بنات بليز ساعدوني بشرتي حيل متعبتني

[مريوشة]

:aha:السلام عليكم بنات شخباركم انا متابعه لكم كل يوم بس حبيت استشيركم بشغله صراحه انا بشرتي حيييل متعبتني وجافة ومتقشرة بس حبيت اعرف احسن غسول للمكياج وغسول يومي وطرق العناية وبكون شاكره لكم بحظ الله ناطره ردودكم

 

[ام مريووومة]

انصحج بغسول كلين & كلير غسول يومي
انصحج تستخدمين ماسكات للبشرة منهم تشترينهم من الجمعية مثل ماسك نيفيا بالعسل وماسك ستيفز وعندج الماسكات الطبيعية مثل :
1. روب مع هردة.
2. روب مع عسل.
3. روب مع ترمس مطحون.
4. روب مع حلبة مطحونة.
5. شوفان + ماء ورد+ روب+ عصرة ليمون.

بالاضافة تحطين ماي ورد بقالب الثلج وتستخدمينه بشكل يومي

واذا حسيتي بتحسن امانة ادعيلي الله يهديلي ريلي ويرزقني بالولد الصالح

 

[ام مريووومة]

اي بعد انصحج تشربين ماي وايد يعني مو اقل من 6 جلاسات باليوم

 

[عاشقة الدوحة]

رد : بنات بليز ساعدوني بشرتي حيل متعبتني

الله يعينج أختي .. بس قولي الحمدلله لان احس ان البشرة الجافة مشكلتها اهون من البشرة الدهنية ...
في غسول من كينيبو بالحليب ينظف البشرة وما ينشفها ،، وبالنسبة للميك اب تقدرين تجربين كريم أساس كينيبو حلو للبشرة الجافة ...