بنات بليز ساعدوني :s > شسوي الحين يبون يفرقونا !!!!

[lovkom]

سلام عليكم بنات ..


راح ادخل بالموضوع من غير أي مقدمات وياريت اسمع منكم آرأئكم وحلولكم بأسرع وقت لاني جد مالي غيركم ومحتاجتكم ..



بنات انا وو بنت خالتي واايد واايد ويا بعض صارلنا اكثر من 3 سنين مانتفرق واهيا كذا مره اتيلي البيت بأيام الإسبوع وتعرفون ضحك البنات وسوالفهم واغاني وجذي بالغرفه ..

وكانت كله تنام عندي وجذي ..

اليوم كان عندها موعد اسنان .. ويات عندي


وقعدنا نسولف صارت ساعه وشي يمكن ..

ودقت امها عليها وهذا الحوار الي بينهم ..

بنت خالتي : هلا يما .. اوك الحين البس شيلتي واييلج .. انزيييييين خو توج داقه لاتصرخين يعني اصير طياره !! .. باي


انا : شفيها امج معصبه !

بنت خالتي : شدراني عنها مالي خلق شي بروحي تعبانه

انا : امممممم


..


نزلت وياها تحت وصلتها حق امها لقيت يدتي قاعده ويا امها ..


(( احنا ساكنين ويا بيت يدتي ))


يدتي : وي يما شكلج تعبانه روحي الطبيب


خالتي : أي والله بس مالي خلق خل اروح البيت اول ..


يدتي : كيفج يما


خالتي : يالله مع السلامه


يدتي : الله وياج


...


قعدت امشي ويا بنت خالتي لي الباب وبعدها رحت واقفه عند الباب الثاني


بنت خالتي : دقي باجر علي فروح

انا : اوكي


خالتي : مو باجر الي عقبه

وراحوو ..



رحت انا غرفتي وقعدت شابكه بمنتدى كويتيات النسائيه وجذي ..


وشبكت بنت خالتي قالتلي فروح بقولج شي لاتكلمين امج ومادري شنو


قتلها شنو قالت خالتي مكلمه امي وتقول يبون يفرقونه لانه اسلوبنا مو عاجبهم وتقول شنو جم مره تشوفني بشورت بغرفتج وين قاعدين !

قتلها احنا بنات خو عادي وماكو شي يفرقنا

وبنت خالتي ميته من البجي تقول مابي يفرقونه

وخالتي قايله حق بنتها اذا بنروح بيت يدتج تقعدون بالصاله مو بالغرفه وخالتي منفسه على بنتها وجذي ..



وانا بنت خالتي صراحه مانبي نفترق واذا كلش كلش قلنا نكلم يدتي عن هالموضوع لانه مو معقوله يقطعون صلة الرحم الي بينا !!

وانا قلت ابي انفس على امي وخالاتي والله اذا فرقوني عن بنت خالتي مالي قعده فبيتنا اروح بيت ابوي احسنلي بس مادري مادري شسوي بالموضوع وايد محتاره وانا قلت حق بنت خالتي هالفتره يعني ما اتيلي البيت ونغير من نفسيتنا شوي لما يحسون ولا انتو شرايكم ؟؟


بإنتظار ردوووووؤدكم ​

 

[ملآمح يوسفيه]

حبيبتي اهم يشكون فيكم ؟

كل بنات خاله جذي
خاصة الي كبر بعض
تكون علاقتهم حيل ويا بعض

ياقلبي لازم كلكم تتجمعون كل واحد يقول الي بقلبه
وتبينون انكم ماسويتوا شي غلط ؟
وانتم تربيتهم لازم يكون واثقين فيكم



​

 

[lovkom]

حبيبتي اهم يشكون فيكم ؟

كل بنات خاله جذي
خاصة الي كبر بعض
تكون علاقتهم حيل ويا بعض

ياقلبي لازم كلكم تتجمعون كل واحد يقول الي بقلبه
وتبينون انكم ماسويتوا شي غلط ؟
وانتم تربيتهم لازم يكون واثقين فيكم



​

والله مادري قبل ما انكر يشكون بس الحين خف الشك شوي ..

واحنا منزمان ويا بعض حبكت توهم يتكلمون :bbbiu:

 

[lovkom]

حبيبتي اهم يشكون فيكم ؟

كل بنات خاله جذي
خاصة الي كبر بعض
تكون علاقتهم حيل ويا بعض

ياقلبي لازم كلكم تتجمعون كل واحد يقول الي بقلبه
وتبينون انكم ماسويتوا شي غلط ؟
وانتم تربيتهم لازم يكون واثقين فيكم



​

والله مادري قبل ما انكر يشكون بس الحين خف الشك شوي ..

واحنا منزمان ويا بعض حبكت توهم يتكلمون :bbbiu:

 

[!witcha!]

امبي ! شالحجي؟ والله حرام عليهم بنات و مستانسين مافيها شي ليش يسيؤون الظن ؟ ماعليج بس نصيحتي حاولوا تفهمونهم انه الي شايفينه غلط بغلط و انكم بحسبة خوات وصديقات........... الله يخليكم حق بعض

 

[Muna 93]

حبيبتي لو شنو يصير لا توخرون عن بعض
خليكم مع بعض وقولي حق امج انا من زمان معاها والكلام اللي تقولونه غلط احنا مستحيل نكون جذي
وقولي حق يدتج بعد عشان تكلم امج وخالتج
وان شاء الله تستمرون مع بعض

 

[lovkom]

امبي ! شالحجي؟ والله حرام عليهم بنات و مستانسين مافيها شي ليش يسيؤون الظن ؟ ماعليج بس نصيحتي حاولوا تفهمونهم انه الي شايفينه غلط بغلط و انكم بحسبة خوات وصديقات........... الله يخليكم حق بعض

الله اعلم شنو يفكرون فيه عاد :stars:


تسلمين حبيبتي نورتيني

 

[am_kshaa]

كلمى امج وخالتج ويدتج كلهم مع بعض وخلى بنت خالتج تكون موجودة وفهمو المووضوع عدل
وليش يبون يسون جذى

 

[Tutti-Frutti]

امـبـي شـهـالتـفـكـيـر
حـدهـم غـلـطـانـيـن

سـئـلـوهـم شـنـو الـفـكـره الـلـي فـ بـالـهـم بـالـضـبـط؟
بـيـنـو انـه انـتـو مـو مـثـل مـا اهـمـه يـفـكـرون

بـنـات مـتـربـيـن ويـا بـعـض وعـادي
خـو مـو مـتـفـصـخـيـن وقـاعـديـن :\

بـس شـوفـي هـالـفـتـره مـره قـعـدو بـالـدار ومـره بـالـصـالـه
يـعـنـي مـو تـحـبـسـون روحـكـم طـول الـمـده بـالـدار
عـشـان يـشـوفـون انـه انـتـو عـادي سـواء بـالـدار ولا غـيـره مـو مـهـم لانـه مـاعـنـدكـم شـي تـخـشـونـه بـالاسـاس

 

[ضحكه مستعاره]

لاتعاندينهم عشان ماتثبتين اللي في بالهم

خلي وضعج طبيعي وبيوم زوارتكم تكلمي انتي وياها قدام امج وخالتج

ووضحووووو لهم يمكن هم شايفين شي مخليهم يشكون فاحسن شي المواجهه وتكلمون مع بعض كلكم
العناد ماراح يحل شي

 

[el3aroosa]

خلو الباب مبطل وقعدوا عادي سولفوا ولاتلبسون شورتات وجذي اصلا حرام فوق الركبه عورة البنت للبنت من السره للركبه
وبجذي ماحد بيروح فكره بعيد وبصراحه الموضوع يفشل الله يعينكم

 

[Nokia N95]

تبين الصراحة ....
هم يخافون عليكم .. من حبهم لكم ... اعذروهم
من اللي شافوه بالمسلسلات و الافلام
لاتكبرون الموضوع .... ولاتعاندونهم علشان ما يتأكد الشك عندهم ...
كلها فترة وتعدي وينسون الموضوع ....
تذكروا ... دوام الحال من المحال ....

 

[so_what]

حاولي جدامهم ان ما تلبسين شورت و جذي ليما اطخ السالفه وكله قعدوا معاهم و وسولفوا معاهم ، بعين ليش يفرقونكم ما سويتوا شي وكافي ان انتوا بنات خاله المفروض يكونون واثقين منكم وانشاء الله الله يهدي النفوس

 

[strawberry89]

وي لا تلبسون شورتات .... وحاولوا انه الوضع ايزي

 

[Miss.6Mo7]

ليش تفكيرهم جذي ؟

 

[lovkom]

تسلموؤوؤن حبيابي عـ النصايح وانشششالله بسمع كلامكم وابشركم بالنتيجه لوول ..


منورين

 

[lovkom]

ليش تفكيرهم جذي ؟

تسأليني انا :bbbiu:

 

[كويتيه و مفتخره]

انا اعطيج حل نفس ما قالو خواتي هني انه لا تعاندينهم بس واجهيهم
يعني يوم يمعتكم قعدو وياهم بل صاله و سولفو و سوو كلش تسونه بل غرفه(بس لا يتعدى الحدود)
و شوفي شيصير و عطيني خبر

 

[tolay]

جم اعماركم ؟؟؟؟

اهمه يخافون لانه شافو علاقتكم حيل مع بعض

انتو حاولو تفهمونهم انه علاقتكم طبيعيه ومثل خوات

اهمه يفهمون شي ثاني

واكيد يقولون بينهم وبين نفسهم ايي الزمن يخوف وخلونا نشد على بناتنا

 

[جميله وجذابه]

مثل ما قالو البنات اهم خايفين عليكم من القصص والبلاوي الي قامو يسمعونها

و لا تقعدون بروحكم بالغرفه قعدو مع اهلكم و اذا قعدتو بالغرفه لا تصكون الباب و لا تلبسون شورتات ماله داعي