله خلقنييي جذييي واذا قالولها لييش فيج شعرر عووديها تقوولهم عاااادي قووليلهااا لمماااا تكبرين بيروووووح برووووحه وخل تتعود ماتستحي من نفسهاااا

 

[PuPa^^SWeeT]

انتي علميها شلون اترد عليهم علشان ماتنقهر

 

[AVE.NJ]

بنت اختي نفسها شالت لها شيره
بس صدقيني ليش صغيره
مايطلع ترا
جريب البلوغ يزيد

 

[أم حورية]

عادي انا بناتي فيهم. الحمدلله لي الحين محد تطنز عليهم

بس انا اساسا معلمتهم اي احد يعيب ويتطنز عليهم يردون عليهم ويقولون احنا الله خلقنا جذي والله ما يحب اللي يتطنز

واللي يعيب الله يحطه بالنار ومن هالكلام

وانتي زيدي ثقة بنتج بنفسها وقولي عادي مالج شغل فيهم واهم شي نكون نظاف ومرتبين *

 

[Miss Golden]

علميها ترد عليهم ان الله خلقها جذيه مو اهيه اللي مسويه بروحها جذي..

حبيبتي كسرت خاطري بس لازم تكون قويه و ثقتها بنفسها عاليه..




اذكر بنت خالتي كانت تاخذ من صيدلية بوتس كريمات تطيح الشعر حق الجسم و الشوارب.. ما تعور مثل الشيره


مادري اذا تصلح حق عمر بنتج ولا لأ!! الاحسن تسألين اختصاصي افضل

 

[iTaLiyA]

حبيبتي كسرت خاطري
انتي دايما طول ما انتي قاعده معاها مدحيها رفعي من معنوياتها دائماً قوليلها انها حلوه و مزيونه مثلا يا حلاة شعرج يهبل عيونج احلا شي فيج
و فهميها انه هالشي عادي و في وايد بنات جذيه و انه لما تكبر يروح

 

[LA TROO7]

قولي لها لانج مميزة

وهذي هديه من الله انه خلاج مميزة وعلميها اذا احد سئلها تقول لاني مميزة والله يحبني
لاتحاولن تغطينه او تشيلينه لانج راح تاكدين لها بهالحركه ان هالشي مو زين

 

[.،:"$الـعـوبــــة$":،.]

قوليلها اصلا اللي فيهم شعر يعني حلوين واذكيا وشطار ،

و و و و و ،،

عااااادي خل تكون واثقه من نفسها وقوي شخصيتها ،،

جاوبيها بثقه عشان ترد بثقه ،،​

 

[فوق الثريا محلي]

ذكرتيني بالذي مضى كنت وايد شعرانية محد عايرني و انا صغيرة كنا (برئييييييييييييييييييين واااااااااااااايد ) بس فالثانوية بدعوا البنات و الوالدة ترفض اني اشيل الشعر معاناة


حبيبتي حسسيسها انه شي طبيعي

 

[(( نوني ))]

ي حياتي فديتها
ذكرتني باايام الطفوله لما كنت بالابتداءي ييوني البنات ويقولون لي ليش مكحله عيونج انتي صغيره على هالشي
حتى الابلات كانو يقولونها لي واجلس ابجججي والله ماكحلتهم هم جذي
تعقدت منهم واانا عيوني طبيعتهم جذي سبحان الله
ههههههههههههههههه ي حلو براءتنا

 

[ṦάЯỢηά ĚŁђĻώạ]

الحل الوحيد عشان لا تنحرج شقري لها

روحي للحواي وقوليله ابي مشقر

اهو لونه وردي

وماله ضرر ترى

 

[رقي]

عادي تتعود

 

[miss swan]

مشكووووورين واااااااااااااايد على الردود
ماقصرتو والله​

 

[miss swan]

نفس مشكلة بنت رفيجتي بالضبط
قامت تلبسها جاكيت صيفي خفيف فوق المريول
و هيلاهوب خفيف
شكلها وايد كيوت

امي رايها نفس رايج
بس انا مو مقتنعه انها تتغطى خاصتا انها محراره وصيفنا قثا
ومدرستها حر

​

 

[كيت كات]

مس سوان حبيبتي لاتحترين ولا تحتارين
مسكي بنتج واقنعيها ان هالشعر حلو واهي مميزه فيه
مثلاقوليلها كلنا عندنا هالشعر بس ناس شويه وناس وسط وناس وايد وناس وايد حيل
وحاولي تيبين صور ترا النت متروس ويفضل صور بنات واطفال
وقولي ان الشعر له فوائد من التدفئة وحماية البشرة وهكذا
وان الله عطاج هالشي علشان جلدج مايمرض ومايخرب وماتبردين وايد وهكذا
هالعمر جدااا حساس لازم تقلبين كل شي لصالحج وعززي من ثقة بنتج بنفسها
الله يصلح عيالنا وعيال المسلمين